بس قبل مانبتدي بالطريقه ،، في تعديل بسيط للـ color space لازم نعمله فالفوتوشوب لنظهر بنتيجه أفضل خصوصا عند طباعه الصوره :
1. نروح Edit >> Color Settings بتطلع الشاشة اللي تحت :
والمطلوب: نضبط Working Space >> RGB للقيمه التاليه: “(Adobe RGB (1998” وبعدها نضغط على OK
2. نختار الـ Eyedropper أو القطاره من الـtools اللي عالجنب ،، وفوق فالـ properties نضبط الـ Sample Size: 3 by 3 Average ،، نفس مافي الصوره تحت
حلو ؟
طيب نبدى الحين بالطريقه : ،،
نفتح الصوره المطلوب تعديلها ،، وانا اخترت هالصوره عشان نعدل الوانها وبنشوف شلون بتصير عقب
1. اضغط Control + M أو Edit >> Image Adjustments >> Curves ،، وبتطلع الشاشه رقم 1 فالصوره تحت
2. دبل كليك على القطاره السوده "عليها الدائره" اللي تحت الـ options بتطلع لك الشاشه رقم 2 فالصوره تحت
3. نغير الارقام "اللي فالمربع" R,G,B من 0.0.0 إلى 20.20.20
4. نضغط OK في الشاشه 2
5. دبل كليك مره ثانيه لكن هالمره على القطاره البيضه "عليها دائره" في الشاشه 1
6. وفي الشاشه 2 نعدل الأرقام RGB إلى 240.240.240
7. نضغط OK في الشاشه رقم 2
8. دبل كلك مرة ثالثة على القطاره الرمادية "عليها الدائره في الشاشة 1" وفالشاشة 2 نتأكد ان الـ RGB مضبوط على 128.128.128
___ سؤال يطرح نفسه : شاللي سويناه الحين ؟! ___
طالت أعماركم ،، احنا عدلنا مجال تدرج الأبيض والأسود فالصوره لنحصل على أفضل اضاءه عند تعديل الصوره =)
. بعد ماخلصنا الخطوات اللي فوق نضغط OK في شاشه الـ curves وعقب Yes عشان نخزن التغييرات اللي عملناها
10. وبعد كل هالتغييرات نبدى بتعديل الوان الصوره :
نفتح الـ Curves مرة ثانيه control + M
نضغط على القطاره السوده مره ثانيه "عليها النقطه" >> ونضغط على نقطه في الصوره اللي نشوف انها أكثر منطقه سوده ،، وفهالحاله انا اخترت المنطقه اللي عليها دائره ،،
بتلاحظون ان لون الصوره تغير شوي للأدكن
وملاحظه مهمه: لون الصوره بيتغير على حسب المكان اللي تضغطون عليه ،، جربوا اضغطوا على أكثر من مكان وشوفوا الفرق
11. نفس ماعملنا فوق نضغط عالقطاره البيضه >> لكن هالمره نضغط على النقطه الأكثر بياضاً او اقوى نقطه اضاءه فالصوره
وفي صورتنا اخترت المكان اللي عليه الدائره ،، بتلاحظون ان الوان الصوره صارت افتح
12. نكرر نفس العمليه للقطاره الرماديه >> ونضغط على نقطه فالصوره اللي نحس انها أكثر لون رمادي يتوسط الألوان الأبيض والأسود
ملاحظه مهمه: هالخطوه ممكن ان نحتاج نكررها أكثر من مره أو نضغط على كذا مكان في الصوره لحد ما نوصل للنتيجة المطلوبه
في صورة الطير اللي اخترتها ،، رسيت عالمكان اللي عليه الدائره
قبل لا نروح للخطوه الأخيره ،،
الملاحظتين اللي فوق يعتبرون أساسيتين في هالطريقه ،، لأن ألوان الصوره تتغير بشكل مختلف على حسب المكان اللي نختاره للألوان الأسود والأبيض والرمادي ،، فـ حاولوا تمرنون العين على اصطياد هالألوان للحصول على أفضل نتيجه
http://hamasat.net/vb/images/smilies...guhm_1_prv.gifleep:
13. الخطوه الأخيره مش ضروريه ،، لكن اذا احاجت الصوره شوية اضاءه زياده >> نحرك الخط اللي في شاشة الـ curve شووووووي للأعلى بالشكل اللي فالصوره
وآخر شي نضغط OK وبهالشكل نكون عدلنا الوان الصوره ... وهذي مقارنة للصوره اللي اخترتها .. قبل وبعد
أدري ان هالطريقه طوييله شوي ويبيلها شوية شغل ،، لكن عن نفسي صراحه قمت احصل على نتايج جدا ممتازه لألوان الصور مع المحافظه على درجة نقاوة الصوره وجودتها
منقول للفائدة
