السلاام عليكم ورحمة الله وبركااته
من زمان ما نزلت موضوع منفصل عن أحاسيس منفيه ...
اتمنى الخاطره تصل لقلوبكم
/
http://www.abekdash.com/wp/wp-content/pic/sad-5.jpg
بنفس المكان
ونفس هذا الوقت
ونفس هذي الأغنيه
اسمع صداها بخافقي
مع كل نبضة قلب
كني أعيش الوقت ثاني .!
كن الزمن يرجع .!
وكن صوته اسمعه .!
أعيشه
واذكر تفاصيله
وبيدي أشعره .!
بنفس المكان
ونفس هذا الوقت
ونفس هذي الأغنيه
مدري أهي صدفه
أو إن العقل يلعب بي
وقلبي صدقه .!
مدري اهو ماضي ..
سكن فيني وملكني
أو أنا اللي أملكه .!
بنفس المكان
ونفس هذا الوقت
ونفس هذي الأغنيه
كل شي باقي .. مثل ما هو
إلا أنا ماني أنا
كل شي فيني أختلف
وحتى المشاعر للأسف
صارت بليده
كنت أول
يوم ما كنت بحياتي
يوم كنت نبضي وذاتي
وقبل لا إحساسي يذبل
وقبل تقتله بغرورك
وقبل تطفي عني نورك
وقبل لا قلبي يموت
كنت أشعر .!
كان يجذبني الغروب
وكان يسعدني الشروق
وكان النسيم له معنى
وكان اظن الحب معنا .!
وكنت أعيش ... هذي الأغنيه
بالحرف .. بالألحان.. بالصوت
بالتفاصيل الممله
وكنت أنت اللي اغني فيه .!
كانت أشوف .. و كنت أتحاشى أشوف .!
كنت أشوف إن الهوى كذبه
وأخرها أبجني هالجروح
كنت أدري ... ومآبي أدري
إن قلبي في النهاية
من سبايبك بينوح
وكنت أتحاشى أشوف إنك تخون .!
كنت أبيك اصدق بشر
كنت أبيك اطهر بشر
كنت اصبر وأنتظر
وكل أمل يولد
تطعنه بيدك
تقترف ذنبه بسكون .!
وكنت بطعونك كريم .!
ورغم دمعي والألم
كنت أقول إنك تمون .!
الين صار اللي بغيته
صرت أنا ماني إنا
أشبه اللي كان .. يرسم لك أماني
أشبه اللي كان .. يكتم بصدره ألم
يكتم بصدره جروح ونزف
ويبتسم لك
ما يبك تشعر للحظه
إنك الجاني .!
وأنا المجني عليه
واليوم بنفس المكان
ونفس هذا الوقت
ونفس هذي الأغنية
كل شي باقي .. مثل ما هو
إلا أنا ماني أنا
ضاع كل اللي سكني
وما بقى فيني بقايا
إلا إني
صرت اعرف وش أبي
وصرت اعرف من يبيني
ومن أبي
وانتهت هالأغنيه
وانتهت معها الأحاسيس الدفينه
وراح الوقت
وتركت المكان
/
شكرا للوصول الى هنا
تحياااااااااااتي
