بسم الله الرحمن الرحيم..
والصلاة والسلام على أشرف الأنبياء والمرسلين..
النبي الأمي المبعوث رحمة للعالمين..
وعلى آله الطيبين الطاهرين..
ومن تبعهم بإحسان إلى يوم الدين...
أما بعد...
طلعتلنا بهالكام يوم مشكلة جديدة بالماسنجر..
<< ما بطل على منتدى الكمبيوتر إلا بالمشاكل :jap022:
وهيي لما تجي تتصل على الماسنجر، بتطلعلك رسالة خطأ برقم 810003c1
وإنو فشل الدخول إلى الماسنجر. والرجاء المحاولة في وقت ثاني !
بالرغم أنك فيك تدخل من نفس الماسنجر بس بإيميل تاني...!
وفيك تدخل عا إيميلك من موقع الهوت ميل وتتصفح الرسائل اللي عندك .. !
وانتشرت هالمشكلة بالإنترنت.. وانتشرت الطرق المعالجة لهالمشكلة..
بس للأسف أغلبها ما فادت معي..:jap010:
أذكر منها:
1- فتح الملف :
C:\WINDOWS\system32\drivers\etc
عن طريق الـ Run وحذف ما فيه..
2- تغيير الباسوورد..
3- حذف الماسنجر وإعادة تنصيبه من جديد !
بس للأسف هالطرق التلاتي مش نافعة ومش دايماً بتزبط < هاي لو زبطت:jap017:
اليوم.. واليوم بس..
جبتلكم الطريقة الفعالة والمضمونة 100% لحل هالمشكلة..
لهلأ ما سمعت عن حدا جرب هالطريقة ما مشيت معو المشكلة
<< يعني شغل معلم:jap002:
ركزوا معي بالخطوات منيح منيح..
همسة:
لا أحل هذه الطريقة لمن يستخدم الماسنجر في شيء يغضب الرب !
وبسم الله نبدأ:
1- سكر الماسنجر بشكل نهائي..
2- ادخول لإيميلك عن طريق الهوت ميل..
3- بعد ما تدخل.. روح لصفحة " الخيارات " أو Options بأعلى ويمين الصفحة..
4- روح بعدا لأول خيار.. واسمو " مشاهدة أو تعديل الخيارات الشخصية " أو View and لedit your personal information
5- ادخل على " تعديل معلومات التسجيل " أو Edit your registered information
6- روح على " موقع الوجود " أو Home location
7- زبط " البلد " أو Country/Region من الخيار اللي أنت حاطه إلى United States أو أي دولة تريد..
شخصياً حطيتها أمريكا << كشخة:jap037:
8- اختر ولاية New York
9- حط الـ ZIP code هالرقم : 10001
10- اختار أي Time Zone
وشخصياً استخدمت GMT << ملاحظين معي أديش بحب حالي:jap022:
11- احفظ التعديلات.. وسوي تسجيل خروج..
12- شغل الماسنجر.. ودخل الباسوورد تبعك..
13- ادعيلي بأي دعوة تخطر على بالك..
واتذكر أنو أي دعوة تدعيها الملك لح يقولك : ولك مثل ذلك..
يعني شو بدك أحلى من هيك ملك من الملائكة منزه من الخطايا بيدعيلك !!
أكيد دعوته مستجابه .. ولا شلوووون؟؟؟:jap001:
وبما انكم لح تدعولي وتدعولي..:jap027:
ادعولي كمان أنو الله ينولي اللي ببالي..
ويجعلني من سعداء الدنيا والآخرة..
<< خلاص خلاص الشغلة مكسب !:jap014:
وصلى اللهم وسلم على سيدنا محمد..
وعلى آله وصحبه وسلم..
سبحانك اللهم وبحمد..
نشهد أن لا إله إلا أنت...
نستغفر ونتوب إلــيـــك ...
دمتم على طاعة الرحمن..
ماجد
