داما

السلام عليكم ورحمة الله وبركاته

اممم صارلي اسبوع اصور وايد واطلع بس عشان اصور

عشان اتعلم اكثر وحسيت اتعلمت وايد

وحبيت اسأل عن ال G9 كبدايه قلت اخذ هذي الكاميرا وخذيتها قبل 5 اشهر
وعرفت انه فيه عدستين تتركب عليها بعد ما نحط شي اسمه adapter وقريت عن الادباتر يقولون تستطيع اتغير الفلاتر من خلاله
ووتركب فوقه عدست ال wide والثانيه ال tele converter اضنها حق الزوم
هذي العدسات مصنوعه خصيصا ً حق هل النوعيه من الكاميرات

سؤالي اهني يفيدون هل عدستين اقصد هل تعطي تأثير على الصور وخاصة ً ال wide !
يعني تعطي نتايج قويه ولا لأ ...
لاني ادري مو كاميرا احترافيه جذي حبيت اسأل اذا لهم تأثير ولا لأ ؟
http://www.photoaficionado.com/pimpm...onverters.html

ارائكم اتهمني
اخوكم عبد الله :)

اهلين ^^"

سوري عشان ما عندي فكرة عن سؤالك بس اكيد غيري يعرف ^^

عجبني الفوكس في الصور وايد ^^ مضبوط بالنسبة لي و الثلاثة حلوين
الي ما عجبني تشوف الضو كيف منعكس على بعض القطع (يعني ضوء المكان) فهذا الي مخرب من حلاوة الصورة

بالتوفيق لك :)

جميلة الصور صراحة ...

لكن حاول تحط الموضوع الرئيسي للصورة في الطرف اليمين او اليسار افضل

لكن صور جميلة

بالنسبة للـ G9 كاميرا شبهه احترافية ...

والوايد الي يركب عليه جميل لكن ما ادري اذا نفس النتائج ولا لأ

والكاميرا ممتازة جدا وجميلة

و عليكم السلام ...
صور حلوه
دير بالك ترى انا حرفنه بهاللعبه :09:
لا لا اتغشمر معاك :D
انا بس اطقطق شوي :D
المهم ... تسلم ايدك اخوي
و قواك الله

تحياتي
اخوك : Fanaan

و عليكم السلام ورحمة الله وبركاته ..

أهلا بك أخي ( عبدالله) ..

محاولات جيدة .. و أسع



بالنسبة للصورة الأولى ..محاولة جيدة لتلوين الصورة يدويًأ .. احرص في المرة القادمة على إستعمال الفرشة ناعمة الأطراف للحصول على نتائج أفضل ..

زاوية الصورة الأخيرة رااائعة .. أحببت ظهور جزء من القطعة الصفراء المغبشة في يمين الصورة, تمنيت تصوير نفس المقطع في لعبة حقيقة ..


لدي ملاحظة عامة على كل الصور .. فكر في الفكرة التي تريد توصيلها عن طريق الصورة .. فمثلاًا إن كان هدفك توصيل شعور التنافس .. فضع مثلا قطعة صفراء في منطقة القطع البيضاء, و أظهر في الخلفية قطع بيضاء (نائمة ) ثم ركز على القطعة الصفراء و اجعل الخلفية مغبشة ..


بالنسبة لسؤالك .. بحثت عن العدسات التي تركب على الكاميرة و وجدت أن هناك أنواع كثيرة ( سوني - كانون - و غيرها ) .. كما أن المدى يتغير بتغير العدسة !

بالنسبة لعدسة الـ wide angel فإنها ستتيح لك مجال تصوير أوسع كأنك ابتعدت عن المشهد .. أما عدسة الـ telephoto فإنها تقرب المشاهد و تصور جزء محدد منه .. مدى البعد و التقريب يختلف باختلاف العدسة التي تطلبها ..

هذه بعض نماذج الصور الملتقطة بهاتين العدستين ( ١ - ٢ -٣ )

بانتظار المزيد من التجارب :) ..

بالتوفيق.

Ahmed Blight

يعطيك العافيه على رايك ومرورك العطر
بالنسبه للإنعكاس صح كلامك :blackeye:
وشرفت الموضوع

UZUMAKI JAK

اشكرك على رايك اممم احط الفكره الرئيسيه في الجانب الايسر أو الايمن
ما فهمت نقطتك !
وحياك الله

Fanaan

ههههههه يعني انا :09:
ما احب هل النوعيه من الألعاب مثل الشطرنج وغيرها
يعني على حسب المزاج
والله يسلمك ...مرورك نور الموضوع

q8tya

اممم ما عدلت عليهم بالكاميرا نفسها خاصية عزل الالوان !
بالنسبه للفكره لو اتلاحظين الصوره الثانيه اهي الي احتوت على فكرة الموضوع فقط
بالنسبه لي ما أحب هذا النوع من التصوير احب تصوير شي جمالي طبيعه ورود اشجار حيوانات .... الخ
اممم عارف شل فايدة كل عدسه و لكن كنت حاب اسأل واحد امجرب ويقولي عن النتائج
ويعطيج العافيه على المواقع ومشكوره وما قصرتي :)

اعطائي النصايح والافكار اهي التي تنمي عندي الخيال و قدرتي على التصوير بطريقه افضل

تسلم يدك الصوره حلوه
واصل والى الامام
تقبل مروري

بالنسبة لي ماجربت الكاميرا او العدسة حتى افيدك من هاي الناحية

الصور حلوة .. بس ملاحظة صغيرة على الصورة الوسطية .. تحتاج تسوي لها crop .. بتكون افضل بعد التعديل ..

وبالتوفيق

ماهي قواعد اللعبة ؟ <<-- دش بموضوع اخر
أتذكر إني شفتها بمسلسل " الخراز "
عوضا عن ذلك مشكور على الصور

circle of moon
الله يسلمك وتشكر على مرورك

Designer FQ
crop شنو تقصد ؟ :أفكر:
ونورت الموضوع

Lejad
ههههه lol >> انعلمك افا عليك :09:
اشكرك على مرورك

يعطيكم العافيه :)