قصه مبكيه حصلت فى آحدى أقسام الشرطه ؟
قصة واقعية(مبكية) حصلت في احدى اقسام الشرطة؟؟؟
السلام عليكم ورحمة الله وبركاتة.....
اخواني واخواتي رواد(المنتدى)
اسعد الله جميع أوقاتكم بالمسرات
وتقبلوني كضيف جديد على قلوبكم
تراني عارف انكم منتم رافضيني......... مو كذا
هاة............. صح انا تراني سوف أخبركم بقصة واقعية 100%
حصلت في احدى اقسام الشرطة
وقد أخبرني بها احد الحاظرين الذين شاهدوها وهو بأذن الله صادق فيما قال ...........
وتراني والله مني متشمت...... ولكن لكي يتعظ بها من يتعظ ومن ستر على مسلم سترة الله
هاة وش قلتو تبغون القصة.......
طيب طيب طيب خلاص تراني بقولها لكم
نبدء القصة...
في قسم الشرطة:
فجاءة يدخل (المطوع) وهو شغال في الهيئة على الظابط ويقول لة
يأبن الحلال شوف لي حل مع البنت هذي لهي راضية تعطيني عنوان أهلها ولا هي راضية تعطيني الشنطة إللي معها
الظابط: خير وش الحاصل؟
المطوع: هذي البنت مسكتها(متلبسة)مع الرجّال هذا في الحديقة وطلعت(بعد التحريات)مهي حرمتة ولا هي أختة
الظابط: طيب خير يا بنت وشهو أسمك؟
البنت: ساكتة
الظابط: وين ساكنة؟
البنت: ساكتة
الظابط:طيب عندك رقم تلفون احد من أهلك نتصل علية؟
البنت: ساكتة
الظابط: يلعن ابو البلشة هذي وشهو الحل معك
(((الظابط يفكر في طريقة يستجوب فيها البنت)))
وشوي الظابط يهتدي لطريقة جهنمية..............
هاة عرفتو وشهي الطريقة...........
طيب انا اقلكم عليها
الظابط:يسأل البنت طيب تريديني ان اخرجهم من المكتب؟
البنت: تهز رأسها ( يعني موافقة)
الظابط: يآمر الجميع بالخروج من المكتب بس (المطوع) بالقوة خرج
البنت: بعد ما اطمأنت انهم خرجو من المكتب قالت للظابط داخلة على الله ثم عليك فكني من البلشة(المطوع) تراة اخوي وجالسة تتوسل إلية بأنة يستر عليها ويخرجها من الورطةهذي .........
المهم الظابط طلع أبن حلال وأجودي ومتفهم للوضع المحرج هذا وجلس ينصح في البنت ويذكرها بعقاب الله لها وأخذ من البنت عهد وميثاق بأنها لن تعود لهل المواضيع.......
وشوي الظابط يخرج للمطوع ويقول لة تعال في كلمة راس...
المطوع جاء للظابط وقلة خير وش تريد.
الظابط: يأبن الحلال استر على البنت تراها بنت ناس محترمين وهي ندمانة ومتحسفة على إللي صدر منها وتراني والله متعشم فيها الصلاح
هاة وش قلت يابو عبدالله............تكفى لا تردني........... داخل على الله ثم عليك...........المرة هذي عندي ..............
هاة وش قلت يأبن الحلال؟
المطوع: لا والله ما اسيبها إلى ان تفتح محظر ويجون أهلها ويشولونها من القسم لية الدنيا هملة
الظابط: يأبن الحلال تعوذ من ابليس........
((( والظابط والله ما قصر يبي يفك البنت من البلشة هذا))))))
المطوع(معصب): شوف اذا انت منتىراضي تفتح المحظر ترا والله لا اقلب عليك الدنيا فوق تحت
(( الظابط قلبة يتقطع حسرة))
الظابط: يعني هذا اخر حل عندك يالمطوع؟
المطوع:اية
الظابط: طيب تعال شوف البنت إللي انت مسكتها؟
المطوع: يدخل المكتب والبنت مقابلة لة
الظابط: يآمر البنت بأنها ترفع الغطوة عن وجهها
المطوع: يتفاجى ( تطلع البنت اخت المطوع)
(((( الان انقلبت الايةفوق تحت))))
صار المطوع يترجى في الظابط
المطوع: تكفى يابو خالد عند الله ثم عندك قفل على الموضوع...............الله يرحم والديك استر على البنت............ ويرمي شماغة على الظابط........... لاتردني خايب من عندك.............
هاة وش قلت يا طويل العمر!!!!!!!!!!!!
الظابط(معصب): يعني بنات الناس رحمة تحت يدك يوم اني اترجى فيك على شان انك تستر على البنت منتى راضي ويوم انها طلعت اختك تبقى تقفل على الموضوع لا والله مني سايبها تعدي
يا عسكري افتح محضر
عاد لا يكون طولت عليكم سامحوني
((( نسال الله السلامة والعافية والستر)))
