الناشر: سيجا نوع اللعبه: ريل تايم تاكتيكال ار بي جي المحرك: CANVAS
STORY القصة
ُاوروبا, في الثلاثينيات من القرن التاسع عشر, ازدادت الاضطرابات بين القوى العسكريه في القارة, امبراطورية اوروبا الشرقيه و الاتحاد الأطلسي. ونتج عن ذلك اندلاع الحرب الاوروبيه الثانيه. بينما تواجه دوله "Gallia" الصغيره هجوما من كلا الطرفين للأستيلاء عليها كونها تقع بين الامبراطوريه والاتحاد الاطلسي.
الجيش الامبراطوري هو اول من اجتاح "Gallia" مما ارغم الملازم الشاب "Welkin Gunther" لسحب قواته والتراجع بينما اكمل الجيش الامبراطوري التقدم نحو العاصمه. ادرك "Welkin" ان قوات العدو تفوقهم عددا وعدة وليس ذلك فحسب, بل ان جيس العدو لديه في صفوفه الـ "Valkyria" وهم جنس من المحاربين اللذين يتمتعون بقوى خارقه .
تستمر الحرب ويتقدم الجيش الامبراطوري ليحتل "Gallia", لكن يسعى "Welkin" لتحقيق امل وطنه لهزيمه الجيش الامبراطوري بتخطيطه واستراتيجياته
ابن بطل حرب عظيم, كان "Welkin" يدرس في الجامعه لكن سرعان ما تم تجنيده فيه الجيش كـقائد للفرقه رقم 7 . يمتلك "Welkin" دبابه تدعى "Edelweiss" واللتي صنعها والده .
Alicia Melchiott http://www.sega.com/valkyria/us/imag...ria_Alicia.jpg فتاة شابه تحلم ان تصبح يوما ما خبازه ( & ) . تم تعيين "Alicia" كقائده لفريق في احد المدن الصغيره, ولكن بعد الغزو, انضمت الى فرقة رقم 7 مع "Welkin"
Isara Gunther http://www.sega.com/valkyria/us/imag...yria_Isara.jpg أخت "Welkin" الصغرى بالتبني, كونها من عرق الـ "Darcsen" وهم عرق مضظهد من الناس, تتعرض "Isara" للكره والاضطهاد من بعض الاشخاص مثل " Rosie" . تعمل اسارا الان في الفرقه رقم 7
Brigitte Stark (Rosie)c http://www.sega.com/valkyria/us/imag...RosieStark.jpg من خيرة الجنود في الفرقه 7 , كانت "Rosie" تعمل في حانه كمغنيه حين حصلت على لقب "Rosie" , وهي الان تعمل في الجيش . تسيئ "Rosie" معامله "Isara" لحقدها على عرق الـ "Darcsen"
Largo Potter http://www.sega.com/valkyria/us/imag...argoPotter.jpg جندي مخضرم مختص في الاسلحه الثقيله المضاده للدبابات, قاتل بشجاعه في الحرب الاوروبيه الاولى, يقدر الخبره على الموهبه, لذلك لا يريد ان يدعم "Welkin" لانه بنظره ليس لديه الخبره القتاليه الكافيه
الجيم بلاي خليط بين Turn-Based RPG و 3rd Person Action games , نظام الـ "BLiTZ" يتيح للاعب بالتحكم بالشخصيات كباقي العاب الاكشن, ولكن في نفس الوقت استخدام مناورات واستراتيجيات كباقي العاب الـ tactical RPG
تنتقل الكاميرا لتصور ساحه المعركة من فوق, لتكشف عن وحداتك ووحدات العدو, من هذا المنظور تستطيع اختيار الشخصية اللتي ترديها, وذلك سيفقدك Command Points http://www.sega.com/valkyria/us/images/blitz_04_01.png حينما تختار شخصيتك, ستتحول الكاميرا الى وراء ظهرك وتستطيع التحكم بالشخصيه اللتي اخترتها كباقي العاب ال3rd Person action , ولكنك لن تستطيع التحرك بشخصيتك لمده غير محدوده, بل سيكون هنالك نقاط تسمى Action Points , كلما تحركت بشخصيتك نقصت النقاط , وهذا يجبرك باتخاذ قرارات كالاختباء قبل ان تتنتهي النقاط وتوقف شخصيتك في مكانها
كل الشكر لـTDS صاحب الموضوع الراقي لأحدا أفضل الأربيجيات من منتدى أكسيزيا
و الأن نبدأ النقاش (ترى ما عندي اللعبة:cray:)
24-11-2008, 11:46 AM
rare games
رد: ~الموضوع الرسمي لـValkyria Chronicles ~
اللعبه حلوه الجرافكس روعه لكن لاحظت مشكله في الاطراف تكون لونها ابيض ماني عارف ليش؟؟؟
الغيم بلاي ممتاز وتتعود عليه بسهوله وفي تكتيكات رهيبه والقناص وحاملي الصواريخ هم اقوى نوع شفتهم الى الان(موصل شابتر4)
بالمناسبه انواع المحاربين عندك فكره عن اي الانواع اقوى من الثاني ومنو نقطه ضعف الثاني(مثل انواع السحر في الاربيجي نار- ماء كهربا) ويا ليت لو في صور للعلامات الداله على النوع:09:
shingundam انت لاعبها يابانيه عدل ؟؟؟
واذا تبي تاخذها امريكيه تراهي موجوده من فتره بالرحاب
24-11-2008, 12:09 PM
ShinGundam
رد: ~الموضوع الرسمي لـValkyria Chronicles ~
السلام عليكم
اقتباس:
اللعبه حلوه الجرافكس روعه لكن لاحظت مشكله في الاطراف تكون لونها ابيض ماني عارف ليش؟؟؟)
هذا من اللعبة نفسها يعني كأنه رسم في كتاب قصص XD
اقتباس:
الغيم بلاي ممتاز وتتعود عليه بسهوله وفي تكتيكات رهيبه والقناص وحاملي الصواريخ هم اقوى نوع شفتهم الى الان(موصل شابتر4)
ممتاز أنا واصل هالمكان تقريباً بس ما قلت شنو Rank الي تحصله من المهمات XD أنا B و C
اقتباس:
بالمناسبه انواع المحاربين عندك فكره عن اي الانواع اقوى من الثاني ومنو نقطه ضعف الثاني(مثل انواع السحر في الاربيجي نار- ماء كهربا) ويا ليت لو في صور للعلامات الداله على النوع:09:
و الله ما عندي العلامات الي توضح هشي الحين بس راح أدور و إن شاء الله ألقى بس الي أعرفه الحين
أن في نوعية محاربين Anti -Tank و Lancers هذول تستفيد منهم ضد الدبابات و في قناصة بس ما لعبت
فيهم هذا غير أن الأسلحة لفلات شوي أنا مو ملم بالوضع الحين
اقتباس:
shingundam انت لاعبها يابانيه عدل ؟؟؟
بالضبط بس هي الحين عند رفيجي عشان جذي ما وصلت فيها بعيد T_T
اقتباس:
واذا تبي تاخذها امريكيه تراهي موجوده من فتره بالرحاب
أدري بس ما كو Money الحين +__+ و عندي طلبية الشهر الجاي و القائمة الإنتظار فضيعة
Bioshock
Resistance 2
Eternal Sonata
Little Big Planet
Prince of Persia
Valkryia Chronicles
Street Fighter HD Remix
Stardust HD
White Knight Chronicles
موسم gaming (الإفلاس) راح يستمر حتى شهر ثلاثة إن شاء الله إنتهاء بديمو FF13 (نهاية تدميرية)
حالياً أقزر وقتي على Wipeout HD بس ما قلت كم خذيتها بالرحاب ؟؟؟
24-11-2008, 12:30 PM
rare games
رد: ~الموضوع الرسمي لـValkyria Chronicles ~
اقتباس:
هذا من اللعبة نفسها يعني كأنه رسم في كتاب قصص XD
هذا الي كنت خايف منه وانا احاول اضبطه بالاوبشين وماقدرت اشيله :)
اقتباس:
ممتاز أنا واصل هالمكان تقريباً بس ما قلت شنو Rank الي تحصله من المهمات XD أنا B و C
للحين كلهم c :)
اقتباس:
بس ما قلت كم خذيتها بالرحاب ؟؟
18 دينار في اول يوم نزلت يعني تقدر تاخذها بالراحه ب17
24-11-2008, 12:57 PM
Lonely Hunter
رد: ~الموضوع الرسمي لـValkyria Chronicles ~
لعبه فظييعه
واي واحد عنده ps3 و يحب الاربيجي ..لازم يشتريها
اللعبه تجربه فريده من نوعها و فيها عمق كبير بالجيم بلي و ممتع لدرجه كبير ..و كل ماتقدمت باللعبه زاد الحماس و صعوبة المعارك و طولها
انا الحين موصل للشابتر الثامن
اقتباس:
بالمناسبه انواع المحاربين عندك فكره عن اي الانواع اقوى من الثاني ومنو نقطه ضعف الثاني(مثل انواع السحر في الاربيجي نار- ماء كهربا) ويا ليت لو في صور للعلامات الداله على النوع:09:
في نقاط ضعف و قوه لكل شخصيه حتى لو كانوا من نفس التخصص
لو ادش على بروفايل الشخصيه بتشوف ان هناك شغلات اتزيد من قوة الشخصيه او اتضعفها ..اتقوي الـaim او الاكيوروسي او ..الخ , و العكس
مثل في شخصيه (lone wolf) ..اذا خليته بروحه بيكون قوي ..اما اذا كان احد قربه بيصير اضعف
Welkin اذا خليته بين الحشائش او الزهور يعني بين الطبيعه ..يصير اقوى
ومن هالشغلات
24-11-2008, 01:27 PM
VEETO
رد: ~الموضوع الرسمي لـValkyria Chronicles ~
سؤال اللي اخذ النسخة الامريكية .. اللعبة تدعم 1080i ؟؟
24-11-2008, 01:44 PM
Lonely Hunter
رد: ~الموضوع الرسمي لـValkyria Chronicles ~
تدعم 720p بس
24-11-2008, 02:34 PM
om1406
رد: ~الموضوع الرسمي لـValkyria Chronicles ~
مشكور على الموضوع
الصراحة اللعبة روعة من الديمو ولازم اخذها
بس السؤال وين نحصلها بالرياض اذا واحد حصلها ياليت يفيدنا
المحلات ساحبين عليها لانها RPG وما فاضين يجيبون الا COD5 و PES2009
24-11-2008, 04:50 PM
Yamato
رد: ~الموضوع الرسمي لـValkyria Chronicles ~
موصل فيها حاليا للتشابتر الخامس... اذا قدرت بخلصها لنهاية الاسبوع هذا.. بالطبع اذا ما قعدت العب كورة كل شوي!!
احسن شي انهم مريحين الواحد من ناحية تطوير الشخصيات.. كل تخصص تعملهم حصة تدريب وترفع من مستوياتهم مع بعض!
وبصراحة الحماس بالمعارك تزيد كل ما تتقدم باللعبة.. اخر معركة كانت معركة تحرير الجسر.. ام الحماس يا شيخ D=
همممم على كلامكم معناتها لعبة حلوه وقويه بس تدري وين المشكله أنا ما أعرف العب هالنوعيه من الالعاب خصوصا أر بي جي أذكر كان عندي فاينل فانتسي اللي أول جزء نزل على سوني 2 وماقدرت أخلص حتى المرحله الأولى ما أدري اشلون تقدرون تنهون هالألعاب ما شاء الله عليكم
24-11-2008, 07:12 PM
Lonely Hunter
رد: ~الموضوع الرسمي لـValkyria Chronicles ~
^
هاللعبه غير عن الاربيجي العادي
اللعبه عباره عن كتاب تتفصحه .. و كل صفحه فيها اما مقطع فلم
او معركه
يعني ماتتحكم بشخصيه و تتنقل بين القرى و المدن و تكلم ناس ...
اسلوبها مثل الاستراتيجي ...اتشوف فلم و تدخل المعركه على طول
انصحك اتنزل الديمو على شان اتعرف نظام القتال فيها
24-11-2008, 10:23 PM
THE ROCK IS THE BEST EVER
رد: ~الموضوع الرسمي لـValkyria Chronicles ~
ما شاء الله حمستوني اشتري اللعبة
بس ما عندي امكانية اشتريها الحين ><
غير ان عندي الالعاب كثير ما خلصتها
اول ما تتغير ظروفي راح اشتريها على طوال
مبروك لكل من شارى اللعبة
25-11-2008, 05:18 AM
Yamato
رد: ~الموضوع الرسمي لـValkyria Chronicles ~
اقتباس:
المشاركة الأصلية كتبت بواسطة Abdulaziz cs
بشابتر 7 بتشوفها تتقاتل...رهييبه
من شوي لعبت الشابتر هذا!!
طلعوا عيني.. بس مب مشكلة.. في مثل هالحالات المرة الاولى استكشافية عشان المرة الثانية اخلص كل شي بسرعة!!
25-11-2008, 06:32 AM
Lonely Hunter
رد: ~الموضوع الرسمي لـValkyria Chronicles ~
^
me too
بهالمعركه كنت حاط بس لانسرين P:
قعدت ساعتين يالله قدرت اخلصها غير ان اثنينه من جنودي ودعتهم ...مادري ليش ماحبيت اني اعيدها
