اخاف عليكم من هم واحزان

سلامتك وش بك محزن
الله يسلمك مابي شي
وشلون مابك وانت ماشي بنا عكس اتجاه طريقنا
صدق!!
ماتشوف ان مشوارنا ماهو من هالطريق
مانتبهت
لأنك كنت سارح وش فيك ياعمري




ماودي ياحبيبتي ادخلك بعالم احزاني
اجل وش اصير لك اذا مادخلت معك
تصيرين كل شي الا الاحزان ماابيها تعرف طريقك
بس لاتبعدني عنك
ابي عيونك فرح والنور يزهاها*** وان كان عز الفرح غنيت لك لحني.
الله احبك تغني فيني.
وانا احب الفرح ازرعه في عيونك
طيب وش فيك اليوم ماقلت لي
ماتدرين؟
لاوش دراني!!
مشتاق لك
بدينا الارانب قلي بس وش فيك
فيني احبك واتمنى اكون الشمس في دربك
بتحرقني كذا
ادفيك وابعد عنك طيور الظلام
بس انت عندي قمر وشمس
وانتي حمامة سلام




بس قل لي وش فيك خوفتني عليك
لاتخافين انا اللي اخاف عليك من الهم الاحزان
ابي اكون نصفك
أنتي كلي
ليش ماتقول لي وش فيك
في الهوى ساكن على خافق الروح*** وانتي ملكيتي خافقي ياحياتي
ياحلوك وانت تعطيني عذب الكلام
لأنه مايقال الا لك ولا غيرك يكفيه السلام
ترا كذا باتعبك واطلب كثير
اتعب علشانك وارتاح بالتعب
شكلك ماخذ فيني مقلب
احلى مقلب



طيب مانت بقايل اجل بزعل
ازعلي وارضيك احب ادللك حتى بالزعل
وش اسوي بك ابي اعرف وش فيك
مافيني الا غلاك
فيك شي واحسه واشغلني التفكير فيه
لا يشغل ذهنك انا اقول لك
قل لي يالله
انا
وشو يالله
انا
يؤ بسرعه
انا
ترا قهرتني
انا لك وبس
ياحبي لك وانا لك وبس




لتغير الجو العام فقط !!