Could u help me

السلام عليكم ورحمة الله وبركاته
بصراحه محتاره في اختيار Micro Lense و Speedlight
أريدهن بأسعار معقوله
ممكن حد يفيدني؟؟؟؟؟؟
و بعد شو الفرق بين Micro و Macro؟؟؟
وكيف أعرفهن من مجرد النظر ع العدسه؟؟؟؟؟
التوفيق للجميع

الماكرو ..التصوير المقرب ..اما المايكرو تصوير الاشياء الدقيقة مثل الخلايا والجراثيم

طبعا الي يستعلمه المصورين هو الماكرو...

طيب انتي ايش تصورين دائما؟

اذا تصورين اشخاص انصحك بالفلاش الخارجي السبيدلايت..

اما اذا تصورين حشرات وزهو عدسة ماكرو...

اسعار السبيد لايت غالية وكذلك عدسات الماكرو

حيث اسعار السبيدز لايت من 1000 ريال/ درهم وفوق

وعدسات الماكرو نفس الشي...بالنسبة لعدسات الماكرو انصح بـ sigma 105 ..اما الفلاشات تستعملين كانون ولانيكون؟ ..

أستخدم Nikon و حابه أصور حشرات و أشياء دقيقه
بس لقيت أسعار Micro للشركة Nikon وايد غاليه
فكرت أشتري Sigma بس لقيت Macro 50mm ما أدري
أحترت ؟؟؟؟ فقلت أستشير حد ........
في الوقت الحاضر أستخدم Lense 18-135mm
وعندي 18-55mm
في فرق بين 50mm Macro و 18-55mm؟؟؟؟؟

احب تصوير الماكرو لو كنتي من مستخدمي كانd

احب تصوير المايكرو لو كنتي من مستخدمي كانون جان نصحتج اب 100 mm
نتايج وايد حلوه وسعرها 400 دولار واكيد لنيكون عدسه منافسه لهذي العدسه
واعتقد 105 nikon mm هي العدسه المنافسه بس سعرها اغلى ابوايد فرق 300 دولار
http://www.amazon.com/Nikon-105mm-2-...8949067&sr=8-5
وعدسة 105 mm sigma همن نتايجها وايد حلوه وسعرها 400 دولار
طبعا ً بو 50 Mm ماراح تعطي مثل نتايج ال 105 mm
105 بطلع الحشرات بصوره ادق وبتفصيل اكثر

اذا تبين سعر زين وصور حلوه فأنصحج اب sigma 105 mm
اكيد عدسة نيكون احسن ابحدة الصوره لانها اغلى بس همن سيقما تعطي نتايج قويه
سوي بحث في امازون لأسماء العدسات وشوفي الصور وشنو ممكن تقدرين تصورين بالعدسه
تره دقة الصور ابأمزون مو زينه مادري ليش بس اهم شي تشوفين شنو ممكن اتصورين بالعدسه وقدرات
Sigma 105
http://www.amazon.com/Sigma-105mm-Me...8949067&sr=8-1

الفرق بين 50 mm و 15-50 mm
اعتقد 50 احسن لانه كل ما صار المدى اقل صارت تعطي حده وتعطي نتايج اقوى يعني صارت متخصصه اكثر وهي عدسه متخصصه للمايكرو
فعلى استخدامج اذا تبين التفاصيل انصحج اب 105
اما على الجوده اثنينهم يعطون نفس الجوده والحده
وايضا ً عدسات المايكرو تعطي نتايج حلوه لتصوير الاشخاص
(كلامي هذا بناء على قرائتي لآراء الناس و مشاهدت الصور في فلكر و امازون ومقارنتها مع عدسات اخرى وليس التجربه )
وشكرا ً :)

مشكور أخوي D3BOL ما قصرت
ويزاك الله خير
أتوقع أني بستقر ع Sigma 105
مشكورين

مشكور اخوي دعبول على المساعدة ....
واختيارك سليم جدا ..العدسة سيجما البديل عن النيكون...

يلا الله يوفقج وتشترينها ..

الـ 50 mm macro..الفرق بينها وبين 18-55...ان الـ 50 العدسة حادة جدا لانها برايم مافيها زوم وثانيا متخصصة بالماكرو...لكن مشكلتها لازم تقربين من العنصر المراد تصويره مسافة كبيرة شوي ..

مشكور أوخي عمر ع المساعده و ماقصرت
بالتوفيق إن شا الله

العفو واجبنا....

السلام عليكم ورحمة الله وبركاته ..

ما شاء الله الأخوان ما قصروا بالردود .. و عدسة 105 sigma ممتازة ( أمتلك واحدة ) ..

المشكلة الوحيدة التي تضايقني أحيانًا هو أن هذه العدسة و العدسات ذات المدى الثابت بشكل عام تتطلب منكِ التقريب من العنصر المراد تصويرة .. فعند تصوير جسم صغير و تريدين الحصول على أقرب صورة .. يجب أن تقربي من هذا العنصر بشكل كبير !!

هي ليست مشكلة بحد ذاتها, ولكن عند أحيانًا لا تستطيعين التقريب كثيرًا من العنصر المراد تصويره لأي سبب كان, عندها ستحصلين على صورة بعيدة قليلاً ..

وإذا شئت بعض الصور يمكنني إضافة عدد منها لتري دقة العدسة :)

بالتوفيق .

مشكوره أختي كويتيه ما شا الله عليكم كلكم ما عليكم قاصر
إذا ممكن أتحطين صوره أكون شاكرة لج
بالتوفيق

لكن العدسات ذات البعد الثابت الحدة عالية جدا

والحدة نحتاجها في تصوير الماكرو ..فاكثر العدسات الماكرو تكون بعد ثابت

والله ياليت اخت كويتيا تحطين لنا صور من العدسة ودي اشوف نتائج منها

لان افكر بشرائها

اعتذر عن التأخير ..

فعلاً كلامك صحيح أخي عمر .. ولكن أردت أن أنبهكم عنها لأنني لم أتخيل انها بهذا الشكل .. و كما ذكرت سابقًا .. هي ليست مشكلة بحد ذاتها .. ولكنها نقطة يجب أن تضعوها في الإعتبار قبل شراء العدسة !

شكرًا على مداخلتك القيمة :)


---

الصــــــور ..


هذه بعض المواضيع السابقة التي إستخدمت بها عدسة سيجما 150 لتصوير الصور ..

هناك .. بين الورود .. !

.. صغار دود القز ( دود الحرير) ..

~|| ورد ||~

تجارب ..


و هذه بعض الصور الإضافية ..

http://q8.humanity.googlepages.com/DSC_8093.jpg
أعتقد ان هذا أقرب مدى إستطعت الوصول إليه .. F/7.1

http://q8.humanity.googlepages.com/DSC_0083copy.jpg
F/4


http://q8.humanity.googlepages.com/DSC_0078.jpg
F/2.8

http://q8.humanity.googlepages.com/DSC_0158copy.jpg
F/2.8

http://q8.humanity.googlepages.com/DSC_0214.jpg
F/2.8


http://q8.humanity.googlepages.com/DSC_0226.jpg
F/2.8


http://q8.humanity.googlepages.com/DSC_0168.jpg
F/2.8 -- حجم هذه الحشرة حوالي ١ سم .


:) .. و لأي استفسار آخر أنا حاضرة ..

مشكور ه أختي كويتيه
صور رائعه رائعه
أبدعتي