// ردة فـعــل ..... ( شاركنا )

السلام عليكم ورحمة الله وبركاته

أتمنى الجميع يكونون بصحه وخير



قبل كم يوم سمعت بالصدفه برنامج بالراديو على إذاعة الرياض ... اسمه ( ردة فعل )

فعجبني البرنامج لأنه يتكلم عن موضوع ( موقف ) واحد
لكن ردود المستمعين تختلف عن بعض
فحبيت انقل فكرة الموضوع للمنتدى ..والمواقف راح تكون من أختياري أو اختياركم

( إذا عندك موقف أرسله لي على رساله خاصه وان شاء الله أضيفه هنا :D )

الموضوع هو عباره عن موضوع أسبوعي .. اطرح كل أسبوع موضوع ( موقف )
بحيث.. لو كنت في هذا الموقف .. وش راح تكون ردة فعلك .؟

الموضوع ليس موضوع نقاشي إنما عباره عن ردود أفعال لموقف معين
وتختلف ردة الفعل من شخص إلى أخر

/

راح أبدا بالموقف اللي ذكر في الإذاعة على حسب ما أتذكره

-----------

الموقف ( 1 )

http://ia310830.us.archive.org/1/ite...horrorshow.jpg


انت متزوج منذ فتره ليست قصيرة ... وتتحدث انت وزجتك عن بعض أسراركم
لكن في احد المرات قلت لها سر وشددت عليها ان لاتخبره لشخص اخر.. لأنه سر خاص جدا
وبعد فتره ليست طويله ... دخلت البيت وسمعتها تتكلم ( تسولف ) عنه في الهاتف لأحد صديقاتها



ماذا ستكون ردة فعلك .؟



//
\\
//
\\



راح أبدا بنفسي وأقول ردة فعلي...


راح أخليها تخلص مكالمتها عادي ... وبعد ما تخلص .. اسألها أنا وش قلت لك .؟
أكيد بتتلخبط أو تصرف أو أي حجه ثانيه .. وبتأكيد أنا بزعل واخذ بخاطري
لان الخطاء مو منها الخطاء مني لأني قلت لها سر وهي موب كفو تشيله
وبعدها بكل اختصار ما عاد أقول لها أسرار مهمه أو قويه ...
يعني هذا وأنا سمعتها ..اجل وشلون اللي ما ادري عنه .!

يعني باختصار ممكن أسامحها.. بس ما اضمن ثاني إنها ما عاد تعلم بأسراري ثانيه مره

وعلى قولة المثل لا تعطي سرك لمره ( حرمه..امرأة)


في انتظار مشاركاتكم وردود أفعالكم :D




( السموحه ما ركزت على الكتابه بالفصحى لاسباب مزاجيه ^^: )


فهرس المواقف :


الموقف ( 2 )

الموقف ( 3 )





تحياااااااااتي

انا ردة فعلي ...........
اول شيء اقطع كيبل ((سلك الهاتف)) ثم اصفعها كفين او 10 حسب ...
ثم اربط السلك من قدمها و أعلقها بواسطة السلك في بسمار في السقف !
ثم أجلب خرطوم المياه .... وهاتك يا ضرب
ثم أشلع اضافيرها بواسطة (( البلايس))
ثم أزين شعرها كله (( اي تصبح قرعه ))
ثم اقشر جلدها بواسطة الملح
بعدين اقطع يدها اليسرى .... والدماء الان تسيل ف اجلب كاس واشرب دمها
يس ... انا هولاكو
ثم اقطم اصابع رجلها واعمل منها قلاده لي


ثم .... أستيقض من صفنتي بسبب صوت رهيب قادم من غرفة الجلوس
يناديني .....
اش عندك اتي من وكت من عملك!
زين
روح أغسل الصحون في المطبخ لاني الان كاعده اكلم صديقتي سوسن!
وانا المسكين اذهب ... من اجل كف شرها
خصوصاً بعد ما سمعتها تقول ...!
(( الخلع .... اي خوش قانون كسر خشم الريايل ((الرجال ))

واذهب ... واندهش بوجود سلاسل جبلية من الصحون
وعدم وجود ماء ساخن
والتدفئه عطلانه
يا ليتني باقي في الشغل
يا ليتني لم اولد
يا
يا
يا


******************************************

وش رايكم ب الفلم الهندي !
ها
خوش رد؟

السلام عليكم

اقتباس:

---

انت متزوج منذ فتره ليست قصيرة ... وتتحدث انت وزجتك عن بعض أسراركم
لكن في احد المرات قلت لها سر وشددت عليها ان لاتخبره لشخص اخر.. لأنه سر خاص جدا
وبعد فتره ليست طويله ... دخلت البيت وسمعتها تتكلم ( تسولف ) عنه في الهاتف لأحد صديقاتها


ماذا ستكون ردة فعلك .؟

---

هذا الموقف حصل معي في الحقيقة,, وكانت ردة فعلي هي ما يسمى بـsilence treatment:D
منذ علمت بإنتشار الخبر,,بقيت لعدة ايام وانا صامتة او بإجابات قصيرة - رغبة مني في ان اترك لزوجي مساحة اكتشاف المشكلة - والحمد لله اعترف بخطأه ومرت بسلام:biggrin2:

تحياتي لك.

موضوع جميل جدا
الفكرة جديدة و محمسة

عندي بس تعليق صغير
لو كانت المواقف عامة اكثر يعني مو للمتزوجين فقط يكون مناسب اكثر

انتظر موقف مناسب لي

انفاس موضوع تشكر عليه يالغالي ..

ردة فعلي يكون على حسب السر الي وثقت انه مراح يطلع ممكن يكون سر كبير ممكن سر عادي الاول طبعاً لايمكن اني اعطيها هذا السر اما الثاني عادي مو مشكله حتى لو افشت السر مايهمني قد مايهمني ان الثقه راحت ولم يبقى لها اثر .. انا اقول اول خوض التجربه بسر وهمي كذا وشوف اش راح يسير اذا ان التجره فشلت وان عارف انها راح تفشل لان زي ماقال المثل لاتعطي سرك لمره .. بس طبعا مو كل الناس كذا اكيد فيه فرق بين الثرا والثريا ..واصابعك مي سوا .. وسلامتك حبيبي

جوابي راح يكون من باب اخذ الموضوع بنكة ترفيهيه يعني ما حد يصدق كلامي :)
وبما اني متزوج من فترة ليست قصيرة راح اجد سبب مناسب للتجديد:biggthump بدون ما اشعر في تأنيب الضمير :D

وعليكم السلام ..

موضوع رائع فكره وطرح ..ياهو وش منتظرين ثبتوه يقول اسبوعي :أفكر:

-----------

الموقف ( 1 )

http://ia310830.us.archive.org/1/ite...horrorshow.jpg

انت متزوج منذ فتره ليست قصيرة ... وتتحدث انت وزجتك عن بعض أسراركم
لكن في احد المرات قلت لها سر وشددت عليها ان لاتخبره لشخص اخر.. لأنه سر خاص جدا
وبعد فتره ليست طويله ... دخلت البيت وسمعتها تتكلم ( تسولف ) عنه في الهاتف لأحد صديقاتها

ماذا ستكون ردة فعلك .؟

//
\\
//
\\

مهما كانت السالفه مستحيل اعديها له يعني من بدايتها كيذا ,, لا والله ينعاف تاليها !!!!!
لو ماقلت له ذي اسراري لاتقولها لاحد بعذره
لكن اكيد ما أكدت عليه إلا انها تعنيني وما ابي مخلوق يتطلع عليها ..
ورجلي ابي اسراري تكون اسراره راح تكون جرح موب لان احد إتطلع على سري
لا لان اقرب الناس هو الي كشف سري !!!!!!!!!!!!!!
رآح امشيها له بعد ماتكون لي رده فعل موب هينه عشان مايستهون باسرار اقرب الناس له
والصدر الي لا حتاجت شخص ثقه ويسمعها بااحساسه قبل اذنه تجيه
راح يحصل شرخ ولا تكررت الحركه تروح الثقه نهائي ..

احيك على ذا الموضوع بالله كثر لنا منها .. تحياتي لك ..

متابعه وبعنف :D

السر امانة .. عندما يخبرك شخص بسر ويطلب منك عدم اخبار احد وانت توافق
فعليك تحمل مسؤولية حفظ السر .. لان افشاء السر خيانة .. وتصبح غير امين

holako2008
.
ردك مبالغ فيه.. اكيد لو صار هالشي ما راح تكون ردة فعلك زي كذا
يغلب على ردك المزح اكثر
عموما شكرا للمشاركه

/
Big Moma
.
الحمدلله ان السالفه مرة بسلام... وشكرا لمشاركتك

/
Ada The Spy
.
ان شاء الله بحاول اكثر .. واذا عندك مواقف ياليت ترسلينا لي على الخاص
لان بكره ان شاء الله رح اضيف موقف جديد عشان تكون المواقف كل جمعه
وحيااك

/
قاضي المنتدى ... محمدS.M
العفوو وحياكم

/

g girl
.
هلابك جي

اقتباس:

---

موضوع رائع فكره وطرح ..ياهو وش منتظرين ثبتوه يقول اسبوعي :أفكر:

---

مشكوره خيتوو .. وموب مهم التثبيت الاهم مشاركتكم وتفاعلكم مع الموضوع ^^

شكرا على مرورك الجميل جي

/
إسلامية
.
اختي ندري ان السر امانه وافشائه يعتبر خيانه
بس احنا ما نناقش هالكلام هنا .. وقلت قبل هذا موب موضوع نقاشي
احنا نتكلم لو كنت في هالوضوع كيف ستكون ردة فعلك ؟

وحيااك يالطيبه

شكرا للجميع

بالتوفيق

تحياااااااااتي

و عليكم السلام والرحمه


بضايق :(
و دايما لما اتعرض لـ تصرف ما يعجبني من شخص له مكانه بقلبي
أقول له افرض إني عاملتك بهذي الطريقه " يعني أحطه بنفس الموقف إلي وضعني فيه "
و بزعل بضايق اخليه يحس بتأنيب الضمير ..
بعدها يجي يعتذر لي :D

.. تسلم خيو
:)

السلام عليكم
الموضوع رائع انفاس ارجو ان لا يتوقف

*******

بالنسبه لي, اولا لا اتصور من زوجه المستقبل ان تفعل بي هذا خاصه و اني ساكون قد بذلت شتى الاساليب لاقناعها بان هذا سر لا اسمح البته بان تفشي به..
لكن لو فرضنا هذا حصل
فاعتقد اني ساغضب و اتشاجر معها و لكن بدون انفعال شديد, ثم سأتركها و اخرج من البيت
و اذا حاولت الاتصال اقفل الجوال
طبعا بعد ان اكون هدأت ارجع للبيت و ارى رد فعلها, ان اعتذرت فلا يمكنني سوى ان اصفح عنها و انسى الامر برمته و لا اظن اني سأفقد ثقتي بها من اول خطأ ترتكبه
لكن لو تكرر الامر فالمسألة تختلف...
سلام

باختصار ساصرخ
-طلقيييييييييييييييييييييييييييييييني....
كنت اود ان اطلقها انا..لكن هنا بالمغرب لا تسمح القوانين لكل من سولت له نفسه بالطلاق ان يفعل...
ثم هدا سيعفيني من نفقات الطلاق ....خخخخ..

ابتسامه ... Anisovic .. طه الزروق
.
حيااكم ^^

.
.
.

الموقف ( 2 )

http://th05.deviantart.com/fs18/300W...__by_ncode.jpg


مواعد واحد من اصحابك قبل كم يوم على انه راح يروح معك لموعد مهم بالنسبه لك

وقبل الموعد بساعات دقيت عليه جوال .. فأعتذر انه ما يقدر يروح
لانه تعبان شوي ( مريض) .. فما يقدر يروح


فعذرته لانه تعبان .. ورحت لموعدك
ولما خلصت شغلك .. وانت بطريقك للبيت

مريت أحد المحلات الكبيره عشان تشتري غرض معين
ولما دخلت المحل .. شفت صديقك ( التعبان ) مع وأحد من اصحابه في المحل
وما فيه إلا العافيه .. بس هو ما شافك ...


وش راح تكون ردة فعلك .؟

اقتباس:

---

( إذا عندك موقف أرسله لي على رساله خاصه وان شاء الله أضيفه هنا :D )

---

//
\\
//
\\


وطبعا ابدا بردة فعلي ^^


ما راح اكلمه .. واخذ الغرض اللي جيت عشانه ولا كني شفته .. واطلع
وما راح ادق عليه او اكلمه الين يدق او يسأل
وقتها بسأله كيف المرض معه .. وكيف صحته .!
وبشوف وش اجابته
بعدها بقوله ان شفته في المحل
واشوف وش يقول بعد

وما راح اعذره إلا اذا جاب عذر مقنع او اعتذر من قلب على الحركه اللي مالها داعي
لانه لو قالي افضل من اني اشوفه واحس انه يستغبيني او يصرفني

في النهايه ممكن اعذراه اذا حسيت انه اعتذر من قلب على الحركه البايخه
وممكن اخذ فتره وانا ما خذ بخاطري حتى لو عذرته
الين تمر فتره وانسى



في انتظار ردود افعالكم ^^


بالتوفيق


تحياااااااااتي

اجي واسلم عليها وتراني وسيعه وجه يعني ابي احرجها واضحك وياحبذا لو معي احد عشان يضحك معي خخخخ

واحجرها بقولي : ( يافلانه وين التعب سم الله عليك ولا من شفتيني اونستي العافيه ) :D

وعلى حسب منزله ذا الصديقه ان كانت عادي امر اخذ الغرض الي ابيه وبالقصد من عندها وانا شاقه البسمه

وان كانت قربيه مني ما اتوقع تسويها ولو سوتها اقولها تصرفيني !! قولي ماتبين اوما مريضه وحركات لف ودوران ذي محبهآش :D

بس لازم تشوفني اني شفتها منب اصغر عيالها اجل توعد وتخلف وابي ابين لها انك بعد ماتهميني شوفيني قضيت مشواري وانتهيت ..

اول شي اخليها تشوفني( عن قصد) بس بدون ما اعبرها
و بعدها اشوف إذا راح تكون ردة فعلها هي سريعة او راح تنتظر يعني بعد ما ترجع البيت مثلا تتصل
بعد ما تتصل اكلمها بطريقة باردة و لما تعترف بخطأها راح اسمع الي عندها و احكم على كلامها
لكن اعطيها تحذير بطريقة مباشرة و بكل بساطة اقولها انه ما تعيدها لأن حركات مثل هذي ما تعجبني

لأن انا من رأيي انه الصراحة لازم تكون من الاساسيات بالصداقة