مشكلتي : الشاشة لا تقلع عند التشغيل
السلام عليكم ..
ياجماعة انا عندي مشكلة انو الشاشة لا تقلع عند التشغيل .. موصلة بالكهرباء وزر البور مضغوط وبتعطي الضوء الأحمر الإعتيادي بجانب زر البور
لكن لما بشغل الجهاز بتضل ساكتة ولا كأنو الموضوع بيخصها ..
كانت شغالة والأمور تمام لكن اللي صار كالتالي ...
كنت بدي فرمت الهارد ديسك بس ال (case) اللي فيه الهارد مافيه ديفيدي درايفر او بالأحرى فيه بس عطلان ما عم يشغل الديفيدي.. لأنو نسخة الويندوز عندي على ديفدي .. ولما حطيتلو ديفيدي من جهاز تاني ما اقلع الدرايف
اضطريت اشيل الهارد واحطو على جهاز تاني وفرمتت الهارد ونزلت الأوفيس وتعريف كرت الصوت والأنتي فايروس وعملت كل التحديثات اللازمة .. ولحد هون كل شي تمام وشغال 100%
شلت الهارد ورجعتو للجهاز الأولاني وعطينا تشغيل .. اشتغل ال (case) اما الشاشة لأ .. نهائياً مع العلم انها شغالة وضو البور الأحمر عم يرف نظامي كأنو الجهاز مطفي ..
انا في شغلة ساويتا قبل الفورمات ما بعرف ازا كانت هية السبب أو لأ
بعد مافصلت ال (case) الأول من الكهربا تزكرت انو قرص الويندوز ضل بالدرايفر
شبكت ال (case) لحالو بالكهربا بدون الشاشة وشغلتو وفتحت الدرايفر فوراً سحبت القرص وطفيت الجهاز مباشرة بالضغط مطولاً على زر البور وبعدها تابعت شغلي الآنف زكره مسبقاً ..
هاد كل ما حصل معي بالتفصيل .. ارجو من اصحاب الخبرة في هذا المنتدى الذي يبدو عليه مما رأيت ونظرت داخل محتوياته من مواضيع ومنتديات انه راقٍ في مجال الكومبيوتر وحلول لمشاكله وأمور اخرى اعجبتني جداً ..
انا جديد في منتداكم (منتدى) لذا ارجو منكم العون والمساعدة ان أمكن
وأرجو عدم التجاهل للضرورة ...
احترامي لكم ..
فارس ..
رد: مشكلتي : الشاشة لا تقلع عند التشغيل
هلا اخوي
جرب تتأكد من توصيلات من بين كرت الشاشة للشاشة ..
تأكد من انه كرت الشاشة قد تم تثبيته بشكل جيد
رد: مشكلتي : الشاشة لا تقلع عند التشغيل
كذلك جرب كيس ثاني على شاشتك وشوف المشكلة من الشاشة او من الكيس ..
رد: مشكلتي : الشاشة لا تقلع عند التشغيل
نفس ماقالوا الاخوان واذا ماصار شي جرب تشيل كارت الشاشة وتخلي على البلتن لان احتمال كارت الشاشة عطلان لاسامح الله
رد: مشكلتي : الشاشة لا تقلع عند التشغيل
يسلمو كتير يا شباب على الاقتراحات
جربت كل هدول وشلت البطارية كمان ورجعتها .. ما مشي الحال
شلت الهارد وحطيتو بجهاز تاني اشتغل الويندوز تمام التمام التمام .. رجعتو للجهاز الاول وحطيت سيدي الويندوز .. واقلع واشتغلت الشاشة وعملت بووت
اخد شوية تحميل من الويندوز بعدين اعطاني هاي الشاشة ..
http://www12.0zz0.com/2009/01/04/22/371059876.jpg
وكررت العملية بريستارت الجهاز وعمل بووت مرة تانية لكن نفس النتيجة
ارجو افادتي بما اصنع مع هذه المشكلة ..
طبعاً انا اضطريت اعمل بووت مرة تانية لأن الويندوز ما اشتغل نهائياً ..
مكتوب داخل الشاشة بعض الاوامر لتنفيذها ولكن ما بعرف كيف اعملها والويندوز لا يعمل
ارجو الافادة ان امكن ...
رد: مشكلتي : الشاشة لا تقلع عند التشغيل
اقتباس:
المشاركة الأصلية كتبت بواسطة AZPC
اخوي لقيت لك هذا الحل ::
المشكلة:
Stop 0x0000007B
INACCESSIBLE_BOOT_DEVICE
تشير هذه الرسالة إلى أن ويندوز XP
لم يتعرف على أقسام القرص الصلب أثناء تشغيل الجهاز
لحل هذه المشكلة أقلع من القرص المضغوط لويندوز XP
وادخل إلى Recovery Console
ونفذ الأمر Bootcfg
واذا عندك مشكلة (Unknown Partition او اعادة التشغيل )
فعليك بهذه المشاركة:
http://www.montada.com/showthread.php?t=611429
رد: مشكلتي : الشاشة لا تقلع عند التشغيل
يسلمو ايديك يا زعيم .. معلومات مفيدة جداً واول مرة بعرفها الصراحة .. لكن المشكلة عندي انو الشاشة السابقة تظهر عندي قبل شاشة ال recovery console و setup windows يعني بس يخلص الشاشة الزرقاء الاولى اللي بيبدا فيها البووت بيسكت شوي وبعدها بتطلعلي الشاشة اللي انا جبتها بالرد السابق ..
ازا في طريقة اخرى استخدمها او سبب المشكلة بكون ممنونكون كتير وبتفضلو على راسي من فوق ..
رد: مشكلتي : الشاشة لا تقلع عند التشغيل
أغلب ظني ان الهاردسك خربان !!
جرب توديه لمحل صيانة يغير لك الرام وتتأكد عشان هذا الحل سهل ..
اذا نفع والا رجع رامك مرة ثانية ..
وبعدها حاول تفحص الهاردسك ولو ركبته على جهاز ثاني وفرمته يكون أحسن ..
اذا تفرمت معاك .. تمام .. وتصير الماذربورد هي اللي خربانه ..
اذا ما تفرمت معناها الهارد خربان جرب معالجته أو ادخل على FDISK ثم ألغ البارتشنز ثم قسمه من جديد وفرمت ..
والله يعينك ،،،
رد: مشكلتي : الشاشة لا تقلع عند التشغيل
قبل كل شيء
تأكد ان البورسبلاي يعمل بشكل جيد ويأمن الكهرباء لباقي اجزاء الجهاز
لان عند ضعف البورسبلاي وعدم قدرته على تأمين إحياجات الجهاز يتم حدوث اخطاء كثيرة من جميع القطع واقلبيتها بلوسكرين
رد: مشكلتي : الشاشة لا تقلع عند التشغيل
مشكورين يا شباب .. الله يعطيكون العافية .. عزبناكون معنا .. بس الهارد شغال ومفرمت وجاهز 100% .. انا بس حطو على جهاز تاني بيشتغل الويندوز تمام .. لكن لما برجعو لجهازو الاصلي ما بيشتغل وبتتطلع معي هديك الصفحة ..
على كل حال يسلمو يا شباب لح جرب وديه لمحل صيانة بركي بيمشي الحال ..
ما تواخزونا عزبناكون يا جماعة ..
رد: مشكلتي : الشاشة لا تقلع عند التشغيل
السلام عليكم اخواني في منتدى المنتدى ..
لقد قمت بحل المشكلة ولم اضطر الى الذهاب الى مراكز الصيانة ..
قمت بعمل الآتي :
قمت بإزالة الرامات - وعددها 2 عندي - من مكانها ثم أعدتها .. وأعدت تشغيل الجهاز مع اسطوانة الوينودز ..
لم يقلع الجهاز أيضاً مع العلم ان الويندوز عليه شغال تمام ..
السبب كان انو" المذربورد " في الجهاز اللي فرمتت فيه "الهارد ديسك" مختلف تماماً عن "المذر بورد" في الجهاز الأصلي اللي أخدت منو "الهارد ديسك" أول مرة ولذلك لم يفلح
الجهاز بعمل " بووت " وأيضاً تبين لي انني كنت أعاني مع "ديفيدي درايفر" تعباااااااااااااااان وخربااااااااااااااان جنني وما أنتبهت انو شريك في الجريمة ..
اضطررت لتنزيل نسخة ويندوز كانت لدي هي" XP profisional SP2" لأن ال" SP3" اللي كنت عم حاول نزلها كانت على ديفيدي والمحروس تعباااان .. عفيناه من المهمة
واعطيناه اجازة دائمة بدون راتب وبأثر رجعي الله لا يوجهلو الخير عجزني وطلعت المشكلة منو .. وهوه ساكت يا حزني كأنو ما دخلو ..
كان مو رضيان يعمل بووووووت ابن البووت
المهم ما علينا ... الجهاز الآن على ما يرام وفي أحسن حال وحصل على آخر التحديثات والبرامج
وعايش أيامو ..
أوجه الشكر الى كل الشباب الذين ساعدوني وقدمو لي المساعدة وتعبو حالون معي ..
وآسف على الإزعاج مرة تانية .. وفقكم الله للأفضل ولخدمة المسلمين في مجال الكمبيوتر وفي ما تستطيعون من الخير ..
بإذن الله ..
أطيب التحيات والتشكرات ..
فارس الدبس ..
رد: مشكلتي : الشاشة لا تقلع عند التشغيل
والله اخوي مستانسين وايد لانك حليت هذي المشكلة ...
واي مشكلة احنى حاضرين إن شاء الله
رد: مشكلتي : الشاشة لا تقلع عند التشغيل
تسلم يا حبيب .. ما قصرتو ...
انشالله ما بنعزبكون بشي .. الا ازا اضطرينا ..
تحياتي لكم ..