!! .. جربها ورد لي خبر .. !!

هلا بالحلوين ^_^

أخباركم ؟؟ إن شاء الله عايشين و مبسوطين ؟؟

المهم .. كعادتي ما أحب المقدمات و الفلسفة ^_^ و على مايقولك أقم صلاتك قبل مماتك و قديمك نديمك ( عارف مالها دخل ) .. اليوم أبغى أكتب موضوع ببين فيه بعض العادات إلي نسويها على الريحة ( عبارة تعني نسويها بدون تفكير ) .. لأن صراحة بعد تفكير و تجارب و إختبارات أكتشفت ( دققوا على كلمة أكتشفت ) أن الطلاب بالجامعة يسون كثير من الأمور بدون مايدرون وش السالفة

فخلوني ألحين أذكر لكم بعض الحالات إلي أجريت عليها التجارب و نجحت بتفوق .. و طبعاً كم مثال معها ..

1/ وقع و أنت ماتدري وش السالفة !!

هذي بالفعل وحدة من أغبى الأمور إلي يسونها طلاب الجامعة بدون تفكير .. خلوني أتعمق أكثر و أوضح أكثر .. يعني لو يجيك واحد و يعطيك ورقة موقع عليها كم طالب و كاتب عليها أسمه و رقمه الجامعي .. بتشوف أنك بتكتب أسمك و رقمك الجامعي و توقيعك معه بدون ماتدري وش الطبخة !_!

طبعاً أنا كانت عندي هل نظرية لفترة و قلت خلني أتأكد من صحتها .. فاليوم و أنا جالس بالمحاضرة و بدون أي مقدمات طلعت ورقة فاضية و كتبت عليها ..

Name ID Sign


و كتبت أسمي و رقمي الجامعي و توقيعي و عطيتها للطالب إلي جنبي و كأني ماسويت شي !_!

و بالفعل دارت الورقة على 15 طالب ( عدد طلاب كلاس الأنجليزي ) و كلهم وقعوا بدون مايدرون وش الطبخة ( يعني وش السالفة ) و إلي كان رهيب مرة سأل إلي جنبه .. وش هل ورقة ؟؟

و إلي جنبه عادةً يجاوب .. و الله مدري !!

و إن كان ذكي قال :: أتوقع عشان التعليم الذاتي ( حصة مريضة مالها هدف بالحياة )

المهم دارت الورقة و دارت و دارت لين ماوقع الكل *_* و وصلت الورقة للدكتور !!

طبعاً أنا قلت بنفسي :: أيوه رحت غلطة عمر يا عزوز ( أدلع نفسي ) !!

طبعاً لما وصلت للدكتور ناظر عليها *_* و بغى يحطها *_*

طبعاً أنا قلت بنفسي :: أشوه هع هع طلع الدكتور سبيكه بعد

شوي الدكتور أستوعب و قال :: Wat this for ??

طبعاً هو قال الكلمة و الطلاب قاموا يناظرون على بعض و مايدرون وش السالفة !_!

شوي عاد الدكتور نفس السؤال ... و كانت الردود :: I don't know !!

طبعاً أنا ساكت و مالي ذنب أبداً ^_^ لين ماجى واحد من الطلاب و قال :: Who's the first one signed it ??

طبعاً أنا قلت بس دامه سأل عن أول واحد وقع رحت غلطة عمر *_*

و أنا نزلت راسي و قمت أكتب و أحل بالكتاب مسوي رهيب .. شوي أسترقت النظر ( يعني ناظرت بشكل سريع على الدكتور و على الطلاب ) .. و شفت أن الكل يناظر علي !!

و بدون مقدمات .. بدأ الضحك الغير طبيعي خخخخخ و أنا طبعاً على الريحة أضحك معهم !_! ( ضحكت تصريف )

و جا الدكتور سألني :: WTH is that ??

أنا طبعاً قمت أفكر و أفكر و قلت :: I thought u want it !!

طبعاً الدكتور عرف أني صاروخ ( نصاب ) و ناظر علي ( يعني بالعربي قل الصدق ) فأضطريت أني أقول الحقيقة :: I did it 2 see if the students gonna write there names without asking why or for wat

لما قلتها حسيت نفسي رهيب مدري ليه ^_^ و حسيت أني أصلح أكون دكتور نفسي

المهم الدكتور قام يضحك و قطع الورقة و رامها للأسف *_*

هاه .. وش رايكم بالله مب هذي الحركمة تدل على غباء رهيب نعاني منه ؟؟

2/ صفق معي و لا تسأل ليه !!

هذي أحد الحركات الثانية .. و جربتها كثير و بأماكن مختلفة و بالفعل نجحت بشكل كبير جداً .. خصوصاً لما تكون المحاضرة بالأنجليزي و إلي معك شاردين أو مايعرفون أنجليزي *_*

هل حركة هي كالتالي .. لما تكون بنص محاضرة و حسيت بالزهق .. أنتظر اللحظة المناسبة لين ماياخذ الدكتور نفس و يسكت شوي .. أو لين مايبدى صوته ينخفض ( الكلمة ذي متعوب عليها ) .. المهم لما تحس أن اللحظة المناسبة جت .. صفق بشكل تدريجي و أنت منزل يدينك تحت الكرسي و بشكل شبه سريع

و بتشوف أن القاعة كلها مهما كان حجمها بتبدأ تصفق بدون تفكير *_*

هع هع جربت هل حركة كثير أنا أخرها اليوم بمحاضرة الأنجليزي نفسها إلي كتبت فيها الورقة *_* كان الدكتور ينصح أحد الطلاب و تحمس بالنصيحة .. و كان يقوله :: إذا خطأت لا تتحطم بالعكس أشتغل و أعمل على أنك تقوي نفسك !!

أنا تحمست مع الكلام مع أنه مالي دخل و قمت أصفق *_* طبعاً في غضون لحظات ( كيف الجملة ) قام الفصل كله يصفق .. و بعدين سكتوا و قاموا يضحكون خخخ

لأنهم عارفين حركتي هذي و أني سبق سويتها كثير .. و الدكتور عارف بعد أني أول من بداها *_* فقام يناظر علي و يضحك و وجه حمر ( مسوي مستحي هو و وجهه )


و هل حركة ذي بعد جربتها من قبل بمحاضرة سوتها الجامعة في أحد المدرجات مع مدير شركة أنتل !! و كانت المحاضرة مهمة مرة و حضرها أكثر من 500 واحد *_*

طبعاً أنا حضرتها غصباً عني !! لأني من طلاب Level 6 و أجبرنا العميد على أنا نحضر المحاضرة لأنها بالأنجلزي و باقي الطلاب مايدبرون روحهم مرة باللغة .. فقالنا أحضروها و شاركوا و أسألوا *_*

المهم أنا حضرت و أنا زهقان .. و أخذت معي الأيبود .. و سمعت لي كم ألبوم .. و حليت الواجبات إلي علي .. لكن لما خلصت حسيت بزهق و قلت خلني أسوي شي جديد .. و بالفعل قلت لصاحبي إلي جنبي ( الشفاف الأبيض @_@ ) أني رح أصفق و أبيه يصفق معي .. طبعاً هو توتر شوي و خاف و قال لو كشفونا وش بنسوي

طبعاً أنا رديت عليه و عيوني حمره :: سوها أحسن لك ياقمطة ( جبان بلغة المتخلفين ) !!

المهم و بالفعل بديت أصفق و يدي تحت الكرسي و بدأ الشفاف يصفق و بدون مانلاحظ شفنا كل القاعة تصفق بدون ماتدري وش السالفة *_*

طبعاً المشكلة أني أخترت وقت التصفيق بشكل غبي *_*

لأني لما صفقت كان مدير أنتل بنص فقرة و توه ماخلصها *_* و كانت الفقرة غبية و ماتستاهل تصفيق *_*

لأن المدير كان يعدد أنواع أنتل و التطوير إلي مرت فيه *_* خخخخ و قبل مايخلص صفقت و الناس على الريحة صفقوا معي

طبعاً أنا لما نجحت المرة الأولى عجبتني الحركة و قلت بعيدها .. و من جد عدتها حوالي 3 مرات و كلها مشت صح .. إلا المرة الأخيرة .. ما أنتبهت أن العميد أخذ المايك و قام يتكلم بدال المدير .. و المشكلة كان العميد يسب بالطلاب و يقول أنكم فشلتونا و مدري كيف !_!

و هو بنص الكلام صفقت أنا من التخلف ( مدري وش كنت أحس فيه ) .. و لما صفقت طبعاً محد صفق معي إلا كم طالب !! يعني مايوصلون 50 طالب من القاعة و شكلهم كلهم شاردين زيي !!

طبعاً أنا لما صفقت شافني مدير قسم الأنجليزي *_* دكتور لونه بني !! مدري وش أسمه بس لقبه " البني "

المهم شافني و أشر علي و هو معصب و قال لا تصفق !_! أنا طبعاً بلعت العافية ( خفت بقوة هع ) و نزلت يدي و غطيت نفسي بكتاب قال أني أقرأ و غطيت نفسي بإلي قدامي *_*

و أشوه عدا الموضوع على خير و ماتذكرني البني *_*


هاه وش رايكم بالحركة ذي ؟؟ بالله مب تخلف

3/ هل الإعلان مهم ؟؟ و الله مدري بس خلنا نشوفه مع الناس !!

هل حركة صراحة رهيبة لما تكون زهقان و أنت بالسيب و سهلة جداً .. يعني كل المطلوب منك أنك تكون مع مجموعة كبيرة من الطلاب .. و أنتم ماشين فجأة لفوا بسرعة على أي مكان بالجدار و أبدأو تكلموا بصوت عالي و قولوا :: متى ذا ؟؟ ليه حطوه ؟؟ طيب وين ؟؟ وش يحسون فيه ؟؟ وش سار للمكافأت ؟؟

و من هل أسئلة .. و بدون ماتلاحظون بتشوفون أن كل الجامعة جت تناظر و تتهاوش و يدفون بعض !! و بالأخير بينصدمون أنه مافي شي !!

طبعاً أعتقد مايحتاج مثال لهل حركة .. لأنها عادية و نتائجها عادةً بسيطة يعني تكون عبارة عن تجمع و زحمة فقط لا أكثر

4/ أضحك مع الناس و أنت ماتدري وش السالفة !!

الحركة ذي بعد سريعة و سهلة و نتائجها عادةً واحدة .. و أفضل وقت تسويها لما يكون الدكتور هندي و أنجليزيته مب واضحة ^_^ بتسير الحركة رهيبة و بتنجح بشكل سريع ^_^

و الدكتور بنص المحاضرة أضحك بصوت عالي و بشكل رهيب و قال أنك تضحك على نكته قالها الدكتور .. و بتشوف أن كل الطلاب بيضحكون ( نفاق مع المدرس و العياذ بالله ) و بيضحكون و بيضحكون و هم مايدرون وش السالفة *_*

بالله وش رايكم بالحركة المتخلفة بس ؟؟ و لا وش رايكم بالمتخلفين أكثر إلي مشت عليهم الحركة ؟؟




أعتقد هل حركات تكفي لليوم ^_^ و صراحة هذا إلي أذكره ألحين

المهم جربوا الحركات و ردوا لي خبر

موفقين

Peace Out

حركة التصفيق من جد معك حق..

دايما نسويها في المتوسط والثانوي لكن ان شاء نجي الجامعة ونجرب

وحركةا لورقة ان شاء الله بجربها عاجلا ام آجلا رهييييييبة

والتجمع هذي نسويها لكن بطريقة اخرى نتجمع 8 طلاب تقريبا وبدون سابق انذار

يبدأ التخلف...ونقلب صراخ وضحك ..وااااااااااااااااااااااااااع طااااح ياهاهاهاهاوااااااااااااااااااااع

تلاقي نص الطلاب في الساحة يتجمعون على ولا شي ههيهيهيهيهيه XD

حلللللللللوة مرة جريء ماشاء الله عليك
تعلمت اخذ احتياطي ماحد يخدعني

هالموضوع شفتو من يومها بس وقتها كان عندي اختبارات وهيك ومافضيت ارد عليه .. خخ

بجد حركتات رهيييييييبه ومقااالب ناايس :D

ماشاء الله مدري كيف تجيكم جراءة تسووها نحنا البنات خوافات شوي مانسويها
حدنا نغني وندق عالطاولات خخ
او نلعب بالاوراق في المحاضرات مثلان لعبت (جماد حيوان انسان او اي لعبه بالاوراق)

او نسوي محادثة بالكتاابه والورقة تتمرر علا كل الشلة .. وحدة تحط خبر جديد وكل وحدة تعلق وهيك شي ..
بس كامل القاعه مانتجراء خخ

حقت وقع ممكن اسويها خخ.. حجربها :D
يسلمو ايزو عالموزوع الحلو ..
عوافي ..

مشكورين على المرور حبايبي ^_^

و أعذروني على التأخير بالرد .. كنت مسافر و توني راجع ^_^

منورين

بيس أوت

هـــهههههههههـــه تشكرااتي اخي على هاآ الموضوع
جاآآآري التطـــبيق
عسى بس مايحسون فيني اروح فيهااآ

هاهاهاها حلوووه التصريفة
ــــــــــــــــــــــــــــــــــ
موضوعك شيق بس للأسف كان ودي أطبقها
ــــــــــــــــــــــــــــــــــ
بس خلصت جامعة تهع
ــــــــــــــــــــــــــــــــــ
يعطيك العافية اخوي

حركـآإتـ رهيبه خـآصة حقت التوقيع ابجربهـآإ :D
لكن التصفيق حركه تخوف اعرف نفسي راح انكشف فيها :09:
بس ماشـآء الله عليك جري مره
يسسسلمووو ع الموضوع الظريف
ربي يعطيك العافيه

يعطيك العافية ياخوي

اما انك جبتها صح في حركت التوقيع

حركة التصفيق دي انا سويتها :09:
كانت محاضرة لطلاب ثالث ثانوي عن الجامعة عندنا في جدة ، و أخذوا كم واحد من الطلاب ، و انا المرشد عارفني فقلي تعال .
انا قلت أروح و لمن نوصل للجماعة أسحب :09:
المهم وصلنا ، و ناس راكبة باص و ناس بسيارتها
المهم ، وقفنا و نزلنا ، و انا هناك المحاضر تأخر شوية
و انا قلت فرصتي ، جيت شوية شوية خارج p:
الا المرشد كفشني و رجعني مقعدي :|
و قعدت المحاضرة حوالي ساعة و نص
و انا خلاص حأطق :|
و فجأة و بدون أي سبب صفقت xD
و اخوايي جنبي فهموا الطبخة و صفق صفق XD
و الناس مي دارية أيش الهرجة بس هي كمان صفقت XD
و المحاضر حقد ، كان قاعد بيشرح النظام و فجأة واحد صفقله p:

شفت الموضوع وقت اختبارات وماقدرت أرد..

تصدق كل الحركات جربتها *-*!
حقت التواقيع عملتها لما بغيت طالب دلخ ينقلوه من فصلنا.. كتبت "اسم الطالب-التوقيع"
المهم وقعت عليها وخليت كم واحد من الشلة يوقع. كنت ناوي بس 5 تواقيع مادري كيف راحت على كل الفصل xD!
رجعتلي الورقة كتبت فوق "الموافقون على نقل الطالب *****" وسلمتها للمرشد قلت الطلبة قالولي أعطيها لك.. لكن انكشفت الطالب اللي أبغى أنقله كان موقع عليها XD!

التصفيق مرتين جربتها، مرة بشكل عفوي ومرة قاصدها..
اللي بشكل عفوي بحصة الرياضيات، أستاذنا المصري قوم مجموعة وقعد يسأل فيهم.
المهم كلنا نايمين حصة مراجعة.. واحد جاوب سؤال صعب المهم قاله الأستاذ "برافو"
أنا مادري كيف طلعت لكن المهم صحت بصوت عالي "برافو برافو" وقعدت أصفق XD!
وأشوف كل الفصل يصفق معي.. طبعاً انكشفت لووول

حركة الإعلان.. لاع ما سويتها..
لكن سويت حركة تشبها.. تذكرت بصف أول متوسط كان أستاذ الأنجليزي يجيب ورقة ويعلقها إعلان عن متى الاختبار.. المهم بالوورد كتبت الإعلان:
"إعلان مهم جداً
اختبار الإنجليزي في الفسحة الأولى في المكتبة."
طبعت 5 نسخ عدد فصولنا وامشي وأعلقها بدبوس xD!
ماتوقعت أحد بيصدق.. إلا أشوف المكتبة (مكتبنا كنها حمام عام صغيرة :D) مليانة بالطلبة.. يطلعوا الطلبة من جوا يقولوا مافي اختبار الطلبة مايصدقوا إلا يدخلوا ويتفشلوا XD!
لكن أشوا مانكشفت الحمد لله P:

آخر حركة صدقني ماتنفع -_-! يمكن صدفة نفعت معك لكن أكثر من مرة جربتها وفشلوني الطلبة فشل الله وجيهم :D

من جد حلو الموضوع تسلم عليه :D!