ارجوكم افيدوني من الي عنده خبرة بالبلاستيشن المحمول يرد علي

بسم الله الرحمن الرحيم

:33:ياجماعة اي واحد عندة خلفية عن البلاستيشن المحمول يقولي انا ودي اشتري واحد والله معجبني

بس ابي اعرف وضوح الصورة كيف؟؟

الكورة اهم شي مثل الي في التلفزيون ؟؟

بعدين الالعاب يقولون يركبونها على شريحة مدري فلاش مومري

كيف الطريقة ببساطة ؟؟

لا احد يحولني على موقع ثاني تكفون انصحوني بكل بساطة .

هل توجد انواع منة ؟؟

اي نوع الافضل ؟؟

:bigeyes: ترون اخوكم خشييييييييم والله مااعرف الا الكبير حق التلفزيون

يعني بالعامية ايش اقول للبايع الي باشتري من عندة ؟؟؟؟ :)

وكم سعره في السعودية ؟؟:boggled:

وايش الاغراض الي تجي معة ؟؟:boggled:

وتنصحوني اشتريه؟؟:33:




ولكم جزيل الشكر والتقدير

ادخل المحل وقول له :
"السلام عليكم .. ابغا جهاز PSP slim موديل 2004 + ذاكرة حجم 4 جيجا (او 8 جيجا) بشرط تسوي لي سوفتوير تشغيل الكوبي "
السعر الكلي تقريبا 1000 -1100ريال .. اذا كذا توكل على الله واشتري
الالعاب تتحمل على الذاكرة (مثل طريقة ذاكرة الجوال الخارجية) المحل يحمل اللعبة 5 ريال اذا صرت خبير تقدر تحمل الالعاب من الانترنت
رسوم الجهاز افضل من PS1 واقل من PS2
==
الجهاز تحفة اذا تحب اللعب في العمل قبل النوم ....... الخ واذا ماعجبك تقدر تهدية لاي احد .. حتى لو انا P:

واي استفسار تفضل

الف شكر لك

بس ياجماعة ابي اعرف منها نوع جديد مثلا او هاذي نفسا مافية الا هي ؟؟؟؟

فيه منها نوع جديد .. لكن ماتشغل كوبي لازم اشرطة اصلية

فيه نوع جديد فيه بعض التحسينات منها الشاشة احسن شوي من السابق اللي هو psp 3000 لاكن مانزل له كاستم تشغيل الالعاب الا قبل مدة وماهو ثابت اذا بتنتظر حتى ينزل كاستم شغال زين تحتاج صبر
وعاد فيه موديلات طبعا 3003 من عائلة 3000والطقة بس ماتشغل العاب الميموري
هذا كان يشغل اصلي فقط وعجزو عنه لمدة لاكن اخترقوه اخيرا وهم في بدايات الاختراق والتهكير

فيه شغلة اذا بتشري العاب اصلية خذ psp 3000
اذا تبي العاب من الذاكرة خذ الموديلات الثانية لانه مافي فرق كبير بينهم وبين الجديد بس تحسينات قليلة

حبي انصحك تاخذ psp fat لان هو هو افضل من psp slim بكثير.
و يجي مع الجهاز head phone و charger(شاحن) و كايبل البائع يعطيك اياه
و قرص umd هدية و تحديث للجهاز.
اني اقول لو تاخذ final fantasy crisis core psp لان تجي وياه العبة ff7cc .

اوكي

مرحبا بكم جميعا .

اول شي اسف على انقطاعي لمدة اسبوع .

ثاني شي احب اشكر كل واحد تفاعل معي .

ثالثا الي هو العلم الاكيد انا رحت الي البايع وقلت لة ايش اخر سوني محمول نزل الاسواق ؟؟؟


قالي هاذا بس مايشغل كوبي بثمان مية.

رحت الي واحد ثاني قلت لة ايش اخر سوني محمول نزل الاسواق قال هاذا قلت يشغل كوبي قال اكييييييييييد

قلت حلو كم فية انوع للمحمول ؟؟؟
قال نوعين .
قلت ايش الفرق بينهم؟؟؟
قال حاجات بسيطة اولها السماكة(عرض الجهاز)

الجديد انحف .


قلت بالمرة يعني هاذا اخر ماورد السوق ويشغل كوبي ؟؟؟

قال اييييييييييييييوة.

كلت كم سعرة ؟؟؟
قال الف وميتين مع ذاكرة اربعة غيغا

قلت ابي ثمانية قال تزيد الفلوس قلت ماعلية ..

وركب لي 15 لعبة

ومع العلم ماعطاني شي معها الا الشاحن !!!!!
قالت وين السماعات والشريط الهدية قال مافية شي .

هل هو صادق يعني لا يكون ناصب علي ؟؟:33:

وهاذي سالفتي وسلامتكم..

أوووووووووووووووووف

الـ PSP ارتفع سوقه إلى 1200 ...!!!!

يا لهوووووووي .. الحمد لله لحقت عليه بـ 750 ..

والله بسبب النسخ الجديدة اللي ماتشغل ألعاب على الميموري ارتفع سوقه

لكن أنا أخبر إنه كان بـ 900 .. بس للأسف طار فوق الـ 1000

والله عن نفسي .. محلات الألعاب كلهم نصابين ..

تحياتي

ياخي لا تنسي انة يشغل الكوبي هاذا الضاهر الي رافع سعرة .