رسمياّ بعض معلومات من قائمة الأبديت القادم

ظهرت اشاعات قبل أسبوع عن بعض معلومات مسربة .. ولحسن الحظ طلعت رسمية ! ^^"
وراح تصير.. وهذي بعض معلومات الزيادة


- Movie Parties
حاليا نقدر انه نسوي party جماعي بالجات ..لكن الحين نقدر نشوف افلام ويا بعض
عاد شلون الstreaming ما عندي فكره xD بس اهم شي ويا الربع بس نطالع لأنه لاق ويا الأجانب اتوقع..

- Friends Info
معلومات اكثر واسهل للوصول إليها بالنسبة للFriends ..
بلوق , موتو الخ...

- Avatar Marketplace
ومنا هنا يبدأ التميز بينك وبين عيال المجاني =ppp من ناحية الكشخة

- Props
أفاتارك يقدر يحمل أشياء وهذي قديمة... لكن اليديدة انه يتفاعل ويا الشغله الي تشتريه
بمعنى اخر .. لو شريتله جيتار.. راح يدق عليه مثلا.. , مو بس مجرد يمسكه ثابت

- Clothing
ماراح يشمل فقط درع هالو ... ايضا ماركات الموضة العالميه بتكون موجوده
لو تحب nike اشتر.. عيال river island =p ما اعتقد موجوده لوووول بس المهم ماركات معروفة قوتشي والربع ...

- Awardables
جوائز تحصلها من الألعاب.. بجانب الأجيفمنت

- Games on Demand
تشتري العاب 360 بكروت بوينت.. للي ماله خلق يروح السوق
بس يبيله كونيكشن قوي ^^" ..لأنه الألعاب احجامها 7 الى 9 جيجا..
لما تشتري اللعبة .. ومسحتها ..ماراح يأثر لأنه الدفع رايح على الأكاونت مالك
فمو ملزوم تخزن بالجهاز وايد..

- Rate it
تقدر تقييم اي لعبة بالماركت بليس من أصل 5 نجوم
عساس الي يسهل حق الي بيشتري اللعبة .. يكون عنده فكره هاللعبة مقبوله من الناس ولا تعبانه

- Streamlined Party Invites
نظام الأنفايت فقط بضغطة زر واحده !؟ ( نفس جيرز نقدر نقول )
مو محتاج تدخل على واحد واحد وتدزلهم انفايت ..

- Gold Member Veterans
عيال الذهبي دوم ^^" راح يكون لهم وسام او رمز يثبت الى اي مدى هم ذهبين
اي يكتب الفتره الي قضاها لايف .. مافي شرح واضح لهذا..

- Friends List Sorting
تقدر الحين من اللستة معرفة اكثر اللاعبين دخولا للايف عن طريق ضغط Y
في شاشة اللستة.. بدال ما تجيك على اللسته جم يوم اوف لاين...

- Subscription Notification
الحين اشتراك اذا بيخلص راح تحصل المسج في اللايف .. وليس الأيميل فقط كما في السابق

- الVoice msgs
ماراح يكون لها popup بالشاشة..فقط مسجات الكتابة


هذا الي طلعته من موقع كوتاكو... + مايكروسوفت الأسبوع القادم راح تشرح لنا بالتفصيل عن الأبديت .. ماراح يشمل الكلام عن الzune hd ,facebook,twitter ..

أكثر شي متحمس له في الأبديت الجديد هو الـTwitter و Last.fm ( بتكون رهيبه، تسمع للـfm وانت قاعد تلعب لعبه مثلاً :d ) نظام الجوائز الجديد شكله حلو، لكن خايف انه يخربونه شويه، اتمنى يكون بنفس حلاوه الأشيفمنت+ أفضل!

الموفي بارتيز أعتقد على اللي تشتريهم من الماركت بلايس صح؟ اذا جذي ما استفدنا شي -_-" بس لو يخلونها على الدي في ديز اللي تحطهم بالجهاز بتكون وناسه!

مابقى على الأبديت ( أعتقد الشهر الجاي صح؟) ومتحمس له وايد، مع انه مو قفزه نوعيه مثل الأبديت اللي طاف، لكن فيه اشياء حلوه حيل متحمس لها.

واااااو

شي حلو والله ،،،،، مميزات جميله ،،،،

اقتباس:

---

- Avatar Marketplace
ومنا هنا يبدأ التميز بينك وبين عيال المجاني =ppp من ناحية الكشخة

---

هههااااااااااااي ،،، اي والله ذبحونا عيال المجانني هههههههههههههههه

اقتباس:

---

- Gold Member Veterans
عيال الذهبي دوم ^^" راح يكون لهم وسام او رمز يثبت الى اي مدى هم ذهبين
اي يكتب الفتره الي قضاها لايف .. مافي شرح واضح لهذا..

---

هههههههههه شغل عدل والله .....

:biggrin:

كلمة وحدة هي AWESOME

اقتباس:

---

المشاركة الأصلية كتبت بواسطة بحر الورود

كلمة وحدة هي AWESOME

---

same same :D

اقتباس:

---

حاليا نقدر انه نسوي party جماعي بالجات ..لكن الحين نقدر نشوف افلام ويا بعض
عاد شلون الstreaming ما عندي فكره xD بس اهم شي ويا الربع بس نطالع لأنه لاق ويا الأجانب اتوقع..

---

هذه شفنالها صور من E3 عيال قاعدين يتفرجو على فلم باتمان ويا بعض في اللايف ^^

http://images.eurogamer.net/assets/a...slideshow=true

اقتباس:

---

- Props أفاتارك يقدر يحمل أشياء وهذي قديمة... لكن اليديدة انه يتفاعل ويا الشغله الي تشتريه
بمعنى اخر .. لو شريتله جيتار.. راح يدق عليه مثلا.. , مو بس مجرد يمسكه ثابت

---

http://images.eurogamer.net/assets/a...slideshow=true

كل الاضافات الجايه قويه صراحه .... التحديث ككل قوي وفعلا راح يغير الجهاز من جديد

رووووووووعه كالعاده ..

بس انا للحين اكره الاستايل اليديد احسه مال يهالوووووو ,, وماله هيبه

اقتباس:

---

بس انا للحين اكره الاستايل اليديد احسه مال يهالوووووو ,, وماله هيبه

---

:bigeyes: ...... :33:

^
شنووو ؟ :D