اليوم أبي أشتري جهاز بلاي ستيشن 3 جديد ؟ (أحتاج نصائحكم)

السلام عليكم ..


ان شاء الله اليوم أبي اشتري جهاز جديد ..
لكني محتار ..
بين ..
بو 40 جيجا و 80 جيجا و 160 جيجا ..
-----------
أنا سألت عن الأسعار في الرحاب و كانت الأسعار كالتالي ..
40 جيجا و لعبة على 125 دينار.. فقط ..

80 جيجا و لعبة على 135دينار فقط ..

^
^
طبعاً أجهزة أوروبية ..


-------------------------
علماً بأني ما أبي أقط على الجهاز أكثر من 150 ؟! أحسها وايده ؟!

طيب ..
للكويتيين ..
تنصحوني أشترها من وين ؟!


و شكراً ..

وكالة سوني احسن شي, ارخص و كفاله سنه و اضمن

الفرع اللي ادله بس اللي بسوق شرق

^
^
^
همم :) ..
أوكي سوق شرق ..
أنزين ؟!
يا طويل العمر ..
أي نوع أحسن . بو 40 جيجا و لا بو 80 جيجا ؟؟!

مو المشكلة أني خايف يخترب الجهاز .. مثل ما صار بجهازي القديم !! ؟

بو 40 موديل قديم

مافي الحين الا 80 و 160

فأنصحك بال80 بس انت شوف 160 لان يمكن مميزاته تعجبك اكثر و سعره اخر مره شفته 146 دينار

^
^
^
ممتاز !!
يعطيك العافية .
.. .. .. .. .. .. ..
160 أو 80 ..

اليوم ان شاء الله :)

في وكاله بالديره
سعر الجهاز 125 مع لعبه ويده وضمان سنه نظام اوروبي 80 جيجا - جهاز بندل يعني معاه لعبه
=============
أو اذا عندك يدات والعاب بس تبي الجهاز تلقاه بالرحاب سعر الجهاز بروحه 110
بدون يدات والعاب 80 جيجا اوروبي ضمان سنه

والاهم من هذا كله جيك على النوع قبل لا تاخذه
CECHL04 <<< آخر شي مكتوب 04 نظام اوروبي ( هذا اللي عندي احسن )
النوع مكتوب بكل مكان بالكرتون وجيك عالجهاز نفسه من ورا ولازم تلقى النوع اللي تبيه

وفي 01 نظام امريكي .. وفي 02 و 03 مو متأكد منهم ياباني او شي
وإذا في شي ثاني حاضرين وبالتوفيق :)

وعشان تعرف اكثر
هذا موقع سوني يبينلك الأنواع الموجوده
الموقع
آخر نوعين (الدفعات) :-
CECHL01
CECHP01

وطبعا كلهم آخر شي 01 لأن الجهاز والموقع امريكي
L 80 جيجا
P 160 جيجا

اقتباس:

---

المشاركة الأصلية كتبت بواسطة General BiG Boss

في وكاله بالديره
سعر الجهاز 125 مع لعبه ويده وضمان سنه نظام اوروبي 80 جيجا - جهاز بندل يعني معاه لعبه
=============
أو اذا عندك يدات والعاب بس تبي الجهاز تلقاه بالرحاب سعر الجهاز بروحه 110
بدون يدات والعاب 80 جيجا اوروبي ضمان سنه

والاهم من هذا كله جيك على النوع قبل لا تاخذه
CECHL04 <<< آخر شي مكتوب 04 نظام اوروبي ( هذا اللي عندي احسن )
النوع مكتوب بكل مكان بالكرتون وجيك عالجهاز نفسه من ورا ولازم تلقى النوع اللي تبيه

وفي 01 نظام امريكي .. وفي 02 و 03 مو متأكد منهم ياباني او شي
وإذا في شي ثاني حاضرين وبالتوفيق :)

---

انا عندي كل شيء
4 يدات
و وصلت اتش دي

----------------
؟؟
؟؟
وكالة سوني بالديرة ؟؟!
ممكن توصف لي مكانها بالضبط ؟؟
:)

انا شريت من الرحاب .. اللي بالديره امممم ماعرف اوصفلك مكانه بالضبط تلقاه بين الدواعيس لوول :(
اذكر فالشارع ضيق كان يبيعون مسابيح وهالشغلات xD
هم تلقى وكاله باناسونيك هناك صوب وكاله سوني

^
^
^
تقصد براحة لهنود الي يكون جبالها .. الصفاة ؟؟!

--------
. . .
شكلي بروح الرحاب ..
و باخذها بروحها !! 80 جيجا ..

اي كان في هنود بالهبل -_-

^
^
^
تم بحمد الله ..
الشراء ..
من الرحاب للأسف ..
ب110 دنانير. .

المركز الكويتي ..
لكن في شيء نسيت أشوفه ..

الكرتون مكتوب عليه .. chochK08 ؟؟؟؟؟؟
؟
هل هذا عادي ..
مكتوب عليه pal
?! >.>

هنا
هذا الموقع فيه الدفعات وتاريخ صدورها
دفعة جهازك شهر اغسطس 2008
لو ماخذ الأيدد اللي قتلك عليه .. عالعموم مبروك عليك الجهاز

^
^
^
الله يبارك . فيك ..
ألف شكر على المساعدة ..
مشكلتي اني يوم رحت أشتري نسيت أجيك ..
بس شفت الجهاز نظيف .. هههههه
قلت يلا .. عطنا اياه ..
يوم رديت البيت .. و لا
CECHK08
rus
جهاز روسي !!

سؤال أخير : هل راح تفرق مثلاً .. لو خذيت الأصدار الأيدد ؟
.. ..

طبعا كل ما كان يديد .. كان احسن وعلى سبيل المثال
الدفعات اليديده ما تستهلك كهربا اكثر من الدفعات القديمه
علشان يقلل من ارتفاع الحراره بالجهاز