-
fushigi yuugi
fushigi yuugi واحد من المسلسلات الرائعة جدا...
فيه الرومانسية والاكشن والدراما.. وكل شي ...
القصة تبتدي بمياكا يوكي وصديقتها العزيزة يويي راحوا المكتبة العامة وهناك لقوا كتاب مسحور لما فتحوه دخلوا العالم اللي في الكتاب...
واول ما وصلوا هناك واجهوهم قطاع طرق.. بس انقذهم شاب اسمه تاماهومي على جبهته علامة غريبة..
ولما تركهم تاماهومي.. يويي رجعت حق عالمها بدون مياكا.. وهني تبتدي يويي تقرى من الكتاب الاحذاث اللي تصير حق مياكا..
وتدور مياكا على تاماهومي لانه اخر واحد جاف يويي معاها.. ولما تلقاه يتورطون في مشاكل ويوصلون حق سجن الامبراطور اللي يطلعهم من السجن ويعلن ان الاسطورة تحققت وان الكاهنة الخاص بإلهم سوزاكو وصلت عالمهم وهي مياكا.. وعليها ان تجمع مقاتلين سوزاكو السبعة علشان تستدعي سوزاكو نفسه.. وهني بتحصل على ثلاث امنيات.. وطلب منها الامبراطور انها تطلب الامنية الاولى انهم ينتصرون على امبراطورية كونان وتكون باقي الامنيات لها... فوافقت مياكا على انها بتطلب انها ترجع حق عالمها علشان تلحق بصديقتها يويي...
وتبدى رحلة مياكا في البحث عن هالمقاتلين واللي تاماهومي والامبراطور هوتوهوري منهم...
القصة ما توقف عند هالاحداث.. يويي تنتقل حق عالم الكتاب لكنها توصل حق امبراطورية كونان وتصير كاهنو الاهم سيريو وتصير مهمتها مثل مياكا.. وهني تتحول الصداقة اللي كانت بينهم حق عداوة من جهة يويي على الاقل...
القصة قمة في الروعة.. وقصة الحب اللي بين تاماهومي ومياكا رائعة... والشخصيات تتفاعل معاهم بشكل كبير..
انصح اللي ما جافوه انهم يجوفونه..
ممكن احط اقصة بشي من التفصيل.. اذا حبيتوا... لان القصة انا كتبتها بشكل مختصر جدا جدا جدا..
واذا حد حب انه يتناقش معاي او يعلق على هالمسلسل.. فاهلا وسهلا..
لاني احب اتكلم عنه وايد... :D
-
قصة حلوة
انا اكثر من مرة اشوفه في الامازون بس ما اشتريه لكن مع هذي القصة ان شاء الله في المرة الجاية راح اشوفه;)
-
حاول تقارن يا اخ serge في الاسعار قبل لا تشتريه..
الامازون غالي ...
جرب
http://www.animeconer.com
http://www.animenation.com
:D ادري اني مللتكم بهالموقعين.. لكن احسن الواحد يقارن في الاسعار قبل لا يشتري :D صح؟؟؟؟
-
مشكوررررررررر
مشكور يا orange road
والله من الصوره باين انك خفيف دم وتحب الضحك..
اما بالنسبه للمسلسل..انا قد شفت الحلقه الاولى بس..للاسف ودني
اكمله لانه شكله ممتع..غير اني شفت لقطات وانصرعت..
هو عند صديق اخوي..واقول له..يا ابن الحلال جيبه..مو راضي..بس
الان انا مصممه ابغاه..حتى لو اشتريه...
امم من اسمك هل تحب الانمي orange road..
امم شكل الانمي حلووووو..ياريت تحطون له صور..
مشكور مرررره ثانيه...:D
-
اقول anime- girl ترا orange road بنت :D
-
ترى fushigi yuugi رااااائع.. وتلقينه على 16 شريط فيديو و3 اشرطة ova ...
بس تصدقون على ان اسمي orange road الا اني ما جفت هالكارتون للحين.. وانا عشقته من لما كنت ايمع صوره اللي تيي مع العلوج ابو نص ريال...
:D كنت اشتري منه بالكراتين بس حق الصور والعلوج اعطيه حق اليهال ....
وترى للحين محتفظة بالصور.. :D :) :p ;)
-
الanime store في animeconer مغلق
و animenation مغلق بالكامل:(
-
اخ serge سوري بس انتوا في السعودية عندكم كل شي مغلق... شدعوة؟؟؟ ?:
جرب
http://www.animecastle.com
يمكن ينفع معاك...
-
موقع animecastle.com حلو وبعد animenation.com أحلى
المواقع اللي اذكرتها أورانج رود كلها ممتازه
موقع animecorner.com أرخص بحوالي 4 دولار في الشريط عن موقع أمازون ويوصلك أسرع بعد
لكن موقع أمازون يجيب أشياء أجدد
موقع animenation.com تقدر تسوي pre-order يعني تحجز الشريط قبل لا ينزل السوق وعندهم أشياء جديده واااااايد وحاطين توب 10 لكل قسم
-
Fushigi Yugi
اولا احب اشكريك يا orange road على انك فتحتي هدا الموضوع
صرحة ان احب الانمي و كنت بدور على انمي مره مشهور و بالصدفة قريت عن Fushigi Yugi و كل الناس بتمدح فيه قولت في نفسي خليني اجيبه
و مع العلم ان سعرها كان غالي بس تستحق كل الاندفع فيها وجبتها DVD
كل حلقات Fushigi Yugi كانت روعة و هو صحيح ان جانب الرومنسي يكون اغلب الوقت بس القصة و الشخصيات و الرسومات كلها كانت روعة.
وجبت Fushigi Yugi OAV بس المشكلة كان في استغلال واضح للمسلسل وما كان في المستوى المطلوب
بس يا اخت orange road ان ما انصح ان تقولى على القصة علشان ما تحرقي المسلسل للاخون الى ما شوفه .
وعلى فكرة انا شوفت بعض من رسمك وكان شي مره جميل
-
علشان جذي يا اخ cool man ما عرضت القصة كلها.. بالعكس كتبتها باختصار شديد....
بس انصح الكل انه يجوفه..
الاوفا معاك حق انها ما كانت مستوى المسلسل نفسه لكن بعد الحلقات تظل حلوة...
وكان احلى شي في الاوفا اللقطات المضحكة اللي تنعرض في الاخير..
واكثر شخصية تفاعلت معاها في الاوفا كان تاسكي.. وشلون انه كان كاتم حبه حق مياكا.. واللي عجبني في الاوفا انهم راوونا بالضبط قصة chichiri واخو نوريكو...
ترى صج كلامك مب خسارة الفلوس اللي اندفعت فيه...
-
احسن الشخصيات
بخصوص الحلقات المضحكة في oav كانت شي مره خطير :D
ولاحظةفي شخصيات كانت تكملة عدد وكان ممكن يكون لهم ادوار احسن في القصة وكانت من الممكن ان تسير القصة من دونهم
و قريت ان المانجا مختلفة شويه عن الانمي و المانجا عندها مشور لتصل لنهاية القصة
وفي انمي جديد اسمه Ayashi no Ceres كانت ابغى اعرف عنه اكثر
اذا كنت تقدير تزودين بمعلومات عنه اكون مشكوررررر
-
اي اخ كول مان انا بعد سمعت جذي.. وناوية اشتري المانجا لان صراحة رسم وقصص yuu watase ما ينمل..
بالنسبة اللكارتون اللي سألت عنه فانا كل اللي اعرفه انه لنفس الكاتبة والرسامة، وهو اشهر من فوشيقي يوقي في امريكا..
اهو بيوصلني عن قريب انشاءالله.. يمكن بعد اسبوع تقريبا.. ولما يوصل واجوفه انشاءالله اكتب لك عنه..
هو ممكن طبعا اني ادخل على النت وايمع معلومات عنه لكني ما احب اكتب الا عن اللي اجوفه بنفسي..
اذا حبيت ممكن انت تدور في النت عن القصة.. او من الممكن (اذا كنت صبور) تنطر شوي لحد لما اجوفه واكتب عنه.. :D
-
مشكوووور اخوي orange road على الموضوع الي اكثر من رائع ... وفوشي يوجي مغامرة روووعة الصراحة .......
-
اقتباس:
كتب العضو (orange road)
اخ serge سوري بس انتوا في السعودية عندكم كل شي مغلق... شدعوة؟؟؟ ?:
جرب
http://www.animecastle.com
يمكن ينفع معاك...
هذا مفتوح و لله الحمد:D
