عملية انقاذ نحله تصويري

السلام عليكم ورحمة الله وبركاتة

اليوم وانا داخل الحمام شفت نحله غرقانه قلت هاي شكلها من الشله الي دوم يدشون علي

الله يسلمكم تذكرون رويتكم صورة خلية نحل
هذي الخلية فوق غرفتي بالضبط

وهذيلا النحل يوم يشوفون نور لمبة الحمام الفجر يتحرونه الشمس
ف يحاولون قد ما يقدرون يدخلون الحمام
وبالتالي ينصدمون بالليت الي موجود
وييلسون يطيرون عند الليت ويصقعونه لين ما يموتن شو السبب ماا ادري هل من تاثير الضو او كهربه مستهم او من حرارة التيوب ×_× لين الحين مااعرف

مره شفت نحله كانت تيي مستنه وتضرب الليت بدرجه انها تطير الغبار عن الليت
لو معاي عدسه اقوى عن عدستي لكنت اللتقطت صور من عالم الخيال منظر الغبار وهو يطير


عموما هذي النحله شكلها غلب عليها العيا وطاحت في البانيو وكان في ماي
وتبللت جناحاتها وتمت هناك

وتوني يوم يت الحمام شفتها تزحف
قلت الا اصورها وبعدين انقذها

ولكم صورها وهي غرقانه وتحاول تنقذ عمرها وشوفو جناحاتها المبللـه
http://www.dohaup.com/up/2009-08-06/...1802829888.jpg



طبعا صورت صور وايد بس تهتز الصوره وهي تتحرك بسرعه وكانت اعدادات الكيمره مب شي
عقب غيرت حطيت ع الرياضيه ويبت صوره كشخه
http://q8.humanity.googlepages.com/SW.jpg
مديت لها العنقليه الي ينظفون فيها الاسنان
وشوفو سبحان الله فهمت علي وتمسكت فيها

والسموحه هذا الي طلع وياي

ملاحظه كنت ماسك الكيمره بأيد والعنقليه والنحله بأيد
وبالقوه اصور ماشي توازن كيف بدوس الفص وكيف بثبت وغيره

بس حمدالله طلعت الصوره حلوه

ملاحظه : بخصوص النحله الحمدالله وانا ماسك العنقليه قدرت تحرك جاحاتها وطارت
لكن ردت طاحت ورفعتها وحطيتها برع عشان تنشف جناحاتها وتروح عند ربعها

وللمعلومه .. النحل من الحشرات الي منهاي قتلها

روى أحمد وأبو داود بسند صحيح عن ابن عباس رضي الله عنهما قال: ( نهى رسول الله صلى الله عليه سلم عن قتل أربع من الدواب : النملة، والنحلة، والهدهد، والصرد ) .

وتوني عرفت هذا الحديث عن الاغراق بعد ما انقذت النحله

وقال صاحب كتاب الكافي في فقه الإمام أحمد: و لا يجوز تحريق النحل، ولا تغريقه، لأن النبي صلى الله عليه وسلم نهى عن قتل النحلة، و قال أبو بكر: لا تحرقن نحلاً و لا تغرقنه. اهـ

والحمدالله اني انقذتها وما تركتها تغرق


نتريا تعليقاتكم

وشكرا

و عليكم السلام ورحمة الله وبركاته ..

أهلاً بك أخي ( SN!PER WOLF ) :) ..

كانت لي تجربة سيئة جدًا مع محاولة إنقاذ نحله غارقة .. لا أعتقد أنني سأكررها مرة أخرى إلا بعد أخذ " كل " الاحتياطات !!

وقد حصل و شاهدة - بعد تلك الحادثة - نحله أخرى تغرق .. ولم أفعل لها شيء .. ولكنها سبحت إلى أن وصلت إلى بر الأمان و طارت من بعدها من دون مداخلات بشرية ! :)

اقتباس:

---

طبعا صورت صور وايد بس تهتز الصوره وهي تتحرك بسرعه وكانت اعدادات الكيمره مب شي
عقب غيرت حطيت ع الرياضيه ويبت صوره كشخه

---

تصرف ممتاز .. بالفعل الصورة راائعة وكذلك وضوحها ممتاز في الحالة التي كنت عليها .. في الوضع الرياضي تستخدم سرعة غالق سريعة تساعدك على تجميد الحركة، مما يقلل من فرصة اهتزاز الصور ..


و جزاك الله خيرًا على المعلومات المفيدة :) ..

نترقب جديدك ..

بالتوفيق.

سلمتي كوييتيه
لو كنتي تعاملتي معاها برقه لربما نجحت المحاوله

عموما انا كنت اشاهدها تحاول تطلع من المسبح لكنها ترجع تسقط فيه من شدة التعب وبالتالي حملتها بعصى الاسنان او العنقليه

شكرا كويتيه ع التشجيع وان شاء الله من احسن الى احسن

تسلم عالموضوع الرائع
الصراحة الموضوع يوجد فيه
عمل خير + إبداع في التصوير
الله يعطيك العافية عالصور

ســـلام

تسلم تسلم مستر

حاولنا نقدم اكبر قدر من الفائده ونستفيد ونفيد كلنا مع بعض

شاكرلك الطله مستر