خدمه التسوق الآمن عبر الانترنت ( ماستركادر + فيزا )

السلام عليكم ورحمه وبركاته ..


الحقيقه انصدمت هذا الشهر بخدمه جديده لما جيت اسدد هذا الشهر .. ولما سئلت هذي الخدمه
وقالوا انها خدمه جديده تحمي البطاقات من السرقه .. ولذلك جبت لكم معلومات بسيطه حسب استطاعاتي :)



http://www.alahli.com/images/arabic/secure_ar.jpg


الخدمه عباره عن رقم سري لا يقل عن 6 ارقام ولا يتجاوز 10 ارقام تتضمن حروف وارقام

معناه لازم يكون عندك رقمين سريين لبطاقه الفيزا والماستر .. واحد للسحب عن طريق اجهزه الصراف .. والاخر وهو الجديد ( للتسوق الامن عبر الانترنت )


الخدمه ما ادري اذا كانت مجانيه أو لا .. لكن في البنك الاهلي التجاري مجانيه حسب المعلومه اللي عندي .. واذا كانت بفلوس ماتتعدى واحد دولار كحمايه لبطاقتك <- تحتاج لمصدر :biggrin2:



مزايا هذي الخدمه :
خدمة مجانية توفر حماية أكبر عند استخدام البطاقة الائتمانية للتسوق عبر الانترنت.
خدمة سريعة وسهلة لتوفير راحة البال و الثقة.
الحد من التزوير و الاحتيال.




http://www.mastercard.com/us/securec...agePicture.jpg


كما موضح بالصوره الفكره بسيطه جدا




طريقه التسجيل بالخدمه
1 - الدخول عن طريق رابط البلاي اون لاين ( مثل الطريقه العاديه للسداد )
2- او الدخول عن طريق البنك اللي تتعامل معه مثال هذا رابط باللغه العربيه للبنك الاهلي
http://www.alahli.com/content/arabic...-eshopping.asp

3 - او عن طريق موقع الماستركادر او الفيزا

موقع الماستركارد http://www.mastercard.com/securecode


موقع الفيزا بالعربي : http://www.visamiddleeast.com/main_h...sa&ep=v_gg_new





موقع الفيزا فيه شرح حلو للي حاب يستفيد

http://www.visamiddleeast.com/images...l/vbv_logo.gif


وهذا هو شرح بالفلاش كيف تتم عمليه الشراء

http://www.visamiddleeast.com/uv/online_security.jsp#



بالنسبه لي مااخذت العمليه اقل من دقيقه التسجيل وصار عندي رقم سري :biggthump




ملاحظه هامه اللي يغلط بالرقم السري 3 مرات او يغلط بالتسجيل 3 مرات
تتقفل البطاقه فقط في عمليات التسوق عبر الانترنت .. كل اللي عليك تتصل على البنك تبعك
او تدخل موقع البطاقه وتفعلها من جديد وتاخذ خمس دقايق او اقل :)


والان شركه فيزا وماستركارد تحاول ان تجعل جميع سكان العالم الذين يحملون بطاقات الفيزا
تسجل بخدمه: Verified By Visa او SecureCode



عشان كذا تلاحظ اغلب موظفين البنوك مو فاهمين شي لما تتصل عليهم :D
خاصه بعض البنوك بالكويت والسعوديه .. الا البنك الاهلي صراحه شهادتي فيه مجروحه :ee2:



شباب هذا مجرد اجتهاد شخصي مني قابل للصح والخطا واللي عنده تعديل او اضافه يتفضل بكل رحابه صدر :)

يعطيك العافية اخوي

ولكن المشكلة انه الكويت مافيها بنك عنده هالشغلة

ولما بروح ادور بنك بالكويت بموقع ماستر كارد ما ألقه

والله مادري شسوي ><

طيب جربت من موقع البلاي اون لاين ؟ واعطاك خانه تسجل فيها ؟

اذا الجواب لا .. كلم الشركه اذا كانت بطاقتك ماستركارد واطلب منهم الغاء خدمه التسوق الامن وبس

مافي خانة اسجل فيها


والله ماعرف الطريقة الي اكلم فيها الشركة لول ><

اقتباس:

---

المشاركة الأصلية كتبت بواسطة meshari260

ملاحظه هامه اللي يغلط بالرقم السري 3 مرات او يغلط بالتسجيل 3 مرات
تتقفل البطاقه فقط في عمليات التسوق عبر الانترنت .. كل اللي عليك تتصل على البنك تبعك
او تدخل موقع البطاقه وتفعلها من جديد وتاخذ خمس دقايق او اقل :)

---

للتعقيب
بخصوص البنك الأهلي
تستطيع تفعيل الخدمة المغلقه من جديد وذلك من خلال الصراف الآلي بنفسك فليس من الضروري الاتصال بأحد وذلك :
عمليات أخرى >>>>>>>> تنشيط الخدمات الإلكترونية >>>>>>>> تنشيط خدمات الأهلي أونلاين
ثم تقوم بتنشيط ماتريد من خدمات الاهلي الالكترونية وحتى الهاتف المصرفي كذلك

للمعلومية البنك الاهلي له فروع في مصر بالقرب بهيئة الاذاعة
وبالامارات في دبي داخل المدينة الاعلامية
بحكم وظيفتي كنت اتعامل مع هالفرعين بهالدولتين

برودكس وجع ... انت موظف بالاهلي ولا تعلمنا ؟؟ <- حقد العبد

بالنسبه للتفعيل برضوا ممكن تتصل على 920000895 وتفعل كل الخدمات عن طريق الجوال
وانت في بيتك ..





nistelrooy17 http://www.montada.com/montada/statu...ser_online.gif

والله مدري وش اقولك صراحه حاط نفسي مكانك وجداا متضايق .. اتصلت على كذا بنك احاول احصل لكم حل
محد فاهم وش يعني تسوق آمن .!!.. حتى بحثت عن شركه ماستركارد بالسعوديه والكويت ماحصلت ..
نحتاج شخص يتصل على الشركه في امريكا وياخذ الزبده منهم بالنسبه للكويت وقطر

السلام عليكم ..
والله يا جماعه ماعرفنا حل حق هالمصيبه الغبيه اتسغفر الله لوول
بس انا اعتقد انها طريقه يبون يحدون العالم انهم يتجهون حق FFXIV الله يلعنهم و يلعن افكارهم الي مثل وجيهم
لا خدمات نفس الاوادم ولا معامله سنعه لا حول ولا قوه الى بالله
والله شكله نهايت شباب الـ US Version :(

مالها دخل اللعبه بهذي السالفه .. هذي طلبات شركات الائتمان (الفيزا + الماستركارد ) مع البنوك والمصارف والمؤسسات الماليه .. لانه كثرت سرقات البطاقات الائتمانيه عن طريق الانترنت وكثرت المشاكل
وكثرت الفيروسات وبرامج التجسس .. ف، مالقوا الا هذا الحل وهو الرقم السري ..
يعني تخف كثير السرقات

يا ليت تعطيني رابطه حق هالموقع http://www.visamiddleeast.com تكون مباشره عشان ادخل رقم الفيزا مالتي ويا ليت لو تقدر تشوف اذا في بنك بالكويت او اي بنك بره يصير ابطل فيه حساب بالنت يستخدم حق فاينل لانه تعبت رحت للفرع مال البنك اخر شي الموظف قالي انت منو مألف عليك هالخرابيط سكت وطلعت عورني راسي وانا احاول افهمه
عاد كنت على وشك اني اروح اشتري اكس بوكس عشان بس ادفع حق فاينل

اقتباس:

---

المشاركة الأصلية كتبت بواسطة RIEEKIL

يا ليت تعطيني رابطه حق هالموقع http://www.visamiddleeast.com تكون مباشره عشان ادخل رقم الفيزا مالتي ويا ليت لو تقدر تشوف اذا في بنك بالكويت او اي بنك بره يصير ابطل فيه حساب بالنت يستخدم حق فاينل لانه تعبت رحت للفرع مال البنك اخر شي الموظف قالي انت منو مألف عليك هالخرابيط سكت وطلعت عورني راسي وانا احاول افهمه
عاد كنت على وشك اني اروح اشتري اكس بوكس عشان بس ادفع حق فاينل

---

يباا انا عندي لك حل

ياا انك اطرش رساله حق فؤاد الهاشم وتشكيله حالك

بس احتمل كبير يطنشك

او الحل الثاني اهوا الاسهل
تدق على بوعيده على قناة سكوب قصدي صوت الشعب وراح

يوصل لصوتك لشعب

والله حالتك كسيفه ريييكل

قوله ابيي ادففع انااا الماانيي شلووون مااقدر ادفع حق فااينل
يرضيك الماني مايدفع

وترا لي دقو مشاكلهم العن من مشكلتك وحللوو مشاكلهم
ووبالتوفيق ههههههههه

اقوووول حبيبي sladen
انت تستخدم نسخت البليستيشن 2 صح !!!

يالله انا اليوم امرك ابيك بسالفة راس !!!!!!!!!!!!!!!!!!!!!!

meshari260
تبي تضحك لول !!

تدري من اول ما قعدت من الساعه 9 وانا اسوي كل خمس دقايق رفرش حق الصفحه على امل القا احد رد ومعاه الحل لووول صج حالتي تكسر الخاطر

ههههههههههههه ما ألومك وربي ..

شباب اللي عنده مشكله مثل هالنوع يذكر لنا بأي دوله ساكن .. واللي حصل حل يكتبه
حتى يستفيد الجميع ..

POL will not help you if you don't have VBV or securecode. They will only ask you to provide your email and phone number and that they will contact you whenever they have a solution:أفكر:

The best solution is to use PS2 or Xbox 360 to make the payment especially when there is no institution in your country that provide the security they are asking for:33:

Sorry for typing in English- don't have Arabic keyboard:28:

Goodluck guys

اذا انت بالكويت ليش ماتروح الخفجي قريب من عندكم وتروح بنك الاهلي وتفتح حساب فيه؟

جدا راح تشكرني على هذا البنك الرائع