عرض للطباعة
كل عام وانتم بخير
اخواني اعاني من مشكلة بطئ فقدان الوزن وانا اعتبرها مشكلة فضيعه حرق الدهون بطي جدا جدا عندي والوزن ينزل ببطى شديد خلال فتره الرياضة والتخسيس سببلي احباط لمن اسمع العالم اللي تنزل بالشهر 6 كيلو او 5 وانا اذا جبت كيلو مرررررره حلوه
وعندي الارتفاع بالوزن سريع جدا مجرد مااخبص اكل وزني يزيد
ابغى حل سريع ومفيد
بعد العيد برجع للنادي وبسوي رجيم وابغى شي يزيد نسبة حرق الدهون بالجسم علشان ينزل الوزن بسرعه شوي
ولكم مني أجمل تحية:02:
السلام عليكم أخي أنصحك بالتدريب بدون قميص
ما عندي خبرة في تنقيص الوزن .. ولكن انا اواجه نفس مشكلتك ولكن بالمقلوب :] .. لو اكلت كثير وتمرنت واذبح نفسي طول الشهر ممكن ازيد 2 كيلو بس .. لكن لو وقفت اكل بشراهه لاسبوع ممكن انزل 3 كيلو ههههه ..
لاتيأس اخوي ولازم تعرف ان الهدف بعيد وترضى بهالكيلو وشوي شوي بتلاقي نفسك وصلت للي تبيه ! .
هلابك اخوي لوقريت في المنتدى راح تحصل على اجابة لسؤالك :)
عموما اعتقد انك قريب من وزنك المثالي لذالك ماينقص وزنك بشكل كبير ..
او احتمال ان عندك خلل في نظامك الغذائي ..
عموما انا انصحك بشغله اذا كان عمرك فوق 18 سنه انصحك بإستخدام حارق للدهون وهناك منتجات ممتازه ومعروفه
استخدم مثلا ( ليبو6 ) وهو حارق دهون ممتاز وجاب نتائج مع ناس كثيرابحث عنه بقوقل وشوف النتائج اذا اقتنعت فيه استخدمه بالطريقه الصحيحه الموصاه بالعلبه ومع ممارسة الرياضه + الدايت عشان يجيب معاك نتيجه ..
مافيه شي صعب وبالتوفيق اخوي :)
ممكن تقول لنا وزنك وكم خسرت ؟؟
هل انته مستمر في الريجيم منذو فترة طويله ؟؟؟
شو نظامك الغذائي ؟؟؟
انا عمري 29
الطول 166 الوزن سابقا كان 96
وحاليا 89 ولاهو راضي ينزل أكثر من كذا حاولت حتى اصبت بإحباط
مع العلم اني لا استمر مع التمارين يعني فترات اروح النادي وفتره انقطع ودواليك
اقرأ ردي مره ثانيه وان شاء الله راح تتخلص من مشكلتك :)
لا لا لا ما أنصحك ا تستخدم أي طريقة غير الذهاب الى الصالة الى التمارين والتخسيس ,.. ليش لأن المواد الكيميائية بالعكس صحيح ان في البداية راح تحرق عدد كبير من الدهون وتقلل وتحرق الشحوم لكن راح تأثر عليك مع مرور الزمن وراح ترجعك أعظم من قبل فلذلك نصيحتي لك استخدام الطرق الطبيعية مثل التقليل من الدهون والمشروبات الغزية وتكثر من المشي والخضروات ..... تحياتي
اخووي انا كان وزني 107وطولي مدري كم لكن متوسط المهم اني الآن 57 وفي ظرف8 شهور
والفضل لله اولا و(((للشاهي الاخضر الصــيني )))) ورب البيت مانفعني الا هو
وثالثا قطعت المشروبات الغازيه نهائيا وارتحت ايه والله وثالثا اخفف من المواد اللي فيها زيوت والحلويات
ومن قبل كنت مثلك ما نحف لا بالرياضه ولا بالدايت وان نحفت من 1 الى 2ونص كيلوا بالشهر
المهم عليك بالشااااهي الاخضر الصيني بعد كل وجبه بساعة تاخذلك ثلاث كاسات
وتحرق 200 سعره حراريه والمشي 6الى 7 كيلوا يحرق من 150 الى 200 سعره
شوف الفرق كيف
وهذا اللي عندي وان كان عندك اي اسئله انا حاظر وللمعلوميه وزني ثابت له سنه
وجسمي سليم والحمدلله .
اقتباس:
المشاركة الأصلية كتبت بواسطة vip_temaa
العمر كله يا اخوي
الاسباب كثيرة يا اخوي
اول سبب يمكن انته مستمر على نفس نظام الغذائي وجسمك تعود عليه ويقاوم او يمكن نظامك غلط
ثاني سبب يمكن عندك نقص في دور الغدة الدرقيه (هي مهمتها المحافظه على حرارة الجسم ) ولو تسير لدكتور مختص وتفحص هرمونات T3 , T4 , TSH راح يكون احسن عسب تتاكد
ونصيحة اخرى قلل من الكربوهيدرات اذا بتاكل كربوهيدات فقط في الصباح
والحديد والجري معا بعض هم افضل سلاح لكسر الشحم
مشكور اخوي على الرداقتباس:
المشاركة الأصلية كتبت بواسطة عزووز20
بس اش النظام اللي كنت متبعه خلاص ال8شهور اللي نزل فيها وزنك بالتفصيل
علشان نجرب
:biggthump
والله وش اقولك
مافيه نظام للاكل لكن فيه نظام لفصيله الدم وتعرف ايش اللي يسمنك وتبتعد عنه
انا ما اتبع اي نظام بالعكس انا ابتعد عن بعض الحاجات اللي مالها داعي مثل الغازيات من اولها الى اخرها
وامشي على الاشياء اللي تساعد في حرق الدهون مثل(( الفلفل الحار مع الاكل ومثل الشاهي الاخضر الصيني المبروم ومثل عصير الاناناس ومثل عصير التفاح الاخضر ومثل خل التفاح مع الماء للتخفيفه ومثل شرب حليب قليل الدسم قبل الاكل ب10 دقايق))والرياضه والله لك عليها شوي:p يعني ماهوب يومي والاكل ما امنع شي الا اللي مكتوب في
نظام فصائل الدم وصدقني اطلع عليه وتلقى خيير.
وان بغيت حاجه انا حاضر:D