بعض قصااااااااايد هزااااع ..؟؟!؟؟ لا تفوتهاااااا

السلام عليكم ورحمة الله وبركاته



طبعا حبيت انزل هالموضوع إلي اظن انكم تستاهلونه وما حبيت ابخل عليكم بشي


طبعا الموضوع هو قصايد الشيخ هزاع بن سلطان



طبعا القصيده الاولى بتكون

°• ســــود الهـــدب•°


سود الهدب و ادعاجـي اناجـي حـلو الصـبا مزيــــون
شوفـه لـذيذ اعلاجـــي للشاجي و المعظلات تـــهـون
لابـس بحـسنـه تـاجـــي والداجي ظافي على المـــتـون
سـامـي سمـاه و راجـي بمزاجي و القلـب بـه مـفتــون
تـسـطـي بحـبه امواجي و الباجي خلـيتـهـم مـــــن دون
لو كـان فـي متـفـاجــي له هاجي الاحساس لي مرهون
يــارب لـك محـتاجــــي فراجــي للـهـــم لـي مخـــزون
هـم وانـا هـب لاجــــي احجاجي كن الدهــــر فرعـون


°• لاســــلام •°


لا ســــلام .. ولا وداع .. ولا عـلــيــك
لا اتصـال .. ولا هـمـوم .. ولا ســؤال
بـخـت قلـبـك حــظ جفـنـك يهـتـويـك

يـا اريـش العينيـن بـرمـوش ظــلال
يـا الغـلا وينـك وويـن الـشـوق فـيـك

في حشى يوفي من الشوق اشتعال
روح روحــي يــا منـاتـي تفـتـديـك

ودي بـقـربـك ولا تـجـفـي .. تـعــال
يا عسى كل شـر يـا خلـي ايخطيـك

ومـن سعـى بالشـر مـن شـره ينـال
اعـتـدي كــل مــن حبيـبـي يعتـديـك

ولـه شهـرت السيـف واعلنـت النـزال
وان سطـع نجـم العـواذل مــا علـيـك

إكــل نـجـم لــه بــزوغ .. ولــه زوال
وش بقى في ذا الزمن مالـه شريـك

وفي سؤالي يا هوى بالي سـؤال؟


°• رعشــــــة اللـــــــيل •°


منزلـك مـا بيـن الحنايـا والاهـداب
وموضعـك منـي ياحبيبـي مكـانـي
الحب يبقى لـك ولـو ناظـري غـاب
يا أغلى وأرهف من سكن فـي كيانـي
نحيا على مـر الزمـن ربـع وأحبـاب
والله لا يـحـرم زمـانـك زمـانـي
من كثر ما تهوى وأنا أهواك الاعجـاب
احتار فيـك وصـار شوقـي أغانـي
كل حرف لك في رعشة الليـل ينسـاب
وحبر الغـلا يـا كـم يـذرف حنانـي
للحلـم مـع طيفـك مواعيـد وأسبـاب
حتـى ولـو تهيـع عيونـي ثـوانـي
وصلك مهاجر واللقا وصلـك اغـراب
وتبقى الضيا فـي عربتـي والأمانـي
انته بخفوقي صاحبي وصـل وغيـاب
لا البعـد عنـك .. لا التلاقـي كفانـي
لاجلك فتحت أبواب .. وانسدت أبـواب
معنـى المـوده لـك عيـون المعانـي
وتعلم بأنـك صاحبـي زد الأصحـاب
واحد ولا فـي القلـب والـروح ثانـي
سافرت بـك والمـوج عاتـي وعبـاب
لا مـات حبـي .. لا ولا يـوم فانـي
تبقى لحروفـي دايـم حضـن وكتـاب
يا بحر موجـي .. هاجسـي والموانـي
يا كيف أخفي الجرح .. والجرح ما طاب
يا طب جرحي منك جرحـي وأعانـي
أسأل ضميرك خاطرك واحسب حسـاب
إذا صاحبك مجني ترى الحكـم جانـي



°• تقــــــــدر تــــــروح •°


تقدر تروح و تبتعد ان كان يرضي مطمعـــــــــــك

لو حب قلبي ماخمد عن حب غيري مامنعــــــك

الحب احلى من الشهد و من مثلي حب و دلعك

و لا تظن في قلبي احد يا كيف و هو نبضه معك

و سهيل نجم بلا عمد و من فوقه حبي رفعــــك

اختار دربك للابد لا تخلي ظنك يخدعــــــــــــــك

انت تدري اني عالوعد وانا ادري اني مرجعـــــك

وان رحت مالك اي مرد و محال يا شوق اتبعـــك

صعبه اذا خنت العهد وش عاد عذزك ينفعـــــــك

تخسر حبيبك للابد و مايفيد حتى مدمعـــــــــك

جرب تجافيني و تصد تلقى عيوني تودعـــــــــك

قلي يا خلي وش بعد فآخر دقيقه انا اسمعـــك