عرض للطباعة
السلام عليكم أعزائي المحترمين
أنا عمري تقريبا 27سنه ووزني 57 كيلو من سنوات يزيد قليلا أو ينقص وطولي 168 سنتيمترات
وجسمي نحيل مع إني آكل كثير وحالتي الصحية سليمه
تعقدت من جسمي ودي يكون جسمي أفضل من كذا
وقررت أدخل صالة حديد بعد العيد إنشاء الله عشان أظبط جسمي وأسمن شوي
وش نتصحوني فيه من ناحية البرنامج أو من الناحية الغذائية سواء الطبيعية أو المكملات الغذائيه أو أي شي
وأكوووون شاكر ومقدر لكم وراح تخدموني في هالشي وألف شكر لكم وجزاكم الله خير
موضوعك نفس موضوع واحد اعرفه بالضبط
اولا : عليك بالتغذية السليمة ( كل قد ماتقدر بس على فترات يعني قسم وجباتك اليوميه من 4 الى 6 وجبات )
ثانيا : الراحه النفسيه مهمه والجدية ف الامر والعزم والانتظام والـصـبر
ثالثا : الراحه الجسديه مهمه جدا رتب روتينك اليومي متى تقوم متى تنام متى تتمرن متى تاكل
خلصت من هاذيلا واستوعبت الفكره اوكيه الحين تسجل ف صاله زينه وتبدأ تمرينك الشامل طبعا اقل شي اسبوعين والافضل 3 اسابيع الى 4 اسابيع عشان يفتح العضل عندك ويستوعب صح ( راح تتعب خلال هالمده وراح يعورك جسمك بس تحمل )
بعد الشامل راح تحس بحماس ويروح عنك كل شي وبس تبا تتمرن
طبعا راح يكون لك جدول معين لتمارينك ( لاتستعجل وتشل اوزان خلك خطوه خطوه تدريجيا )
بعد الشامل كمل شهر جدول منتظم مع مراعاة النصوص اللي تكلمت عنهن فوق صدقني راح تلاحظ فرق هذا اذا جسمك يتقبل بسرعه نفس خويي اما اذا تقبل جسمك بطيئ من شهر ونص الى شهرين راح تلاحظ الفرق
ملحوظه : لاتتسرع وانت تتمرن لان التمرين يباله تركيز ف الرفع والنزول مو ترفع وتقول خلاص رفعته وتقوم تنزله بسرعه لا ترى النزول ببطيء وتركيز له فائدته أيظا بس أهم الشي التركيز
مثال تمرين بنش : شليت البار وحطيت عاليمين وعاليسار وزن 5 كيلو حاول تشل بتركيز مو اليمين اكثر واليسار اقل حاول تركز ترى الغلط في هذي راح يفرق كتلة عضلة الصدر وراح يصير اليمين اكبر
وراح تتعلم التركيز وانت ف الشامل ان شاءالله
خلصنا من هنا اوكيه نروح عالمكملات الغذائية
( يفضل انك تاخذهم بعد ماتخلص من الشامل أقل شي )
تاخذلك واي بروتين ( بودره ) + أمينو
وتنتظم عليهم
بالنسبة لنوعية البروتين انا افضل على حالتك انك تاخذ الـSuper Gainers Fuel Pro
بالنسبة لنوعية الأمينو في كثير وأفضلهم الـ Mega Amino 10000
أخوي ديزاييه الله يعطيك العافيه وماقصرت وشاكر لك كثير
بالنسبة للبروتين الـSuper Gainers Fuel Pro و الأمينو الـ Mega Amino 10000
هذولي مالهن أي ضرر على الجسم وكذلك كيف إستحدامهم من ناحية الطريقة والكميه وحتى المدة
وهل قبل التمرين أو بعد التمرين وهل أحصلهم في السعودية وشكراااا لك
ماشاء الله عليك يا ديزاييه ويعطيك العافية
واخوي بالنسبة لسؤالك راح يجاوبك اخوي ديزاييه
انا بس حبيت افيدك بموضوع الوجبات يعني انت منت بصغير السن واشوف ان وزنك نحيل مثل ما انت عارف يبيلك طال عمرك بالاضافه الى ما ذكرة اخوي ديزايية فاتح شهية لان الوجبات راح تكون بفترات قصيره يعني ما بتحس بالجوع ورغم هذا لازم تاكل شي
فانصحك بما انك من السعودية بالموسيجور فاتح شهية ممتاز راح تحس باول استخدام بانك بتنام زياده ولكن بعد اول 3 ايام راح يروح مفعول النوم الزايد
وتراني من الكويت اروح مخصوص للسعودية او اوصي اي احد من معارفي يروح هناك يشتريه من عندكم وهو ينباع بالصيدليات يعني منتج مافي منه اضرار ابد
وانتظر رد اخوي ديزاييه راح يعطيك التفصيل بالنسبة لاسألتك
موفق خير ونشوفك ان شاء الله من ابطال المنتدى
يعافيك ويطول بعمرك اخوي مشكلجي ,,
بس عاد لو جاوبت الاخ عن الكيفيه مو شرط انا رديت بالاول يعني لازم اكمل .. لابد من الكل يقول ويكمل عن الثاني ويفيد بعضنا البعض ^^
بعدين ترا مالنا غنى عن خبرتك
..
الـSuper Gainers Fuel Pro
3 مرات باليوم بعد رمضان وكل مره سكوب واحد ( ترى سكوبه كبير )
المعتاد عليه بصفه عامه .. قبل الفطور وبعد التمرين وقبل النوم
او
بين الوجبات وبعد التمرين وقبل النوم
( المنتج قوي ومركز يعني لاتاخذه بعد الوجبه مباشرة لانه ثقيل .. ريح وبعدين تناوله )
الجرعه الثانيه اللي هي بعد التمرين يفضل تخلطه بماء كي يمتصه الجسم بسرعه
اما الجرعتين الباقيات الحليب قليل الدسم او خالي من الدسم جيد جدا
الـ Mega Amino 10000
الجرعه
للأمانه ماتذكر
ماحصلت الـ Serving Size
لكن لو السيرفينج سايز كان 6
فا اعتقد 3 قبل و3 بعد
3 قبل الفطور و 3 بعد التمرين او قبل العشا
اما عن اماكن بيعه ف السعوديه ماعندي فكره نشوف هل السعوديه مثلا الاخ جديد بقراطيسه اذا بيفيدنا
اقتباس:
المشاركة الأصلية كتبت بواسطة ديزاييـه
الله يسلمك انا حبيت اتعبك شوي ;)
بالنسبة للميجا امينو 10000 ممتاز انا خلصت منه علبتين :silly: طريقه الاستخدام للجرعه الواحده 6 حبات :blackeye: وترى الحبه كبيرة شوي يعني الله يعين اذا اول مره تجربه
مرتين باليوم الى 3 مرات على حسب احتياج الجسم وما دام انك بتركب معه بروتين اذن خله مرتين افضل
بالتوفيق
الاخوان فوق فادوك بقوّة :D
بس حبيت اقولك لو تمشي على الاكل عادي لمدة 6 اشهر الاولى افضل لك بعدين خد مكملات علشان جسمك ماراح يكون محتاج لها كتير وانت لسه ما بتشيل اوزان ثقيلة او صار اكلك ما يفيدك زي الاول لان المكملات بس تكمل لك نقص بعض المواد بالطعام والاساسي هو اكلك
طبعا زي ما قالك الاخوان وتحديدا في حالتك انت الافضل اول شي بعد ما تكمل شهر تمرين لكل العضلات بالدمبلز انك تروح عند المدرب حقك بالجيم وتقوله يعطيك برنامج حلو تمشي عليه وخليه يراقبك ويعلمك كيف تسوي تمارينك بالاسبوع الاول
وبالنسبة للاكل اذا بدك ترفع وزنك بسرعة خليه غني بالكاربوهيدرات .. اقصد بالاكل الغني بالكارب مثل : البطاطا المسلوقة / الارز / الاسباغيتي واخواتها .. الخ الخ
قسمها على 5 وجبات باليوم او 6 كحد اقصى .. بس مو ضروري كل وجبة يكون فيها كاربوهيدرات كمان فيك تاخدها قبل ما تروح الجيم بنص ساعة علشان بتعطيك طاقة وبتحس حالك منفوخ وقوي :D
انا بعد كنت نحيف وقدرت ازيد وزني 21 كيلو بالاكل بس من غير مكملات ولا بطيخ وفي غضون 6 اشهر بس
اهم شي بالحديد انك تتمرن صح + تاكل صح + تنام صح :biggthump بتصير خليفة روني كولمان :biggrin2:
لا تنسى تنام 8 ساعات ليلا اقل شي واذا قدرت تخطف نص ساعة تنام فيها بالعصر يكون اكوَس هـع
موفّق ~
مشكلجي
تبا الصدق تعبت عند سالفة الامينو ماعرفت كم مره اقوله مرتين او مره قلت القليل اخير:silly:
ماقصرت عالتوضيح عزيز
فان ديزل
اشكرك عالتفاعل الطيب ويعطيك العافيه