للخبراء .. اسئله ممكن تهمك

يسعد ايامكم جميعا وكل عام وانتم بخير ومن العايدين قبل الزحمه
للخبراء والابطال ووحوش المنتدى
اعزائي عندي استفسارات بسيطه ياريت احد يفيدني

1- بالنسبه للمشي او الهروله طبعا حره ماهي على السير يفضل قبل تمرين الحديد او بعد التمرين لانه انا بامشي واهرول قبل التمرين واوصل النادي منتهي يالله بالقوه لين اجيب التكرار واكمل تمارين العضله . واحس العضله منهكه وما اقدر اشيل وزن .

2- بالنسبه للكرياتين ... هل استمر عليه على طول او انه في وقت لازم نوقف منه .

3- الجلوتامين .. انا استخدم جلوتامين كبسولات من GNC الجرام حقها 1000 اخذ حبتين قبل التمرين وحبتين بعد التمرين وحبتين قبل انام .والافضل البودره ولا الكبسول .

4- ايش افضل المكملات للتضخيم والفات فيها زيرو .

5- ايش في شيء يعطي طاقه وقت التمرين .

تكفى الي عنده معلومه ومتأكد منها يفيدني ... لاهنتو يالطيبين ,,,

تحياتي ,,,

وانت بخير وعساك من عواده ان شاءالله

..

1: قبل التمرين طبعا لكن اللي تسويه غلط حرقت كل سعراتك الحراريه على غير فايده مجرد حرقت وتعبت ووصلت لكن ما أديت شي ,, بس ماخبرتنا عن وزنك وطولك لو ضعيف وتبا تمتن او تضخم لاتهرول ولاتركض واذا العكس .. على السير احسن لانك ماراح تكون مجبور تعطي مجهود فوق طاقتك ( فقط تسخين وحرق خفيف )

2: طريقة استعماله هي تاخذه فترة وتوقف فترة لاجل سلامة الكبد والكلي هناك ابطال بتستعمله لمدة شهرين ويوقفون شهر لكن للابتعاد عن الاضراراستعمله شهر وقف شهر + شرب الماء بكثرة ومنتضمة باليوم

3: الجلوتامين البودره افضل واستعمال الجلوتامين البودره 5 جرام قبل التمرين بساعه وبعد التمرين مباشرة 5 جرام وتقدر تزيد وتاخذ الصبح قبل الفطور او بعد الفطور بساعه ( تناول الجلوتامين والبطن فاضي افضل او بعد الاكل بمده ) مافي اي اضرار اذا توصل 15 جرام خصوصا اذا كنت ناوي تنشف

4: اعتقد الـCell-Tec وفي كذا منتج ممتاز والـFat-Total = 0 لكن لايحضرني حالياً .. ان شاءالله الشباب مايقصرون

5: التغذية السليمة والمنتظمة وخصوصا الوجبة اللي قبل التمرين بساعتين + كيرياتين

6: ياجماعة الخير لاتكتفون برد واحد ( ردي ) يمكن في أجوبة أفضل مني فا التفاعل طيب

بالنسبه للوزن كااااااااااااان 115كيلو (قول ماشاءالله) والان 87كيلو (الحمدلله) والكتله العضليه عندي كبيره والحمدلله يعني شغال في برنامج ريجيم ورياضه والطول تقريبا 176سم .. وانت بتقول امشي على السير شوي انا امشي يوميا 1800متر مشي سريع / و1800متر هروله غير جهاز الكرديو . وبعدها العب حديد .

الف الف الف شكر على اجتهادك يالغالي في ايصال المعلومه كفيت ووفيت
جزاك الله خير

ديزاييـه انا في انتظار ردك بعد توضيح الوزن والطول ... وياليت لو تفيدني بالمكملات الزيرو فات حقت التضخيم وافضلها ... بأتعبك معاي .. والسل تك جيد ولا لاء ؟؟؟؟

مشكووووووووووووووووووووووور

الوزن المناسب لك من 73 -79 في حال اردت كتلة عضلية

من 69 - 73 ااذا اردت على ضعف شوي

بالنسبة لسؤال رقم 3 أيظا الجلوتامين السائل جيد واعتقد يؤخذ بالقطرات

والكرياتين مع عصير العنب يمدحونه <<

بالنسبة للمكملات اممم

عندك النترو - تيك اخف من السيل - تيك واثنينهم بهم كرياتين لكن السيل تيك بكثره في الكرياتين والجلوتامين
والسيل تيك مافيه بروتين عكس النترو تيك فيه نسبة لا باس بها 20 جرام

يعني لا السيل تيك يفيدك لانك عندك كرياتين وجلوتامين
ولا النترو تيك يفيدك لانك تحتاج كثير من البروتين

فا انا اشوف ان الواي بروتين من شركة اوتيم مناسب لك

حبيب قلبي مشكور يالحبيب

طيب الواي بروتين الفات فيه زيرو ؟؟؟؟

شيء لا يذكر بس انتظم وتمرن وريح 100%

الواي بروتين الـ Total-Fat = 1.5g

ويحتوي أيظا على 18 من مكونات الاحماض الامينيه ( الامينو )

..

أيظا عندك البرو كومبلكس لايعلى عليه لأحتوائه على كثير من المكونات علاوة على ذلك الفيتامينات فيه كثيرة ويغنيك عن الانيمال باك وأيظا يحتوي على 18 من مكونات الاحماض الامينيه( امينو )

الـTotal-Fat = 1g

..

اختار اللي يناسبك

وازيدك على سؤالك رقم 5 اذا ماعندك كرياتين فا افضل انك تاخذ انيمال بمب

فهو يعطيك طاقه وقت التمرين وأيظا يحتوي على الكرياتين فا يعني 2 في 1

اذا حاب تعرف اكثر عن الانيمال بمب في موضوع لاحد الاخوه

اي استفسار حاظرين

قواك الله أخوي ديزابيييه على المعلومات ..فعلا كفيت ووفيت...
أنا الحين ما أقدر أتكلم بعد هذا الرد.....مشكورين..تحياتي

تحياتي لك يالغالي والف الف الف شكر ... ما قصرت

العفو اخواني ,,