التوفــو من الصويا (TOFO) جاوبوني عنها

السلام عليكم ورحمة الله

انا ناوي أبتدي تنشيف ونصحوني بــ التوفو يقولو عنه بروتين وكالسيوم زي الحليب تمام لكن بدون دسم وسكر تعرف الحليب يسمن أو بلأحرى لو ماسمن ماينقص الوزن معاه عشان سكر الاكتوز لو منزوع الدسم بينما التوفو خاليه من السكر لكن الدسم مادري
سؤالي هل اتباع نظام يعتمد على البروتين + التوفو<<< للحصول على الكالسيوم
يعتـــبر مجدي وهل من الممكن ان ينقص الوزن ويبرز العضله؟؟
ملاحظه:
يوجد عندي علم مسبق بأحتواء التوفو على هرمون الأنوثه :silly:
ولكن ارجو اجابتي ان كان نظامي ينقص الوزن ام لا :bigeyes:
وشكــــــــرا:biggthump

اخي ان كان به نسبه هرمون انوثه لا انصحك بالاكثار منه ستعاني من مشاكل مستقبليه انت بغنى عنها

بالنسبة للكالسيوم انا عن نفسي استعين بالحبوب من الصيدليه لتناولها بدل تناولي للحليب والوصفه حبه واحده في اليوم فقط يعني الامر بسيط ولا يحتاج ان تتناول نوع معين من الاكل .

وموفق باذن الله

مشكلجي شاكرلك مرورك وردك الكريم

سؤالك مقسوم لسؤالين بالنسبة للكالسيوم ياخوي مايضر اذا كان حليب منزوع الدسم + البروتين اللي عندك
بدال عوار الراس توفي وموفي

اما الشق الثاني من السؤال بالنسبة لإنقاص الوزن وابراز العضله - هذي ياخوي تعتمد على التغذية ف التنشيف والتمارين المنتظمه

انت ناوي تبا جدول تنشيف بطولة ولا كيف

هلاا ومرحبا أخوي ديزاييـه
أنا ودي تنشيف أبراز العضلات للبطن والذراعين مادري اذا كان تنشيف بطوله او شي
وانا جسمي مو مرررررره عضلات ووحش لا جسم أقرب للطبيعي بس ابي اطير الشحم عشان تبان عضلات البطن اللي تعبببببت وانا اسوي تمارينها

كم طولك ووزنك؟؟

الطول 175
الوزن 84

انت بحاجة لانقاص 10 كيلو

اذا جسمك فيه عضل اساسي مختفي تحت الدهون فا اذا حرقت راح تبرز العضل ع قولتك
لكن لو مافي اساس راح تتعب شوي

اهتم بتغذيتك وحاول تقسم وجباتك من 4 الى 6 وابتعد عن الدهون والسكريات
كثف تمارينك اتعب اكثر على الاقل شهر تعب صدقني راح تنزل
ريح جسمك وونام عدل ولاتسهر

واذا جسمك من النوع اللي مجرب الرجيم المنتظم وماطاع ينزل فا اقولك سهل لاتحاتي فقط حدد يوم واحد من الاسبوع يكون اليوم المفتوح للأكل وكل اي شي بس بالمعقول
الجسم يكون تعود وقت الرجيم على وزن مثلا نزلت نزلت وبعدين وقف على وزن هناك تحتاج انك تفتح وبعدين تصكر وراح تلاحظ انه رجع يحرق من جديد

اما اذا تبا حارق دهون ف عليك بالليبو 6 واهم شي يكون عمرك فوق 18

واهتم بالمشي السريع والهروله وتمارين البطن وتمارين السويديه او الكارديو مثل السباحه ونط الحبل والمشي الحر

أخ ديزاييــه جزااااكــ الله خير وكثر الله من أمثالك
فعلا أنت من الأعضــاء المتميزين
وجزاك الله خير