أريد أن اقسم جسمي ؟

السلام عليكم

انا اعاني من عدم تناسق الجسم , فالخصر عريض والفخذين كذلك والبطن نحيف والصدر غير مشدود , وانا لا اعرف هل ادخل صالة حديد ام ان لها تمارين اخرى ؟وكم تستغرق المدة لتشكيل جسم متناسق ومقسم كمثل حالتي ؟

مع العلم ان وزني 80 وطولي 178 ولكن مع رمضان فانا اتوقع انه قد زاد بنسبة 4 كيلو ان لم يكن اكثر .

ولقد عزمت ان اشترك بصالة بعد العيد ولكن احب ان استشيركم بماذا افعل قبل ان اقع ضحية مدرب فربما كلفني بتمارين لا تحقق ما أريده؟

وان كان الحل لابد من لعب الحديد فأين اجد الصالات في مدينة الدمام وماهي اسعارها ؟

اريد مساعدتكم فانا جاهل في هذة الامور ؟

وعليكم السلام ورحمة الله وبركاته ..

انصحك تقرء المواضيع المثبته في القسم .. ومنها تدخل مواضيع ثانيه للاعضاء وتسمع نصايحهم في الامور الي لازم تسويها والي المفروض تبتعد عنها ..

ولازم تعرف ان مافي شي يجي بسهولة وماتزهق بعد شهر او شهرين .. فلو تبي نتيجة واضحة بالعيد المجردة حتى لو كانت تحت الملابس فيبيلك على الاقل 6 شهور الى سنة او قد تصل الى سنتين على حسب رغبتك ..

ولازم تحط لنفسك هدف كل فترة وتمشي على كلام المدرب وماتجهد نفسك وتستعجل علشان ما تصيدك اصابة ترجعك شهور .. وتبعد عن الابر والمنشطات والامور المشكوك فيها ترى كل شي يجي بسهولة يروح بسهولة ..

واهم شي .. الاكل والتغذية السليمة وبعدها التواصل وعدم التقطيع في التمرين .. والله يوفقك .

دام عزمت ياخوي توكل على الله وان شاءلله موفق بأذن الله

انت اول شي بتاخذه ف الصالة هو التمرين الشامل وهو عبارة عن لعبك لأغلب التمارين ولكن بوزن لايذكر ابدا وبالكثير 5 او 7 كيلو

لكن عليك بالتركيز على المشي والمشي السريع والهرولة خصوصا ان اغلب مشكلتك تتمركز ف النصف السفلي من الجسم

حاول ياخوي لايفلت عنك زمام الامور بالنسبة للوزن وسيطر عليه بالتغذية السليمه والنوم السليم

حاول تسوي رجيم ولو ان رمضان كان افضل وقت للرجيم لكن ماعليه اضغط على نفسك شوي وشد حيلك

حد ف بالك انت ف البدايه تدخل الصاله مو لجل تاخذ جسم حلو بالعكس اول شي تفكر فيه كيف انقص وزني واعود جسمي عالحديد

وبعد شهر ان شاءالله تلاحظ فرق وبعد الشهر او 3 اسابيع بتاخذ جدول عضلتين ف اليوم