عرض للطباعة
السلام
انا وزني 79 كيلو وطولي 174 العمر 35 , حبيت جدول للتمارين للحديد مفصل اذا مافيه مانع انا لاارغب بالضخامة الكبيرة لكن المعقولة ولكن جسم منسق وعضلات واتمنى تذكرون شنو الاكل اللي ابتعد عنه والمشروبات , وحتى الاكل والمشروبات اللي تاثر على المكملات , وانا عندي حاليا هالمكملات راح اذكرهم واتمنى تعطوني شنو رايكم وشنو ناقص .
No-Xplode , Amino2222 , Supercharge , Syntha Protien ,
شنو اخذ غيرهم ؟؟!!
وشاكر جدا لكم .
هلا بك عزيزي
وزنك على طولك جيد جدا خصوصا لو نقصت 4كيلو ومن ثم طلعت 5 كيلو واكثر عضل صافي
بالنسبة للتغذيه قسم وجباتك اولا الا 4 او 5 وجبآت يوميا
ابتعد عن الدهون والكلسترول والمشروبات الغازيه
ركز على الاكل اللي يحتوي على بروتينات وكارب اكثر
نروح عالمكملات الموجوده
الـ syntha جيد لكن ليس لمن هو بمثل وزنك حاليا فهو يحتوي على توتال فات 6 جرام يعني اذا استعملته بأنتظام لين مايخلص راح يزيد وزنك دهون نوعا ما
البروتين فيه 22 جرام وهذا مايكفيك كون وزنك حاليا وجاهزيته
http://www.bodybuilding.com/store/bsn/synth.html
الامينو 2222 ممتاز لك لكن حدد هل هو الكابس ولا السوفت جيل اذا السفوت جيل جيد لك لتنشيف شي قليل من الدهون الحاليه
النو اكسبولد ممتاز لتكبير الاورده وسرعة وصول المكملات للجسم عامة وسرعة ضخ الدم وايظا يحتوي على كيرياتين يعطيك طاقه وضخامه عضليه لاباأس بها
السوبر جارج باور طاقه ضخامه نسبيه كونه يحتوي على كيرياتين
نروح للترتيب
انت من وجهة نظري لازم تنزل كم كيلو بعدين تطلع مره ثانيه وزن
او
اذا جسمك مشدود وتطكح للشد اكثر مع ضخامه نسبيه فما عليك غير تبدأ بجدول جيد وبالمكملات
النو اكسبلود والسوبر جرج تقريبا نفس الوظيفه بأستثناء ان السوبر جرج اقوى من ناحيه الطاقه فا اختار واحد وخلي الثاني بعدين تضيفه مع مكمل يناسبه
لكن لين الحين انت ناقصك بروتين اكثر انت تحتاج 200 ج بروتين يوميا
بالنسبة للجدول عزيزي خبرنا انت كم صارلك بالحديد
بالنسبة للمكملات يشترط انك ماتشتكي من اي مرض او حساسيه لاسمح الله
لي رجعه
بالنسبة للحديد قبل 4 اشهر بديت على الخفيف بس حاليا اسبوع , للمكملات الحمدالله ماعندي اي حساسية
شوف اخوي بما انك توك راجع للحديد يبيلك على الاقل اسبوع الى اسبوعين تمرين شامل وبعدها ان شاء الله بنعطيك جدول منسق يناسبك ولا يهمك
اما بالنسبة للمكملات فما انصحك تاخذ اي شي في الوقت الحالي ولا تتعب نفسك وتشتري ولا تكلف على نفسك لان على الاقل يبيلك شهر حتى تبدأ عضلاتك بالنمو ويكون جسمك اخذ يشد عليك وتبدأ برفع اوزان معقوله تحتاج معها انك تستخدم مكملات
اما الان فانت في بدايتك واوزانك ما راح تكون اوزان ضخمه كبدايه وهذا شي طيعي يعني لا تتضايق عادي لان الحديد يبيله صبر
على كل حال استمر بالشامل اسبوع اخر على ما تشوف جسمك بدأ ياخذ مع الحديد وتقدر تغير اوزان وبعدين راح اعطيك انا او اخوي ديزاييه جدول مناسب لك وبعد ما تكمل شهر او انت تشوف نفسك محتاج بروتين لعضلاتك بعد ما تظهر باذن الله نعطيك منتجات مناسبه لك كمبتدأ
وبالتوفيق يا بطل
مشكور وماقصرت ويعطيك العافية
4 اشهر وقطع والحين صارلك اسبوع
مشكلجي ماقصر واعطاك الحل ومثل ماقالك ومن تخلص انت بنفسك راح تلاحظ انك تحتاج مكملات اما من اولها ماله داعي
عن المكملات اللي ذكرتها انت اذا هي ف الاساس موجود عندك لاتستعملها غير بعدين واذا مش موجوده فا انسااها وبعد ماتخلص نعطيك المفيد عزيزي
واعذرني عالتأخير ومشكلجي عوض غيابي يعطيه العافيه