موضوع نقاش الأنمي Fairy Tail

بسم الله الرحمن الرحيم

السلام عليكم و رحمة الله وبركاته

كيف حالكم ؟؟ شخباركم ؟

Fairy Tail

http://www.kefi.org/images/ftbn.jpg

القصـه/

تتكلم القصه عن بنت اسمها Lucy لوسي عمرها 17 سنه .. وحده تبي تصير متمكنه بالسحر و ودها تنظم لاي مجموعه سحره .. يوم من الايام و هي في مدينة Harujion هاروجيون قابلة شخص اسمه Natsu ناتسو .. ناتسو شخص مو عادي هو ساحر يستخدم قوى النار و قاعد يدور Igneel اجنيل التنين اللي دربه..
ينقذ ناتسو لوسي من مصيبه .. وتكتشف انه من مجموعه السحره اللي تحلم انها تنظم لها .. وهي مجموعة Fairy Tail فيـري تـيل .

...

قوانين النقاش/

1- ممنوع التطرق لاحداث المانجا .. و اللي يبي يتناقش في موضوع بقسم المانجا .. موضوع نقاش مانجا ( Fairy Tail) .. الا في حالة ذكر عدد الجابترات اللي غطتها حلقه الاسبوع ( مثل موضوع ناروتو ) و يكون بلون ابيض او داخل صندوق راجاءا .
2- اللي يبي يتكلم عن الحلقه .. لازم يكتب شي يبين انه سبويلر و يحط الرد في صندوق او يكتبه بلون ابيض .
3- ممنوع النقاش على البريفيو .. ( يعني الحلقه القادمه راح يطلع الشخص الفلاني .. الحلقه القادمه معركة كذا ضد كذا ) .. الا بلون ابيض و تحذير قبلها .
4- ممنوع ذكر اسامي الحلقات القادمة الا بلون ابيض و تحذير قبله .

...

النقـاش/

بما ان الحلقة الاولى راح تصدر الاثنين .. فراح نتكلم عن المقاطع اللي نزلت

المقطع الاول ( مدته 15 ثانيه )
http://www.youtube.com/watch?v=Md34hTCyhao&feature=related

المقطع الثاني ( مدته 1:04 دقيقه و اربع ثواني )
http://www.youtube.com/watch?v=YxsoI_21vy8&feature=related

المقطع الثالث ( مدته 1:29 دقيقه و نص تقريبا )
http://www.youtube.com/watch?v=T_eEodR_V5E

بسم الله نبدي النقاش

بالنسبه لي .. كل اللي اقدر اقوله انه المقاطع حماااس و مو قادر انطر لي الاثنين .. الرسم عندي فوق الممتاز اعطيه 10 من 10(النوع اللي احبه P: ) .. اذا اغنية البدايه هي اللي بالمقطع الثالث فهذا شي زين لانه الاغنيه مش بطاله .. صوت ناتسو عجبني بالمقطع الثالث احسه لايق عليه و حتى صوت لوسي ..واضح انه الحلقه الاولى اخذت الجابتر الاول كامل وهذي بدايه زينه اعتبرها .. للاسف ما راح اقدر اتناقش معاكم عن الحلقه الاولى و الثانية لاني راح اكون بره الديره .. اذا قدرت اشارك كان بها واذا ما قدرت احاول بعد السفره اعطي رايي على السريع عن الحلقات اللي نزلت واكمل النقاش

و السلااام عليكم

مبرووووووووووووك اول موضوع لفيرل تيل عقبال الموضوع العاشر انشاء الله
++++++

بنسبة لبروفيو هاذا نقاشي عنه

رسم نوعنماحسيت طفولي واتمنى يخففون من المشاهد :blackeye:
لاني قاري اول عشر شابترات وقفت لاني ناوي اكمل الانمي واتمنى ost
يكون بالمستوى المطلوب :biggthump

وسلام

السلام عليكم ورحمة الله وبركاته

متحمس كثير على الأنمي.

وقفت المانجا من أول خبر لصدوره. :D

أنتظر أحداث كثيره أن تحول لأنمي. وأتمنى أن يكون من الأنميات الطويله ولا ينتهي مثل RAVE.

السلام عليكم ~

قرأت القصه ..
وتبدوا جيده ..
يمكن أنزل الحلقه الأولى منه :ponder:

لكن~

اقتباس:

---

أنتظر أحداث كثيره أن تحول لأنمي. وأتمنى أن يكون من الأنميات الطويله ولا ينتهي مثل RAVE.

---

مافي أمل أتابعه :31:
إذا كان راح يكون طويل .. " أكثر من 70 حلقه "


سلام ~

^^^^

لا أجل ريح نفسك و لا تتابع شكله طقة 100 و فوق ....

احسه بكون من طقة bleach و naruto
انا اول مره اسمع فيه .. القصه ما تشد وايد بس ما ابي احكم الحين
.. و اذا من 100 حلقه وفوق ويه اي مطول ><
و الرسم شخصية البطل تشبه لوفي من ون بيس و ايضا ايجقو من بليج

عندي سؤال للمانقا ابي اعرف جم فوليوم او جابتر نازل لحد الان ... ؟؟

شباب يقولون الحلقة مب بالمستوى المطلوب

[Horriblesubs] Fairy Tail - 01 [720p].mkv
الحلقة نزلت :biggthump

السلام عليكم ورحمة الله وبركاته

takumi

نعم الأنمي من طقة bleach و naruto و one piece ولكن لا أحد يعلم هل سيكون من طول هذه الأنميات أو سينتهي في 50 حلقه مثل FMA

عدد الشابترات التي صدرت هي 154 و 155 ستصدر غداً أو بعد غد تقريباً

-----------------------------------------

توتي العين

مشكور على الوصله ما كنت أعلم بصدور الحلقة بجوده الـHD

كنت أحمل الحلقه جوده الـSD الحين وقفت وبدأت تحميل هذه الجوده. :D

وبالنسبة للذي يقولون لا نعتمد على كلامهم ونشوف بنفسنا <== تعلمت هذا من ناروتو. :D

المانجا ماله سوت ضجه كبيره ،كان عندي الفوليوم الأول بس ما قريته لانه مكتوب على الغلاف انه نفسه مال ريف ماستر -_-"

بس الحين دام انهم نزلوا انمي فبشوفه بشكل اسبوعي وياكم بس ان شاء الله ما يطلع بسخافه ريف ماستر

المهم حد يتكرم علينا بوصله دايركت ، نت الجامعه مصكرين التورنت

السلام عليكم ورحمة الله وبركاته

احمد العفو واي خدمة نحن حاضرين :)
بانسبة للحلقة

الرسم والاوست طفولي بشكل فضيع:31:
يعني الحلقة ماعجبتني في المانغا كانت احلى بوايد :boggled:
الاغنية حلوة مافيها حرق بس نهاية تلوع بلجبد الصراحة:(
بنسبة لشخصية ناتسو فهو افضل بطل مر علي :D
وبناسبة شبه بلوفي هاي كله خرابيط طلعت من المتعصبين .
انا ماشوف اي شبه غير شراهت في الاكل :28:

اقتباس:

---

المشاركة الأصلية كتبت بواسطة Pika-Chu

المهم حد يتكرم علينا بوصله دايركت ، نت الجامعه مصكرين التورنت

---

تفضل هنا

-------------------------------------------------

أريد معرفه رأي من شاهد الحلقه وليس من متابعين المانجا.

لأن من الواضح بأن من تابع المانجا وشاهد الحلقه لم تعجبه التغييرات <== وانا واحد منهم.

شباب هذي اول اربع مجلدات لفير تيل

وصلات المانجا تزعج متابع الانمي. <== أسألني متابع ناروتو. :D

يوجد موضوع خاص للمانجا. والذي يريد شيء لن يضل عنه. :)

تم الحذف الوصلات بواسطة :ahmadkb

السلام عليكم^_^

جفت الحلقة, و على الرغم من الاختلاف في الاستايل (المانجا شوي أقوى و أعنف), لكن الحلقة عجبتني. (ما اقدر أقول أني راضي100% لانه المانجا أفضل)بس حبيت الdirection اللي ماشيين فيه في صنع المانجا, مخليينها كأنها RPG بالاستايل.
حسيت بها مسلية جدا. لوسي شخصيتها بنوته بالانيمي عكس المانجا (بالمانجا بو الشباب!).
حبيت الsmoothness بالرسم و الألحان بعد عجبتني. بتابعه ان شاء الله اول بأول^_^.
استانست أول ما جفت plue-sama, و قلت بخاطري أخ لو بس لو studio deen يقررون يكملون rave.

عموما, أتوقع الأغلبية ما يعجبهم بسبب "الطفولية", بس على الحلقة الثانية أتمنى تختفي تعليقات المقارنة بين الانيمي و المانجا و سالفة طفولي و لا لأ. عجبكم جوفوه, ما عجبكم, احترموا ذوق الناس اللي قاعدة تجوف و بلا انتقادات مالها لزوم و خلو الموضوع للمعجبين فقط.

اسف بس كنت احاول افيدكم .
انا قلت شي غلط وللازم نمدح في الانمي ولازم يعجبني غصبن عني :12:
هذه يسمونها وجهة نظر صحيح تعبير طفولي كان سخيف لاكن الالحان ما كانت تصلح الا لمسلسل
بارني وانا كنت متوقع شي بحكم متابعتي للمنغا