لاعب كوره واحتاجكم ؟؟؟ الليبو6

انا طولي 172.5
وزني 74
المفروض ايصير وزني 67 طبعا المثالي
عندي منطقه البطن والارداف جدا مليانه شحوم وانا العب في دوري محترفين بس اللي نافعني اني ولله الحمد موهوب
ولكن الموهبه ماتكفي وعشان كذا ابي استفسر عن :

1 _ انا محتاج انزل الشحوم اللي اتوقع انها بحدود ال5 كيلو
2_ انا اتمرن بشكل يومي 3 ساعات منها الحديد العادي للاعب الكرة + تمارين الملعب " كوره "
3 _ الغذاء عندي جيد نوعا ما لكن المشكله اني لازم اتغذى كويس عشان اقدر اتحمل التمرين بتركيز
يعني في الكوره انت تجري 30 متر سبرنت بالكوره ولازم تتصرف فيها صح يعني مش انك تقطع المسافه وبس
.................................................. .................................................. ..........................
الاسئله
1_الليبو او اي حارق دهون مفيد لي لو استخدمه وفي كم يوم ممكن انزل ال5 كيلو
2_ وهل راح يأثر على مجهودي
3_ انا اخذ كرياتين سيلتيك هل يتعارض اني اخذهم مع بعض
4_ السيلتك الكالوري فيه كثيره في مشكله على الوزن يعني هل يزيد وزني مع اني مرتاح له
5_ انا اخذ الكرياتين بدون تحميل يعني اوقات التمارين يعني الغرض منه لمجهود التمرين مو لبناء العضلات

اخوكم وثق فيكم وانتم قد الثقه[IMG]http://d*****ab.maktoob.com/images/smile2/msn-wink.gif[/IMG]

شوف اخوي مساله انك لاعب كوره وتبي تخسس منطقه البطن بمنتج حارق دهون هذي مساله معقده تعرف ليش ؟ لان لازم عليك تلعب تمارين للبطن فحوارق الدهون تسرع عمليه الحرق وليست تنشف البطن في ليله وضحاها بدون تمرين

يعني مثال لو انك تمرن معدتك بالاسبوع 3 مرات من غير استعمال حارق دهون فانت تحتاج الى 3 اسابيع لتلاحظ الفرق اما في حوارق الدهون خلال اسبوع بتلاحظ فرق ولا اقصد بالفرق انك بتحصل على مرادك بل اقصد تجد ان هناك فقد شحوم بالمنطقه ( طبعا تحتاج تاخذ قياسات للمنطقه قبل وبعد )

بالنسبة للكرياتين فهو لايزيد الوزن بل يعطي نشاط كما تفضلت اضافه الى حبس الماء بالعضل ليعطي ضخامه للعضل وهناك دراسه تقول ان الليبو والكرياتين يتعارضون وتجد موضوع مفصل بالمنتدى عن الامر

بالنسبة للكرياتين بدون تحميل فهناك انواع نعم بدون تحميل وهناك انواع تحتاج تحميل ومساله انك تاخذ فقط عشان التمرين طيب ليش ما تاخذ مشروب طاقه وتريح نفسك ؟

وبعد في امر اخر انت تلعب حديد بجدول ولا لا ؟ اذا تلعب بجدول منظم عليك باستعمال المنتجات كما هو موضح فيها

وهل لاحظت زيادة وزنك بعد استعمال المكملات ؟ ( اقصد الكرياتين )

وبالنسبة لتغذيتك كثر من الكربوهيدرات فهي سبب الطاقه وقلل من الدهون فهي سبب زياده وزنك

موفق

شكرا على اهتمامك الله يجزاك خير
حبيبي انا كل يوم تقريبا طبعا خلال الموسم اتمرن من 100 الى 300 بطن
وبرضه مايبين لان عندي شحوم في منطقتي البطن والمقعده
بالنسبه للكرياتين مالاحظت زيادة بالوزن لكن العلبه عليها الكالوري 310
هذا السيلتك اذا اسمه كذا""وانا ماستخدمته كثير يعني العام الماضي اسبوعين مازاد وزني بس مانقص مع اني حصان الحمدلله بالتمرين""
::::::::::::::::::::::::::::::::::::::::::::::::::::::::::::::::::::::::::::
سؤالي الللي عن الليبو هل اقدر اخذه ومايأثر على قدرتي بالتمرين وكم ممكن اخس بسببه
:::::::::::::::::::::::::::::::::::::::::::::::::::::::::::::::::::::::::::
السؤال الثاني الكرياتين سمعت فيه حبوب كبسولات ايهم افضل
::::::::::::::::::::::::::::::::::::::::::::::::::::::::::::::::::::::::::::::
واذا فيه كرياتين اقل سعرات من السيلتك
::::::::::::::::::::::::::::::::::::::::::::::::::::::::::::::::::::::::::::
الحديد مانقدر نتمرن كثير لانه يسبب ثقل بالحركه احنا نحتاجه بالاعداد للموسم يعني اسبوع فقط
وخلال الدوري نتمرن في حالة مافيه مبياريات يعني الدوري متوقف

الله يرحم والديك عن النار جاوب على الاسئله كلها الله لايهينك

اهلين اخوي اذا انت لاعب كره وتلعب معده من 100 الى 300 ومعدتك لا تزال على حالتها اسمحلي اقولك ان نظامك الغذائي هو السبب ويجب عليك تحاشي كل الدهون في الطعام وتنظيم وجباتك جيدا المشكلة انك لاعب كره قدم يعني المفروض تكون اساسا جسمك لا توجد به شحوم واستغرب وجودها يمكن المشكلة وراثه ؟

على العموم راح اجاوب اسألتك

1- الليبو 6 لن يأثر على تمارينك بالعكس يعطيك طاقه لان به ماده كافيين عاليه تعطيك نشاط واضح فلا خوف من استعماله ولكن يجب استعماله حسب الارشادات وبدقه وهناك موضوع يتناول عنه بلدقه ابحث عنه بالمنتدى اما بالنسبة كم وكيف ومتى انا وضحت لك انه يسرع الحرق حطيت لك مثال فانت شوف نفسك وبتعرف التاثير لان لاعب كمال الاجسام لان جسمه عضل بكل مكان فدائما ما نتكلم عن البطن فقط والبطن تكون عاديه وليست ممتلأه لهذا كتقدير استعمال حتى تنتهي العلبه لا يقل عن 4 جرام بشرط اتمرين المستمر

2- الحبوب سمعت عنها لكن الكبسوله لا ؟ يمكن لا تفرق الكبسوله عن البودر على كل حال تركيز الحبوب دقيق اكثر ولكن فعالية ذوبانه في الجسم اقل لان الكرياتين البودر لا يذوب بالماء سريعا يعني ياخذ وقت اطول حتى تحس فيه

3- السل تج اخي ليس كرياتين صافي لهذا به هذه الكمية من السعرات الحراريه ابحث لك عن منتج كرياتين صافي ( قل للبائع اريد كرياتين صافي )

وانا فهمت من كلامك عن الدوره انك فقط تحتاجون لممارسه الحديد اسبوع !! يعني للاسف حتى اوزان عاليه ما ترفعون فقط للياقه

على كل حال موفق خير ومثل ما قلت لك انواع كثيره توجد من الكرياتين وهناك موضوع بالمنتدى ايظا عن الكرياتين وانواعه ابحث عنه وستستفيد اكثر

موفق

الله يوفقك ويرضى عليك
بالنسبه للوزن ترى هو المشكله الكبرى عند لاعبين الكوره على سبيل المثال
رونالدو _ رونالدينيو _ ادريانو
طبعا الزياده تكون 4_3 كيلو ومشكلتها ماتنزل الا بالستعداد غالبا
لان اللاعب يلعب 90 دقيقه متواصل جري ونط وسبرنتات وهذا يحتاج غذاء قوي اضافه الى دلع اللاعبين بسبب ان اللعبه لعبة ابداع يعني الواحد لازم يكون رايق
عموما ال4 كيلو تنزل باسبوعين ممكن
وطريقه استخدامي لها تفرق عن استخدام لاعب كمال الاجسام والا الطريقه وحده لكل الناس
ثقلت عليك بس والله انك شنب يالذيب
وودي ادري انت باي مدينه الله يرضى عليك

اهلا اخوي

رونالدو ورونالدينو وادريانو كلهم عندهم معسكرات تدريب قويه اقوى من العرب بكثير يمكن مصر عندها تقريبا مثل هالمعسكرات التدريبيه لكن الخليج بشكل عام لا اعتقد والسبب اما سياسي او اقتصادي ( مالي ) لهذا تجد ان بالخليج مثلا لا يمكن استيعاب وتأهيل اللاعب بكل الامكانيات اقل شي يصعبون عليه مساله ايجاد ملابس مع ان المفروض كل شي متوافر

مثل ما قلت لك اذا فقط تطمح لانزال ال 4 كيلو اكيد مع اللعب والجري والنط والسبرنت طبعا مع المعده والخواصر راح تنزل هالاربع كيلوات وناهيك على الاكل ترى الاكل اهو عله اللاعبين لو اكلك دهون ومشروبات غازية ومكثر من الخبز في الليل ابشر بالكرش لكن لو تقلل من الخبز ( الكربوهيدرات بشكل عام ) في الليل وتمتنع عن الدهون بالاضافه الى استعمالك لليبو6 راح تحصل نتائج مرضيه وسريعه بالتاكيد واذا مشيت على كلامي 100% من ناحية اللعب والامتناع وتضبيط الوجبات راح تشوف بالفعل خلال اسبوعين نزلت هالاربع كيلو باذن الله انت بس توكل على الله وشد الحيل وان شاء الله خير

بالنسبة للاعبين كمال الاجسام واستخدامهم لليبو فهو في فتره التنشيف فقط يعني في ناس تلعب تضخيم وفي ناس تلعب تنشيف فاللي يستخدم الليبو 6 يحتاجه في فتره تنشيف جسمه من الدهون لابراز العضلات ويحتاج الى وقت يعني لا يقل عن شهرين حتى يصل مستوى الدهون في جسمه الى 10% لان حلم كل ممارس لرياضه كمال الاجسام الحصول على جسم منسق مفتول العضلات وبالطبع هناك اختلاف بين لعب الكره وبين رياضه كمال الاجسام ولكن لا يوجد ختلاف بين لعب الكره وبين رياضه كره القدم الامريكية ( اللي فيها مشاحنات وتداخل وجري سريع في فتره قصيره ) لان اللاعبين في رياضه كره القدم الامريكية تحصلهم مفتولين العضلات لان هلارياضه تتطلب هالامر بعكس رياضه كره القدم العالمية تعتمد على قوة الارجل وعضلات الارجل بنسبه 80% عن باقي عضلات الجسم

وانا من الكويت طال عمرك وحياك الله باي وقت :)

هلا والله باهل الكويت
انا من السعوديه القصيم اذا تبي تمر والا كليجا
على العموم مشكور على اهتمامك رحت اليوم لgncوقالي عندي Lكرناتين
وشرايك ايهم افضل الليبو والا الكرناتين كمنشف
انا اسالك لاني مالقيت اللييبو
::::::::::::::::::::::::::::::::::::::::::::::::::::::::::::::
واذا تعرف الافدرين هل هو منشف يعني مثل اليبو
والا ماده تستخدم بالمنشفات انا عندي الحين 100 حبه ماستخدمتها لان خويي يقول اسمها افدرين
::::::::::::::::::::::::::::::::::::::::::::::::::::::::::::::::::
واذا تدري من وين اجيب الليبو6
::::::::::::::::::::::::::::::::::::::::::::::::::::::::::::::::::::::
ترى جاد اذا تبي كليجا وتمر ارسل رقمك على الخاص وارسلك على الدي اتش ال

هلا اخوي ومشكور على دعوتك والكليجا :)

بالنسبة لل ال كرانتين فهو لا ينافس الليبو 6 لان ال ال كرانتين تحصل منه نسبه في بعض حوارق الدهون او المكملات التي يدخل بها نسب ال كرانتين للتنشيف

والافدرين ما اقدر افيدك فيه لان في ناس تقول يطلع منه مشاكل وايظا في بعض المكملات ما تقدر تستخدم معاها الافدرين ولا تسألني ليش لاني والله ما جربت منشفات سابقا غير الهاديروكسي كت المشابه لليبو 6

وبالنسبة للليبو انا شفت موضوع في المنتدى لاحد يبيع بالرياض تقدر تساله اذا يوصل القصيم

واشكرك مره ثانية وبالتوفيق يا بطل

مرااحب
أنا من القصيم وأشتري من واحد في الرياض يبع منتجات وحوارق ووو

إذا تبي رقمه أو شي أنا بالخدمة

على فكرة أنا يمكن أعرفك؟ لإني أتمرن الصباح بصالة الحديد اللي بوسط بريدة مع لاعبين بدوري المحترفين!

اهم شي ركز على اكلك

واذا فعلا تبغي تخف من الكرشة قلل من النشويات ;)

اقتباس:

---

المشاركة الأصلية كتبت بواسطة Sufian Ahmed

مرااحب

أنا من القصيم وأشتري من واحد في الرياض يبع منتجات وحوارق ووو

إذا تبي رقمه أو شي أنا بالخدمة

على فكرة أنا يمكن أعرفك؟ لإني أتمرن الصباح بصالة الحديد اللي بوسط بريدة مع لاعبين بدوري المحترفين!

---

الله يرضى عليك ارسي تكفى رقمه ؟؟؟؟؟بنفس الموضوع

http://www.montada.com/showpost.php?...17&postcount=3