النوادي الرياضية بكل صراحة للـ نبيل العوضي ؟؟

السلام عليكم

شباب من شاف برنامج نبيل العوضي الي يتكلم عن موضوع النوادي الرياضية في الكويت

برنامج حلو صراحة والشيخ ولا احلى منة بس صراحة انقهرت يوم تابعتة ظلم المكملات وحطها

بمحل المنشطات والهرمونات وكم واحد اتصل يبين لة وعلى طول ولا يعطية اي وجة

الشيخ رايتة بيضاء حب صراحة يوضح للخلق ان اللعبة حلوة وهي طبيعية بس لا تاخذون بس كذا

خل الناس جاهلة في امور المكملات ولما يجي واحد يبغى يلعب حديد وتوة مبتدا ويعرف ان المكملات

والمنشطات كلها مضرة يقول دام كلها في الهواء سوا خلني اطب في المنشطات وهذا الي وضحة هو

ببرنامجة الي قهرني واحد اعرف شخصيا حب يخش نادي وجاء يسئلني وقالي النادي الي انت فية

ممتاز ولا لا قلت والله حلو صراحة قال تستخدم بروتينات قلت اية وطب في وجهي حرام عليك

وما ادري ايش انت تضر نفسك وانت منتفخ على غير سنع صراحة يا شباب بغيت اطقة من القهر

ومن كثر ما تكلمت عن الموضوع صار الواحد اذا جاني وقال تاخذ مكملات قلت ابدا بس اكل واتمرن .

على العموم هذا برنامج الشيخ نبيل وهو على اليوتيوب طبعا حلقة وحدة على خمس اجزاء وكنت صراحة اعرف ان اقوى دول الخليج في لعبة كمال الاجسام هي الكويت طبعا بس ما توقعت ان الهرمونات منتشرة للهدرجة او ان الشيخ اخذ عنصر المبالغة للترهيب الناس .

بسم الله

1
http://www.youtube.com/watch?v=w-fD58dD2hk


2

http://www.youtube.com/watch?v=74Ppi...eature=related

3

http://www.youtube.com/watch?v=1RPqj...eature=related

4

http://www.youtube.com/watch?v=jZg6i...eature=related


5


http://www.youtube.com/watch?v=Ps8em...eature=related

والله شفت هالحلقة و فعلاً الشيخ ظلم المكملات الغذائية و لكن نعذره لعل غير ملم في مفاهيم المكملات و رياضة كمال الأجسام و كثير من الناس الى الآن تجهل حقيقة المكملات الغذائية و يصنفونها مع الهرمونات هو الجهل يا بوراشد لاتحزن

تقبل مروري :)

كلامك صحيح بس على الاقل يجيب واحد يجلس معة مدرب اي شي ويوضح على الاقل ؟!!
ويخلي للي مبتدى في الحديد عندة طموح شوي مو يسكر بوجة كل شي ويطلع ويقول كل حقين العضلات المنتفخين كلهم ولا شي بس شكل خارجي وفي الليلة الحمراء ما عندة الا الخرطي بس تفخ على الفاضي يعني الي توة مبتدى وشاف البرنامج بيفهم الشغلة كذا ؟؟!

انا من المغرب . اتبع الشيخ العلامة الكبر نبيل العوضي طبعا من زمان
بالنسبة للي قلته عن جهل الناس بالمكملات و الله معاك 100 حق
انا نفسي كنت اضن انها تدخل في مجال المنشطات لكن عندما قرأت عليها جيدا في الانترنت اكتشفت حقيقتها و انها اهم مقومات الي يبي يصبح لاعب كمال اجسام
الناس لا يفهمون ان المكملات تساعدك على تعويض ما قد ينقصك من فيتامينات و بروتينات و كالسيوم و حديد و ....
حتى مع التغدية السليمة من الصعب ايفاء جسم لاعب كمال الاجسام حقه من دون بروتينات

اقتباس:

---

المشاركة الأصلية كتبت بواسطة الرســـــمي

كلامك صحيح بس على الاقل يجيب واحد يجلس معة مدرب اي شي ويوضح على الاقل ؟!!
ويخلي للي مبتدى في الحديد عندة طموح شوي مو يسكر بوجة كل شي ويطلع ويقول كل حقين العضلات المنتفخين كلهم ولا شي بس شكل خارجي وفي الليلة الحمراء ما عندة الا الخرطي بس تفخ على الفاضي يعني الي توة مبتدى وشاف البرنامج بيفهم الشغلة كذا ؟؟!

---

بو راشد بهالزمن اي معلومة بضغطة زر في google أو ويكيبديا حتى youtube بيحصل الشخص شرح اي معلومة الحمدلله المعلومات متوافرة للشخص
مع هذا ألتمس العذر للشيخ نبيل العوضي
تقبل مروري :)

والله مشكلة كثيررر من الناس تظلمنا وتحسب إننا نستخدم مخدرات مو مكملات وهي بالعكس خير وعون لنا بالرياضة

وتحصل كثيرر من اللي ماعندهم ثقافة فيها يشرب ببسي وغيره وهو مليون بالمية أضر من المكمل الببسي أو المشروب الغازي لو كان بعزمه المكملات مضره

مشكور ابو راشد

وعليكم السلام ورحمة الله وبركاته ..

انا عندي حتى بالبيت الناس تلاحقني ولما يشوفوني داخل وبيدي مكملات بودره تنفتح عيونهم كأني مدخل مخدرات والعياذ بالله ههههه .. ولو شافوني ماسك حبوب امينو والا كرياتين والا ملتي فيتمنز هنا اروح فيها عبالهم اتعاطى خلاص P: ..

وعندي اخوي كان دايم يعلق على المكملات الي عندي .. واللحين صارله سنة يلعب حديد وماشاء الله ياخذ اكثر من الي انا كنت اخذه >_> ..

المشكلة الناس تتكلم عن خوف لمجرد الخوف ، واكيد نعذر الشيخ جزاه الله الف خير هو قصده طيب ان شاء الله ..

شكراً على الوصلة ، بشوفها اليوم لاني اللحين بالدوام P: .

يعطيك العافية على الموضوع والشيخ ما شاء الله ما خلا شي ما تكلم عنه في برنامجه لكن للاسف يفتقر الى الدقه في موضوع كمال الاجسام

ناهيك على انه عمم على كل النوادي التي تقدم عروض سنوية 60 دينار او 120 دينار بالسنه الواحده

على كل اللي يعرف لعبة الحديد ما يحتاج يشوف برامج لانها رياضه مكمله لباقي الرياضات يعني اللي يلعب سله كره قدم او ملاكمه يعتبر الحديد اساسي في حياته

وبالتوفيق

يعطيكم العافية يا شباب وبالنسبة للمكملات اذا جبتها في البيت اول كانو اخواني يقلون وش ذا وما ادري ايش الحين من كثر ما اجيب اشياء غريبة لو اجيب كيس سمنت واحطة بغرفتي ما فية اي مشاكل اشياء غريبة في بيتنا الله لا يوريكم