انسى مواقع رفع الصور للأبد

أحمدك يارب ..أخيرا سأستريح من عناء البحث عن مواقع لرفع الصور

هل تعانى من البحث عن مواقع رفع الصور لتحميل دروسك وشروحاتك؟؟
النهارده أنا جايبلكم الحل الأمثل لهذه المشكلة الى الأبد

على فكرة الطريقة مجربة و أعمل بها حاليا

قول باسم الله وتعالى نبدأ
صلى على حبيبك محمد صلى الله عليه وعلى آله وصحبه وسلم

أول حاجة لو بتتصفح الموضوع بالمتصفح الأكثر والأقوى غباءاً فى العالم ألا وهو الانترنت إكسبلورر فأنصحك تغيره وتجرب الفايرفوكس أو الأوبيرا أو أى متصفح تانى غيره عشان تتصفح أسرع وبحرفية
نخش فى الموضوع
من المواقع الهامه لرفع الصور موقع


http://imageshack.us/

يمكنك رفع الصور من خلال الموقع نفسه وده عادى مفهوش جديد لكن الجديد معانا النهارده هو إنك بدلا من الذهاب للموقع يمكنك تثبيت نافذه منه على سطح المكتب عبارة عن برنامج يعطيك نافذة تقدر ترفع من خلالها أى عدد من الصور وكمان ملفات الفلاش والفيديو
وتقدر ترفع بالبرنامج سواء سجلت من خلال الموقع أو لا بس لاحظ الغير مسجلين يقدروا يرفعوا صور بس لكن الفلاش والفيديو لازم تسجل فى الموقع وخطوات التسجيل سهلة جدا ومشروحة بالصور المملة
تابع انت معايا بس الصور ولو فيه شئ غامض تأكد تماما
واعلم علم اليقين
وبلا شك أو أدنى ريبة
إن العيب مش فى الشرح

ومتحرجنيش وتسألنى امال العيب فين؟؟؟؟!!!!!
الأول حمل البرنامج من هنا
تحميـــــــــــــــــــــل

خطوة خطوة طريقة تنصيب البرنامج
تابع بس الصور ومش محتاجة شرح والعملية كلها نكست فى نكست لحد الاخر فينيش

http://img44.imageshack.us/img44/890/img1vm.png
وبعدين

http://img194.imageshack.us/img194/8655/img2g.png

وبعدين

http://img32.imageshack.us/img32/9610/img3cr.png

وبعدين

http://img200.imageshack.us/img200/6917/img4x.png

وبعدين

http://img200.imageshack.us/img200/7039/img5s.png

مبروك عليك البرنامج يا سيدى وأى خدمة

نخش ع المفيد
لو عاوز يبقى ليك حساب وتقدر تشوف صورك اللى رفعتها فى اى وقت وتاخد روابطها تانى وتالت وهكذا وكمان ترفع ملفات فلاش وفيديو وتعمل ألبومات تشاركها مع أصحابك
والمميز كماااااااان إنك تقدر تبعت الصور لمدونتك مباشرة من الموقع وهنشرح ازاى بالصور المملة

إن كنت قررت تسجل فى الموقع تابع خطوات التسجيل فى الصور الجاية ولو مش عايز تسجل وعايز تستعمل البرنامج لرفع الصور بس تخطى مرحلة التسجيل فى الموقع

التسجيل فى الموقع

الاول اضغط على Sign Up عشان تدخل على صفحة التسجيل
زى ما فى الصورة

http://img23.imageshack.us/img23/1060/img20.png

وبعدين دخل بياناتك كده

http://img194.imageshack.us/img194/9094/img11.png

وبعدين

http://img24.imageshack.us/img24/329/img12c.png

مبروك تم التسجيل وتم إرسال رسالة إلى بريدك الإلكترونى فيها اسم الدخول اللى انت اخترته وكلمة المرور بيختارها الموقع وغالبا بتكون صعبة الحفظ لذلك أول حاجة نعملها نغير كلمة المرور بحاجة محفوظة لينا

ازاى نغيرها؟
تابع الصور

هتدخل على ايميلك وتفتح رسالة الموقع هتلاقى فيها اسم اليوزر والباس ووصلة لو ضغطت عليها هتدخل الموقع علطول بدون ما يسألك عن اليوزر والباسورد هتلاقى نفسك فى حسابك فى الموقع

http://img132.imageshack.us/img132/8701/img13.png

اضغط وادخل علطول ع الصورة اللى بعدها

http://img190.imageshack.us/img190/876/img14.png

وبعدين

http://img32.imageshack.us/img32/8162/img15.png

ولاحظ الاختيارين اللى بيشاور عليهم السهم هتلاقيهم كده ده معناه إن صورك وملفاتك هتبقى متاحة للجميع لو عاوز تكون خاصة بيك لوحدك انقل الاختيار على اللى تحت يعنى تبقى برايفت

http://img190.imageshack.us/img190/4900/img16.png

خلاص سجلنا فى الموقع وغيرنا الباسورد
ندخل ع المفيد التانى
افتح البرنامج هتظهرلك النافذة دى

http://img194.imageshack.us/img194/4633/img6v.png

اضغط على إضافة عشان يظهرلك كده

http://img32.imageshack.us/img32/9162/img7f.png

حدد الصور اللى عاوز ترفعها وبعدين دوس Open

وبعدين هتلاقيهم راحو ع البرنامج بالشكل ده

http://img25.imageshack.us/img25/2750/img8b.png

أضغط على Upload

http://img200.imageshack.us/img200/2172/img9.png

وانتظر حتى يتم التحميل والبرنامج صاروخ ترفع ما يقرب من 20 صورة مثلا فى أقل من دقيقة وحسب سرعة النت عندك
وبعد اكتمال التحميل تظهرلك النافذة التالية

http://img200.imageshack.us/img200/6128/img10.png

وتقدر تقلب الصور يمين وشمال

ودى صورك اللى رفعتها بالبرنامج كلها أو من خلال الموقع ده فى حالة انك سجلت فى الموقع

http://img59.imageshack.us/img59/858/img17.png

أنا عملت الشرح ده بالبرنامج ده وأعتقد لولا وجود البرنامج ده كان هيبقى الموضوع مرهق ومتعب وكان ممكن أكسل أعمله لكن أنا عملت صور الشرح كلها ورتبتها وخزنتها باسماء مرتبة img1 , img2 , img3 وهكذا وبعدين فتحت البرنامج ورفعتهم كلهم دفعة واحدة وبعدين جيت المنتدى هنا وبدأت أكتب الموضوع وحسب كل نقطة اروح اجيب رابط الصورة اللى عليها الدور وقدامى معاينة ليها وروابطها كلها فده سهل كتير العملية لكن لو كنت برفع على موقع كنت هضطر ارفع صورة صورة واجى احطها وارجع الموقع واعمل براوز وارفع الصورة اللى بعدها واجى هنا تانى ياااااااااه ملل

وكمان الميزة ان صورى كلها موجودة اقدر استخدمها فى أى وقت أحبه يعنى ممكن اعمل الشرح وارفع الصور النهارده واكتب الموضوع فى المنتدى فى أى وقت بعكس انى لما بكون برفع على موقع رفع صور يبقى لازم اخد الرابط فى لحظتها .

النقطة الاجمل بقى
إنك تقدر تبعت صورك لمدونتك مباشرة من الموقع

على يمين الصور هتلاقى قائمة فيها مهام كتير جدا من بينها اللى احنا عايزينها
دى

http://img190.imageshack.us/img190/9918/img21.png

اضغط عليها زى الباشا
لا
وليه زى
انت باشا فعلا
اضغط يا باشا وميهمكش

هيعرضلك قائمة بكل أنواع المدونات اللى نعرفها واللى منعرفهاش

http://img25.imageshack.us/img25/7910/img18m.png

اختار مدونتك من بين أنواع المدونات الموجودة

هيطلعلك الأتى

http://img28.imageshack.us/img28/1227/img19l.png

املا البيانات واضغط على Post
صعبة دى ؟ أشرحها؟

أظن مش محتاجة

وبكده نكون خلصنا موضوعنا وشرحنا.
الشرح مش منقول والحمد لله وتعبت فيه جدا وأخد منى وقت طويل فى تجهيزه وكتابته فى المنتدى وتنسيقه وتحضير الصور والكتابة عليها فأرجو عند نقله ( إن عجبكم يعنى وحبيتوا تنقلوه ) أرجو أرجو أرجو ذكر المصدر ودى أمانة بالرغم من التوقيع اللى على الصور

وكالعادة طبعا ده ملف فيه كل صور الشرح عشان إذا أى حد صادف مشاكل فى ظهور الصور أو حب يحتفظ بنسخة من الصور على جهازه للرجوع ليها فى أى وقت حتى فى عدم وجود الانترنت
اتفضل يا باشا حمل
تحميــــــــــــــــــــــــــــــــل


وأى استفسار ( بعد الصور المملة دى ) أنا جاهز
أسأل الله أن يجعل جميع أعمالنا خالصة لوجهه تعالى وأن يتقبلها منا
تقبلوا تحياتى
أرجو التثبيت