بغيت توضيح، و ما الفرق بين البروتين و المكمل الغذائي؟
سلام عليكم
شباب انا الحمدلله صار لي فتره ملتزم احاول ازيد وزني.. طولي ١٧٤ و وزني ٥٤
هدفي يصير وزني ٧٠ مع جسم فرنسي مقسم
بس بصراحه ضايع في كم شغله ابي توضيح الله يجزاكم خير عشان امشي على طريق سييده لين ما اوصل هدفي ما اقعد اخربط
اشوف شباب يلعبون اب هدف التضخيم "تكرار اقل وزن اكثر" و شباب زياده العضل ما الفرق ؟
انا بصراحه باليوم اتمرن عضلتين و كل عضله ٥-٤ تمارين مع ٣ جلسات
انا حاليا صارلي شهر ونص ف ودي ابدا بالمكملات لانه سالفه ال٦ وجبات تعبتني لازم مكمل عشان اختصر الوجبات
ما الفرق بين البروتين و المكمل الغذائي و ما افضل بنسبه لي؟
يعني ينفع اخذ whey protein يزودني بروتين مع التمرين حتى اوصل هدفي
او اخذ مكمل غذائي يزيد وزني و الجسم يتقسم بتمرين ؟
انا كنت اخذ Mega mass 4000 لكن بصراحه تجيني لوعه منه مدري وش السبب هل في بديل ؟ و السعر مو مهم و انا اشتري من GNC
ياريت حد يفهمني وش البروتين و المكمل الغذائي عشان اعرف شو اخذ فيهم ^^
رد: بغيت توضيح، و ما الفرق بين البروتين و المكمل الغذائي؟
اشوف شباب يلعبون اب هدف التضخيم "تكرار اقل وزن اكثر" و شباب زياده العضل ما الفرق ؟
وضح لاني لم افهم ؟ التضخيم هو زيادة نسبه الكربوهيدرات بالغذاء وبالتالي ضخامه عضلية مع نسبه دهون تتبعها تنشيف الدهون لاظهار العضلات فقط فما المقصود بكلامك عن الفرق ؟
ما الفرق بين البروتين و المكمل الغذائي و ما افضل بنسبه لي؟
يعني ينفع اخذ whey protein يزودني بروتين مع التمرين حتى اوصل هدفي
او اخذ مكمل غذائي يزيد وزني و الجسم يتقسم بتمرين ؟
انا كنت اخذ Mega mass 4000 لكن بصراحه تجيني لوعه منه مدري وش السبب هل في بديل ؟ و السعر مو مهم و انا اشتري من GNC
ياريت حد يفهمني وش البروتين و المكمل الغذائي عشان اعرف شو اخذ فيهم ^^
اخوي كلمة مكمل غذائي تشمل كل الانواع ( منتج بروتين او منتج كربوهيدرات او منتج كرياتين او منتج امينو او ملتي فيتامين ) كلها يسمونها مكمل غذائي وانصحك بالمصل جوس البعض جربه وتكلم عنه كثيرا او البروكمبلكس غينر فطعمه افضل ومناسب ابحث عنهم واخبرني ان وجدتهم
رد: بغيت توضيح، و ما الفرق بين البروتين و المكمل الغذائي؟
هلا فييك ياخوي الغالي
أنت جسمك ضعيف وتحتاج الي 16 كيلو الي 20 كيلو
سالفه البروتينات هي طبعا تزيد الوزن بس تعتمد علييك بالتغديه والتمرين الصحيح
أنت اذا ماتقدر تاكل 6 وجبات باليوم اشتر لك فاتح الشهيه انت يبي لك زياده الوجبات علشان تزيد 20 كيلو باسرع وقت
بالنسبه للمكملات
الواي بروتيين لايأهل لزياده الوزن لان نسبه الفات فيه قليله
بالنسبه للميجا ماس 4000 فهو ممتاز جدا للضخامه
أنا بعطيك طريقه بسيطه تشرب البروتين
أستخدم الخلاط وحط ملعقه بروتين بالخلاط وملعقه حليب واذا احتجت سكر حط نسبه قليله وصب عليه ماء حار
وخله يخلط لمده دقيقه او اقل
وبعدين اشربه بتشوف كيف طعمه حلو
طبعا فيه بروتينات ثانيه للضخامه
مثل البيغ ماس
سريوي ماس
ماشل جوس
في انواع كثيره بس انت خلص البروتين حقك واشرب منه 3 اكواب باليوم وبتشوف النتائج باقرب وقت
رد: بغيت توضيح، و ما الفرق بين البروتين و المكمل الغذائي؟
اولا . لبروتين هو نوع من انواع المكملات , هنلك ايضا كريياتين و غلوتامين و احماض امينية و ....
حسب ما رأيت و الي يضخم اكثر هو الدب الروسي russian bear . فيه نسبة كاربوهيدرات و فات عالية
لكن النيغا ماس 4000 جيد ايضا حتى ان اسمه
wheit gainer
رد: بغيت توضيح، و ما الفرق بين البروتين و المكمل الغذائي؟
السالفة وضحت لك عن الفرق بين المكمل والبروتين
والمكملات الرئيسية مثل الوي بروتين والسيرياس ماس والمصل جوس والميقا ماس وغيرها الي فيها بروتين وكربو هيدرات ودهون يطلقون عليها بروتين من باب الاسم يعني
انت محتاج وزن فابعد عن الوي بروتين وخل خياراتك تكون على المكملات الي فيها دهون مثل السيرياس ماس والميقا ماس 4000 والمصل جوس البرو كاملكس
سالفة تكرار اقل وزن اكثر هذا للتضخيم العضلة للشد واصحاب الدهون تكون التكرارات اكثر ووزن اقل
تقولي ليش اقولك يا طويل العمر انت تقدر مثلا تشيل 60 باوند ثمان مرات بس ما تقدر تشيلها 15 مرة
فعلشان كذا اصحاب الشد ياخذون 30 باوند لكن مو ثمانية تكرارات لا يزود التكرار ويصب 15 الى عشرين وعلى اربع جلسات او 5 جلسات على حسب العضلة بالتوفيق
رد: بغيت توضيح، و ما الفرق بين البروتين و المكمل الغذائي؟
مشكورين يا شباب ما قصرتوا والله فهمت الحين عن البروتينات
ان شاءالله راح اجرب الMuscle juice او المصل جوس بالعربي
بس آخر استفسار
هل الي انا اسويه صح؟ انا وزني ٥٤ مثل ما قلت و حاب ازيده لل٧٠
انا امرن كل عضله ٤ او ٥ تمارين مع ٣ جلسات ١٢-١٠-٨ لكل تمرين
هل هذا يكفيني اني اخذ ٦ وجبات ٣ منها بروتين خل نقول ال"muscle juice" الصبح و بعد التمرين و قبل النوم او اخذه في اوقات اخرى ؟
انا تفكيري ان الوجبات و البروتين تزيدني وزن و التمرين هو الي يقسم جسمي صح ؟
و مشكورين مره ثانيه
رد: بغيت توضيح، و ما الفرق بين البروتين و المكمل الغذائي؟
لا حبيبي اهم وقتين علشان تزيد وزن عضل ودهون لك
قبل التمرين بـ ساعة وبعدة مباشرة وخذ الصباح
وتفكيرك فية غلط تقولي ليش
الوجبات والبروتين مو لزيادة الوزن بس لا لزيادة العضل تحتاج اكل علشات تزود العضل وطبعا عن التدريب تصقلها
