استفساري الاول هذا الوزن مناسب مع الطول

السلام عليكم
كل عام وانتم بخير
انا وزني 66 وطولي 169تقريبا
استفساري الاول هذا الوزن مناسب مع الطول
وياليت تعلموني افضل التمارين لشد الصدر واسفل البطن

وشكرا

اتمنى احد يرد لو سمحتوا

بالنسبة لوزنك مع طولك انت تشوف في دهون زائده في اماكن معينه ام لا ؟ المفروض تاخذ قياسات لتعرف الامر

وهل تملك عضلات ام لا ؟ اذا لم تكن تملك عضلات فانت وزنك زائد 3 كيلو بالاضافه الى كمية الدهون التي لا نعلمها

بالنسبة لتمارين الصدر وتمارين المعده تجد في قسم المواضيع المميزه هذه التمارين مع الصور

ملاحظة :- تم تعديل عنوان الموضوع برجاء مراجعه قوانين المنتدى لاهمية


بالتوفيق

الوزن اللي قلته يعتمد هل هو وزن دهون ولا عضلات والنسبة بيناتهم

ان شاء الله باخذ قياس لنسبه الدهون عندي استفسار ثاني في التمارين مكتوب 4_6 جلسات حاب اعرف وش معناتها

هلا اخوي بالنسبة للجلسه فهي عدد مرات رفع الوزن لنفس التمرين وكل جلسه لها عدد من التكرار

وضحت الصورة ؟

يعطيك الف عافيه والله يكثر من امثالك

الشباب ماقصروا معك

لكن بقولك شي

تناسب الطول مع الوزن يختلف من شخص الى شخص
وتحديدا بقياس الكتلة العظمية للشخص

يعني ببساطة بما انك رجل فأشوف ان وزنك قليل بالنسبه لطولك
بس هل عظمك عريض او لا هنا السؤال

العظم عريض وعندي استفسار ادري اني كثرت بس ابي ستفيد منكم التمارين 4 الى 6 جلسات في اليوم اسويها ولا في الاسبوع ومعليش على كثرتها بس زي ما قلت حبيت استفيد

عظمك عريض معناه انك يبيلك زيادة وزنك عضل
بس من قايل لك اربع الى ست جلسات
احس انها كثيره

لالا هذي تمارين مخصصه من 4 الى 6 جلسات بس عندي سؤال زي هالتمارين يعني اربع جلسات مثلا يعني اربع مرات في الاسبوع ولا في اليوم

ياليت لو تعلمني بعض التمارين اللي تفيدني واكون لك من الشاكرين

اخوي لا تشربك بالاساله وتشربكنا معك !!

جدولك لو يوم السبت تلعب اكتاف العب 4 تمارين خاصه بالاكتاف وك تمرين فيه 4 جلسات وكل جلسه التكرار من 8 الى 10 مثلا

كم مره بالاسبوع هذه تختلف على حسب جدولك

واربع جلسات كل جلسه يوم ماتصير يا اخي بالعقل حتى لو تجرب الامر ماينفع كيف بتلعب عضله اكتاف امامي اليوم وبكره عضله خلفي وبعده جانبي ... الخ

وين ايام الراحه ؟

وبخصوص التمارين والجداول تحصل كل هالامور في قسم المواضيع المميزة

بالتوفيق

اخوي راجع المواضيع في توقيعي علشان تعرف وش التكرار ووش الجلسات وتعرف صور التمارين كلها في توقيعي