عرض للطباعة
السلام عليكم
اخواني انا صارلي اتمرن شهر كامل وطول هذا الشهر كنت آخذ امينو 10000 وهذه صوره المنتج :
http://ecx.images-amazon.com/images/...nL._SS500_.jpg
طريقه الاستخدام هي حبتين قبل التمرين وحبه بعد التمرين ، هل هذا صحيح ؟؟
وهل الامينو يساعد على بناء العضلات بسرعه ؟؟
وانا لا استخد غير الامينو 10000 هل هذا عادي واستطيع بناء عضلتي ؟
اتمنى منكم تفيدوني وآسف على الإزعاج ..
بالنسبة للسؤال الاول : الجرعة مكتوبة خلف المنتج
بالنسبة للسؤال الثاني: اكيد فهذا المكمل معروف بقوته
بالنسبة للسؤال الثالث : هو تمام بس انت لو تبغى نتائج افضل فانصحك تستخدم معاه الواي بروتين او الميغا ماس و نشوف باقي الردود من الكباتن الحلوين فهم اخبر مني في هذه الامور
و بالتوفيق :biggrin2:
هلا اخوي طريقه استخدامك خطأ
الاستخدام :- من 3 الى 6 حبات ما بين الوجبات يعني 3 بين الفطور والغدا و3 بين الغدا والعشا و3 بعد العشا او براحتك تخليهم 6 ب 6 ب 6 لكن 3 حبات باليوم فقط ما تسوي شي ولا بتستفيد نص الاستفاده
والسؤال الثاني مثل ما جاوبك الاخ نعم فالاحماض الامينية تغذي العضل تقدر ترجع لموضوع الامينو في قسم المواضيع المميزة وبتعرف كل نوع وفائدته في افادة عضلات الجسم
بالنسبة لاستخدام الامينو فقط فهذا ايظا لا انصح به لانك تحتاج الى امور منها كرياتين يعطيك باور وضخامه عضليه وجلوتامين لما بعد التمرين ليحافظ على المكسب العضلي من الانهيار وايظا ملتي فيتامينات لسد احتياجك اليومي من الفيتامينات وبروتين ولكن يختلف النوع على حسب انت شنو تحتاج لان في حال الضخامه تحتاج بروتين عالي الكربوهيدرات والدهون واذا تنشيف تاخذ لك منتج بروتين قليل الكربوهيدرات منعدم الدهون
والامينو اللي عندك هو للضخامه للعلم فقط يعني اللي يبحث عن ضخامه يستخدمه واللي يبي تنشيف ياخذ نوع ثاني
موفق
الله يعطيكم العافيه اخواني على الرد
ولكن اخواني هل استطيع فقط استخدام امينو 10000 لحصول على جسم منسق وجميل ولا يشترط الضخامه ؟؟
يعني انا مابي يكون جسمي ضخم ، انا اريد فقط يكون متناسق وجميل وطبعا معضل شوي :)
هل ينفع ؟
اذا تقيدت بالجرعه و اكلت مزبوط و نمت 8 ساعات يويما راح تشوف جسمك متغير للاحسن
و بالتوفيق
اخوي كل شي تقدر تسويه بالتغذيه السليمة
والمكملات ماهي الا نواقص واحتياجات الجسم
لو تقدر توفر باكلك الكميات الي يحتاجها جسمك خلاص ماله داعي مكملات
انا عندي صاحبي يلعب كاراتيه وجسمه جدا جميل ويلعب حديد من غير مكملات فقط اكل ورياضه الكراتيه العنيفه
اما انك ما تاكل بشكل جيد وماتوفر احتياج الجسم لو تاخذ بدال هالامينو الف امينو وبروتين ما بتشوف الا فرق بسيط
فالمكملات ليست سحر دائما نقول التغذيه والتغذيه والتغذيه ( شوف عدتها لك 3 مرات )
موفق