كيف اعرف اذا كان المنتج مغشوش او لا

بسم الله الرحمن الرحيم

السلام عليكم ورحمة الله وبركاته


كيف حالكم اخواني عساكم طيبين

سؤال: كيف اعرف اذا كان المنتج مغشوش او لا

انا ناوي اشتري سيرس ماس :) في البحرين من فيكم عارف كم سعره ووين احصله المنتج الاصلي .....

:)للعلم تماريني ضخامه ... ولكن احتاج الى بروتين

جربت بروتين pro v60 :)خوفاً من السمانة والكرشة كنت باليوم استخدمه مره واحده وكنت اخذه قبل التمرين بساعه تقريباً ..

كان وزني قبل لا استخدمه 59 والحين صار 61 . للامانه استخدمته تقريباً سبوعين واستخدام سطحي يعني باليوم مره واحده.

ولكن بما اني سالت عنه سابقاً في المنتدى قالو لي عنه منتج غير معروف .. وانا نصحني عليه واحد بارز في كمال الاجسام :09: الاصح صاحب بطولات ودورات ...

يمكن انا اكون ما استخدمته بالشكل المطلوب .. والي خلاني اتوقف عنه هو انه منتج غير معروف والحين في بالي سيرس ماس

الطول:169
الوزن:61
زاد 2كيلو .
قبل
الوزن:59

الحمدلله جسمي بالمرة خالي من الدهون والحمدالله بنية وعضل الحمدلله ... ولكن ناقصتني الضخامه وشوي فات... جسمي ناشف ناشف مره مره .

الرجاء اعطائي بيانات عن السيرس ماس ووين احصله بالبحرين موب مغشوش وكم سعره . وطريقة استخدامه وكم كيلو يعطيني بالشهر ان شاء الله ؟

ودمتم في حفظ الله انتظركم:)

راجع

http://www.montada.com/showthread.php?t=654100&page=2

موجود المنتج لزم يكون نفس صورتة

بالنسبة للمكمل الي عندك موقفتة لية ؟ علشانة مو معروف كمل علية لا توقف بالتوفيق

هلا يالغالي اخوي الرسمي

اشكر لك اهتمامك يالغالي

بس بعد بصراحه يالغالي يعني اتوقع اني بحاجه للسيرس ماس او الميغا ماس

وانا قرات لك في احد المواضيع رد بانه السيرس ماس افضل من الميغا صحيح

اية السيرياس افضل بكثير

بارك الله فيك يالغالي

صراحه مادري كيف اشكرك على تجاوبك السريع والجميل

وهم عندي استفسار ما عليه شوي بمللك معاي اسمح لي

شنو رايك

بطريقة الاستخدام

قبل التمرين بنصف ساعه وقبل النوم .

او

الصبح وبعد التمرين ؟

عطني الطريق الي يؤدي الى استخدامه الي يعطي نتايج سريعه وطيبه

وتسلم يالغالي مقدماً

السيرياس ماس انت محتاج ضخامة صح ولا غلط

خلاص ما يبيلها 3 مرات في اليوم

اهم وقتين هم قبل التمرين بساعة وبعد التمرين مباشرة

الوقت الثالث ان كنت تبي نتائج افضل هو اول ما تصحى من النوم لكن بعد الفطور علشان ما يسد نفسك

وترا مو شرط تاخذها 3 مرات في اليوم الا ان كنت تبي نتائج افضل لكن اكرر افضل وقتين هم قبل التمرين بساعة وبعد التمرين مبشرة علشان تحرقهم وتبني عضل فيهم بالتوفيق وخذ راحتك لا ازعاج ولا شي

بارك الله فيك يالغالي

كفيت ووفيت والله ما قصرت تسلم يدك وربي يعطيك الصحه والعافيه