ليش سلايرز Slayers الأفضل؟
ٍٍٍٍٍٍفي البداية انا كنت من المعجبين بسلسلة رانما 1/2 و لا زلت...وكنت اعتفد انه لايمكن أي مسلسل ثاني يقرب منه...لكن Slayers منافس و قوي جداً لرانما...على الأقل في رأي...
ايش أسباب تفوق Slayers?
أكيد كل شئ فيه....الشخصيات مثلاً ...من أروع ما يمكن ...من قد شاف شخصية بجيحة مثل لينا أنفرس؟ ...هذي البنت اللي تسرق من العصابات و اللصوص وبعدين تنفق على المحتاجين ؟؟!! طبعاً لا ...لينا تداهم العصابات وتسرق فلوسهم علشان نفسها : )....
جاوري Gaury..حارس لينا...الفارس الأشقر الشجاع والهمام ...ولكنه غبي..وغبي جداً بعد...
ايميليا...البنت الصغيرة صاحبة القيم العالية و المناصر الأول للعدالة والقمة في السذاجة واللي ما تقدر تتكلم الا من فوق شجرة او أي مكان مرتفع...
زيلجادس...الفتى الحجري(هو فعلا حجري) ...قوي بارع ولكنه متعقد من شكله و موسوس....
أذا جمعنا هذي الشخصيات مع بعض وش راح يطلع لنا؟؟؟؟ أكيد راح يطلع لنا Slayers واحدة من أفضل الانمي على مستوى العالم واللي راح تنفجر معها ضحك وحزن وحماس و كل شئ....
الدبلجة في Slayers واحدة من أهم أسباب نجاح المسلسل...و مذهلة جداً..لدرجة أنك بعد ما تشاهد المسلسل راح تصاب برغبة عارمة في مقابلة الشخصيات اللتي أدت الأصوات في المسلسل...
تصميم الشخصيات مناس ب جدا ورائع ...و راح تعشق الشخصيات ...والرسم ايضاً ممتاز...مواقف الاحراج والغضب و الحزن والجدية مذهلة جدا و مضحكة....
الكوميديا في Slayers لا تتوقف عند أي حد...كل اللي ساكنين معك في البيت راح يذكرون الله و يسمون عليك من كثر ما راح تضحك و يمكن تنهبل بعد...و أنا شخصياً أعتبر المسلسل من الأفضل من ناحية الكوميديا...
لكن الكلام هذا مو معناة أن المسلسل ما فيه قصة ...على العكس...القصة في اجزاء Slayersالثلاثة من أفضل ما يمكن و راح تتحمس معها الى ابعد حد...
خلاصة الكلام...Slayers من أفضل المسلسلات على الأطلاق و أنجحها على مستوى العالم...وهذا المسلسل من الأسبا اللي راح تخليك تعشق عالم الانمي ... :)..بجميع أجزاءه Slayers, Slayers Next, Slayers Try,and Slayers the OAV Series...
أنصح به و بقوة ...ولكن اذا تبي تتفرج عليه ابعد عن الغاز...من يدري يمكن تتحمس و تحاول تتطلق فاير بول ؟ :)
