راي اهل الخبره بنظامي

السلام عليكم و رحمة الله و بركاته
اخواني انا مسوي نظام اتكنز((الي يعتمد على الخضار و البروتينات و الدهون وممنوع اكل الكاربوهيدرات بكل انواعها))>>>النظام بصوره مختصره
انا استعمل مع النظام حبوب اكسينكال مع الغدا و العشا حبه مع كل وجبه
و استعمل امينو 1000((قالي الصيدلي انه يساعد على حرق الدهون))استعمل حبه وحده يوميا
و الصبح اشرب عصير برتقال او اكل تفاحه او موزه مع حبة فيتامين ((سينتروم وذ ليتون))عشان اعوض الي ينقص من الفيتامينات.
ما ادري احس ان الحبوب كثيره و اخاف لا تصيبني قرحه بالمعده او مشكله بالكبد لا سمح الله.
الحين ودي رايكم بالنظام
و شكرا

أخوي نظامك اسمحلي مايعجبني لأن يفقتقر الى الكاربوهيدرات والجسم يحتاجه يوميا عشان تكون عنده طاقة طول اليوم وانا أفضل انك تاخذ كاربوهيدرات في الفطور والغداء ولازم تمارس الرياضة بعدها عشان تنحرق الكاربوهيدرات وممكن تقطع الكاربوهيدرات من بداية الليل.

بس اخوي انت ماقتلنا اذا تمارس رياضة ولا لا ؟ لأن ماينفع تاخذ أمينو بدون رياضة
وكمية الحبوب الي تاخذها اذا تمارس الرياضة جيدة بشرط انك تشرب كميات كبيرة من الماء يوميا واتمنى من الشباب يفيدونك أكثر :)

آخوي ماقلت لنا عن وزنك وطولك
وهل آنت تمارس رياضة كمال آجسام ؟

اهلا عزيزي

الظاهر انك ناوي تخسس وتفقد بعض الوزن مع الرجيم

شوف عزيزي رجيم وانقاص وزن بدون رياضه ابدا ماينفع واذا نفع راح يعطيك سلبيات مستقبلا خصوصا اذا كان الوزن عالي

على الاقل تقدر تمشي وتهرول يوميا وتقدر تاخذ تمارين سويديه + الرجيم اللي تمشي عليه

بالنسبة للدهون ابتعد عنها واكتفي بزيت الزيتون

تقول ابتعد عن الكارب وانت تاخذ موز والموز كله كاربوهايدرات

عموما الكارب تأثيره مايلفت النظر ومو اكثر من الدهون والنشويات واللي لازم تبتعد عنها

بالنسبه لرجيمك انت ذكرت الصبح اما الغدى والعشى ماذكرت لنا شو تاكل بالضبط

كثر من السوائل خصوصا الماي لكن بانتظام

اما عن كمية الحبوب فا انا اشوفها شي عادي ومو كثير لكن ماعتقد انك تحتاج الامينو ابدا حتى لو كان به ماده منشفه خصوصا اذا كنت ماتتمرن

حبوب الفيتامينات ممتازه وحبه وحده باليوم تكفي

عموما عزيزي ياليت تتأكد من قوانين القسم

وونتظر ردك الوافي عشان الكل يقدر يساعدك

دمت بود

وينك غايب أخوي أميلي فايل غايب هذه المدة ترى المنتدى مظلم بدونك ... كلامك سليم 100 %

اشكرك عزيزي اللورد الأحمر - تدري ياخوي مشاغل الدنيا تشغل الواحد خصوصا اذا عندك امور كثيره لازم تخلصها

دمت بود عزيزي ونورك ونور باقي الشباب يكفي ^^

مشكورين عالردود
و بعطيك معلومات عني
الطول 178
الوزن 140
العمر 18
اتمرن بالنادي بس مو سويدي لان عندي مشكله بالركبه و الكاحل
انا اسخن عالغزال الطائر و اسوي خواصر 100 مره
و في جهاز تقعد عليه و ترفع نفسك بايديك و رجولك انا اسوي 200 عليه 100امام و 50 يسار و 50 يمين نفس الي بالصوره
بالاضافه لتمارين الحديد