كــفيــف الــعــشــق

مسآآء / صبآآآح

الشعر .. والحب ..

خذاك الوقت .. وش باقي سوى حزن وألم قرطاس
مشاعر تسكنك ..صارت غريبه / حيـل مختلفه

شعور أقسى من الغربه .. يخالط فيني ذي الأنفاس
وترحل ؟ ياعسى الحاضر .. يلـم دروبنا صدفه

طلبتك .. والخطأ ..مرمر ضلوعي بكل ساس وساس
تمر أعذاري تتسابق .. تــــزف الروح متأسفـه

أحسك في متاهاتي .. دفا ..ألطف من / النسناس/
وصمت البوح يسندني قهر ..وانساب من كتفه

بظل أرسم تفاصيلك .. / مرايا / في .. وجوه الناس
وأتنفس رياحينك . . شذاك العذب .. أرتشفه

عرفتك شاعــــري طبعــك .. وكلك طيبه واحســاس
نسيتك ؟ .. لا نساك الموت .. أنا النسيان ما اعرفه

تذكّرنـــي .. خضر دربك .. إلا منــه .. طغـــاه يْباس
وعيّشني الفرح لحظه .. وسكّن داخلي لهفه

تذكرني .. قمـــر ليلك .. تلحّفنـــي .. فــرش ولباس
كفيف العشق .. في نبضه .. هموم كثار ملتفه

تذكرني .. في جلساتك .. تخيلني معـك .. (جلاس)
عيوني من سبب صدك .. عليك الدم .. وتذرفـه

رجيتك . لو حلم أغبر .. أطوف بعالمك .. وســواس
اهو ذاك الأمل فيصل..مابين / الموج والضفّه /

تعبت أتقمص الضحكه .. أضحّـــي واعتذر (لاباس)
تغادر كوكبي .. واصبح كما (الأطرش وسط زفّه)

تعاقبني مثل طالب .. نسى في حصّتــــه ( كـــرّاس )
يثور بــ (غيض ).. فـــي وجهه .. يخلّه .. يقفي عن صفّه

(وانا شحّات في بابك) .. رصيدي في الوصل افلاس
متى مريتني .. ارمــي .. عليه / الرحمه/ في كفّه

ولكم تحياتي
ملك الرومنسيه