ابي رايكم بمجموعة المكملات الي بشتريها

السلام عليكم ورحمة الله وبركاته

كيف الحال شباب ان شاءالله بخير

اخواني انا ببداء تضخيم ان شاءالله شهر 1 لغاية شهر 4 وبعدها تنشيف

نسبة الدهون عندي 18.6 و الطول 180 والوزن 78 (( هذا قبل الشهر ))

واشل بالالات 55 وفوق (( يعني كل شي تمام من الاخر :biggthump ))

اول شي بخصوص الـ Protein :

nitro-tech بحاول اجيب الجديد الـ pro

+ ايليت 12 ساعه

الـ Amino

حصلت نفس الاومينو 2500 الي جربوه الاخوان مشكلجي وعشق البطوله من شركة apn

وحصلت اخوه الكبير من نفس الشركه 10000 :D

انا ناوي على 10000 اذا ينفع من البدايه اخذه

الـ multi vitamin

animal-pak

الـ pre workout

يا no-xplode يا no-shotgun

الـ intra workout

Intrabolic

الـ creatine

prolab monohydrate

وبعد شهر او شهرين اذا كانت النتائج ممتازه بوقف الكرياتين شهر وبغير المنتجات
(( وعلى سالفة المنتجات ادري انها كثيره بس ان شاءالله احصل نتائج قويه ))

والسموحه عالاطاله

أخوي مالي خبرة كثر أخواني الباقين امثال مشكلجي والرسمي

بس عن تجربة النايترو تك هارد كور

للتنشيف أكثر من انه للتضخيم

اهلا اخوي الحبيب
شوف من الاخر وبدون ما اطيل عليك

استخدم فقط النيتروتك بالاضافة الى الامينو 10000 ولا تتعب نفسك بالنسبه للكرياتين لان النيتروتك فيه نسبه كرياتين ممتازة يعطيك في السكوب حوالي 3 جرام بالاضافة الى نسبه البروتين فيه للسكوب 20 جرام وايظا فيه انواع من الفيتامينات كثيره
يعني انا اقول شوفلك منتج كربوهيدرات بدل الملتي فيتامين وبدل الكرياتين وبدل ال اليت 12 ( اعتقد الاليت بروتين صح ؟)

هني راح توفر على نفسك عناء استخدام اكثر من منتج وكذلك زياده الشي عن حده مثل الكرياتين مابيفيدك صدقني انا اذا استخدم النيتروتك كنت اترك الكرياتين والملتي فيتامين والبروتين لان استخدامي كان سكوبين مرتين الى 3 مرات باليوم يعني شوف كمية الكرياتين اللي انا استهلكها عاليه احسب معاي

( 3 في 2 = 6 ) <--- كمية الكرياتين في السكوبين
و( 6 في 2 = 12 جرام كرياتين ) يعني انا استهلك مع هالمنتج 12 جرام يوميا واساسا الكرياتين يقولك استخدم 10 جرام فما بالك وانت تزيد الجرعة للكراياتين اللي بتاخذه مع المنتج كم بتوصل ؟

وايظا نفس الكلام للجلوتامين

اما البروتين فاحسب (20 في 2= 40) يعني الناتج لجرعتين من المنتج راح يعطيك 80 جرام بروتين باليوم ( تعتبرها كمية قليله لكن مع الاكل السليم ؟ يطلع الناتج ممتاز لوزنك لان احسب كل كيلو جرام من جسمك يحتاج على الاقل 1ونص الى 2 جرام بروتين )

خلاصه كل هالكلام النتروتك مع امينو مع منتج كربوهيدرات ينفع للضخامه

النيتروتك مع امينو فقط ينفع للتنشيف

والعيب الوحيد في المنتج بسرعه يخلص بس النتائج ممتازه واكبر دليل اخوي د/عمرو اثبت معاه النتائج الملموسه واللي راضي هو بها لا اقول انها نتائج جباره لكنها تفي بالغرض

وانت براحتك انا عطيتك رأي عن تجربه مع هالمنتج طبعا بالاكل واكرر بالاكل السليم وليست بكثره المنتجات تحصل على ماتتمناه خذها كلمه مني

بالتوفيق

مشكورين شباب عالردود

وياخ مشكلجي بخصوص الكرياتين بالنيتروتك شي ممتاز انا كان على بالي انه فيه نسبه لاتذكر

طيب الان الملتي فيتامين والكرياتين استغنيت عنهم باخذ بدالهم منتج كارب ياريت لو تعطيني اسماء افضل منتجات كارب

وعن الليت 12 ساعه هو بروتين لنوم وبجربه بثاني شهر وبشوف اذا لاحظت نتائج بستمر عليه باقي الشهور

ومشكورين مره ثانيه

منتجات كثرة جدا صراحة

اول شي انتبة لمسالة الدهون لان عندك 18 بالمية يعني وانت تضخم انتبة للاكل هذا اول شي

ثاني امر

النيترو ممتاز لحالتك والكرياتين رد عليك مشكلجي لان النيترو فية كرياتين

بالنسبة للملتي فيتامين الانيمال باك ما يحتاجة تاخذة خذ اي ملتي فيتامين من اي صيدلية تقولي ليش اقولك لانة قوي شوي لان باقي المنتجات زي النيترو فية فيتامينات و النو اكسبلود فية فيتامينات و Intrabolic فية فيتامينات وفوقها بتاخذانيمال باك كذا تضر نفسك

والامينو خذ 2500 لا تاخذ الـ10000 لان في النيترو نسب عالية من الاحماض الامنية ما يحتاج امينو 1000 تكون الاحماض بنسبة 900 و 800

يعني دامك في تضخيم خلك في النيترو والنو اكسبلود ان كنت راغب في القوة والامينو وملتي فيتامين عادي وان حبيت تزيد تقدر تشتري جلوتامين بالتوفيق

لكن لا تنسى الدهون بجسمك علشان ما تفقد السيطرة

منتجات الكارب في منها كارب صافي وتقدر تسال وتشوف وتعطيني الانواع لاني ما اقدر افيدك شنو بتحصل وشنو لا

موفق

السموحه شباب تاخرت عن الموضوع اليوم رحت المحل

ماعنده اي منتج كارب لكن مب مشكله بدور بباقي المحلات لو ماحصلت بالمره بطلب من النت

وشو رايكم بجيلكوميز من اوبتيمم ؟

http://www.bodybuilding.com/store/opt/glycomaize.html