بخصوص الليبو 6 والهيدروسكي وتقسيم العضلات ..!

السلام عليكم شباب

عندي شوية استفسارات بخصوص التنشيف والتخسيس :

اول شي هل فيه فرق بين (حوارق الدهون) ( او التنشيف) ( او تقسيم العضلات ) ؟؟؟

او كلها نفس الشي؟؟...بالعربي انا ناوي اقسم العضلات بدون ما انحف.. واخاف من استخدام الليبو وخايف ينحفني لأن اغلب السمينين (الدببه) يستخدمونه .... والهيدروسكي اشوف انه ممتاز بس للحين ماجرته لأني سمعت انه خطر على الكبد والكلى وغير التحذيرات من وزارة الصحة !


فا الله يجزاكم خير... ابي منتج قوي يقسم العضلات ويفصلها عن بعض....

علما اني استخدم البروكومبلكس والسيلتك وامينو وقلوتامين وانيمال باك وانيمان بومب



بالمختصر... سمعت ان اللي يخسسون يستخدمون الليبو.. والهيدروسكي للتقسيم, بس قالو لي ان له اضرار للكبد والكلى... وياليت تنصحوني بمنتج قوي ونتايجه قويه .

طولي 180 وزني79


ولكم مني خالص التحية

:33:

اول شي

فية فرق مع ان البعض يقول ان التقسيم هو التنشيف
لا غلط التنشيف يكون لشخص عندة عضل وبيشيل الدهون لكن ما يكون لشخص ماعندة عضل ويقول ابي انشف علشان يطلع لي عضل .

التقسيم يكون لشخص عندة عضل ودهون ويبي يشيل الدهون علشان يبقى العضل ويكون ايضا لشخص ما عندة عضل ويبغى عضل صافي بدون دهون يعني يجي واحد يخش النادي بدال ما يقول انا ما ابي عضلات ضخمة يقول ابي تقسيم فقط

هذا الفرق زطبعا حارق الدهون معروف

والليبو والهيدروكسي ما ينحف هو يحرق الدهون فقط ولما تحرق الدهون ينقص الوزن الجاي من الدهون هذي هي الفكرة فقط يعني ينحف للي اغلب جسمة دهون ابو بمعنى ثاني دب ، متين ، سمين وغيرة

الهيدروكسي يستعمل وفية ناس استعملتة ولا جاهم شي لكن ما يمنع انة ما يضر وكل شخص غير شخص وكل استعمال غير استعمال ناس استعملتةوهو يسوي رياضة ناس استعملتة وهم يشرب ماء كثير

لكن الافضل ان تبعد عنة وتتجة للليبو 6 ان كان هدفك هو ازالة الدهون لكن تذكر ان كنت تستعمل البرو كاملكس الغينر انك توقفة لانة بيتعارض مع الليبة 6 لانة فية دهون

يعني كانك تحرق الدهون لكن تكسب دهون من البرو كاملكس الغينر فبتالي ما راح تستفيد شي

او اذا كنت تستعمل البرو كاملكس العادي فكذا شغلك تمام ما علية شي

لكن التنشيف مو بس لليبو 6 وخلاص

التنشيف تغيير كامل للتمارين وللاكل تزيد التكرارات والوزن يخف واتوقع هذا الشي عارفة لانك من اعضاء المنتدى

والاكل مثل ما انت عارف تركز على البروتين ثم الكارب

وبالنسبة لحرق الدهون عندك اثنين كل واحد يقول انا افضل الليبو 6 والانيمال كت

لكن الاشهر والي ماخذ تقييم اعلى في البودي بيلدينق هو الليبو 6

بالتوفيق

اقتباس:

---

المشاركة الأصلية كتبت بواسطة الرســـــمي

وبالنسبة لحرق الدهون عندك اثنين كل واحد يقول انا افضل الليبو 6 والانيمال كت

لكن الاشهر والي ماخذ تقييم اعلى في البودي بيلدينق هو الليبو 6

بالتوفيق

---

عوافي على الردود يامستر رسمي..

طيب هل اقدر استخدمهم مع بعض؟ الليبو والكت؟ يوم كذا ويوم كذا؟

وعلى فكر ترى الكومبلكس اللي استخدمه هو العادي..


وسوأل على الطايرالنتايج تطلع بسرعه والا يبيلها وقت؟

الله يديكم العافية ,, سؤال حلو والاحلى ردود الاعضاء اللي شجعني اشارك معاكم ,,

انا عن نفسي استقبلت اليوم الليبو 6 بلاك من امريكا , وكونت خارج من كورس تنشيف بس سمعت الليبو فووق الوصف وحبيت اجربه ,, وقريت عنه كتير وانا ناقصني 10 - 15 ك ورح يوصل جسمي مستوى البطولة بس مو حاب ارجع للبطولات فقط جسم رياضي انيق ولاعب حديد فاهم واكيد انتو فاهميني وان شاء الله تواجدي يكون اثراء للصفحة ,,


مودتي

لله يامحسنين... رد

ومع اني كنت متوقع الردود والاستفسارات تجي بوقتها !!


الرسمي ماقصر بس حطيت كم سؤال ومالقيت اجابة


http://www.bodybuilding.com/store/un...450_white.jpeg





http://ricksuplementos.files.wordpre...6-x-nutrex.jpg


طيب هل اقدر استخدمهم مع بعض؟ الليبو والكت؟ يوم كذا ويوم كذا؟

وعلى فكر ترى الكومبلكس اللي استخدمه هو العادي..


وسوأل على الطايرالنتايج تطلع بسرعه والا يبيلها وقت؟

وهل بامكاني تخسيس منطقة معينة مثل البطن بالمنتجات هذي؟


في انتظار الرد

اخوي اسباني، انا انصحك وعن تجربة انك تبدأ بالليبو 6x وبعدوا تخش عالبلاك، لاني انا استعملته ونتايجه كانت رهيبة، ولازم تتريا عقب اسبوعين لين تحس بالفرق وتشوف النتائج، ولعلمك المنطقة اللي بتمرنها اكتر هي اللي بينحرق فيها الدهون اكتر وبالتوفيق

http://www.bodybuilding.com/store/un...450_white.jpeg

http://ricksuplementos.files.wordpre...6-x-nutrex.jpg

طيب هل اقدر استخدمهم مع بعض؟ الليبو والكت؟ يوم كذا ويوم كذا؟

اخوي لكشف نتائج منتج عن منتج استخدم واحد فقط لتتاكد هل له فائده وبديل للاخر ام لا اما انك تستخدم منتجين لحرق الدهون لماذا ؟ وكيف ستعلم ان هذا مفيد وهذا غير مفيد ؟
لهذا عليك بتجربه منتج واحد فقط والنظر الى نتائجه بعد شهر كامل وليس في يوم واحد او اسبوع واذا تريد اجابه سريعه لا اخوي ما ينفع تستخدم منتجين لغرض واحد

وعلى فكر ترى الكومبلكس اللي استخدمه هو العادي..

اجابة لاحد الاخوه كان يستفسر عن البروكمبلكس مع الليبو وانا كنت معارض استخدام الليبو مع اي منتج بروتين لكن كان مثل حالتك يحتاج الى بروتين لتغذيه العضل وبنفس الوقت يحرق الفات فاجبته استخدم بروتين زيرو فات زيرو كارب

دخل احد الاعضاء واخبرني بان البروكمبلكس يكتب عليه يمنع استخدامه لفقد الوزن !! اتمنا الصورة وضحت الان

وسوأل على الطايرالنتايج تطلع بسرعه والا يبيلها وقت؟

على حسب ما تعمله انت !! فرضا واحد يتناول الليبو ويلعب كارديو ساعه باليوم يوم وترك اكيد بيختلف عن واحد يلعب كارديو نصف ساعه باليوم مرتين بالاسبوع !! ( اكيد الصورة وضحت ) يعني محد يقدر يعطيك اجابه وافيه هالامور انت تحددها بجدية التمرين والتغذيه الصحية السليمة الخاليه من الدهون المطبوخه والتقليل من السكر الى الانعدام وايظا التقليل من الكربوهيدرات وايظا المتناع الكامل عن شرب المشروبات الغازية يعني اي امور تتفخ وتزيد وزن تبتعد عنها لانها بتتضارب مع المنتج

وهل بامكاني تخسيس منطقة معينة مثل البطن بالمنتجات هذي؟

شوف اخوي هذي منتجات حرق الدهون واكيد لو انك فقط تلعب معده وشغال على المعده راح تلاحظ فرق بالمعده عن باقي الجسم ولكن يوضح انه ليس بمعنى انك تلعب معده فقط الاثر بالمعده دون باقي الجسم !! والسبب واضح مثل لعب كمال الاجسام لو انك تلعب صدر وشغال على الصدر لازم تلاحظ شد بباقي اعضاء الجسم القريبه منه كالكتف والترايسيبس لانها عضلات مساعده وهذا ايظا بالنسبة للحرق يمكن تلعب معده وتحرك جسمك وبالتاالي يحرق الدهون في اماكن اخرى غير المعده ( اكيد الصورة وضحت )

ما قصرو الشباب

ولا يصلح تاخذ منتجين لحرق الدهون لنفس الشي راح يكون باثر سلبي ويمكن يضرك ايضا

انت كانك تستعمل نوعين من البنزين في سيارة وحدة فخلك على الليبو

بالنسبة للبرو كاملكس تقدر تاخذة مع لليبو ما عندك مشاكل ..

وابو ابراهيم صراحة ما ادري من الي عطاك معلومة ان البرو كاملكس العادي ما تقدر تستخدمة لنقاص الوزن

لا عادي تقدر تستخدمة وتقدر تستخدم معة لليبو 6 او اي حارق دهون

لان حسب الي فهمتة ان الي عطاك المعلومة المقصد من كلامة ان يقول البرو كاملكس لا يستخدم لنقاص الوزن وهي اخطى في هذا الشي البرو كاملكس العادي هو يستعمل لانقاص الوزن او لحرق الدهون الاثنين

بالتوفيق

هلا بك اخوي الرسمي انا مثلك قلت يمكن في خطأ بالفهم لكن ما اقدر احكم على كلام احد الا اني اشوف المنتج بالاول

على كل حال الموضوع كان لاحد الاعضاء يسال عن الليبو 6 واخوي ارنولد كلاسيك كان اللي وضحلي الامر وعليه انا يجب علي اشوف العبوة للتاكد

اتوقع فهم العبارة هذي غلط
لانها موجودة على كل المنتجات

اقتباس:

---

Do not use as a sole source of nutrition for weight loss

---

لان العبارة المقصود فيها ان المكمل الفلاني ما يستعمل كمصدر وحيد للتغذية عند الدايت او انقاص الوزن

يعني ما تستخدم كا مغذي وحيد للجسم

مثل العلب الي ياخذونها المرضى في المستشفيات ياخذونها عادي

ويقدر ما ياكل اي شي ثاني غير العلبة

اها كلامك سليم والله تصدق كنت اشوف هذه الكلمة كثيرا حتى اعتقد موجوده على الهيدروكسي كت !! رغم انه حارق دهون لكن مثل ماتفضلت ( كمصدر وحيد )

اها كلامك سليم والله تصدق كنت اشوف هذه الكلمة كثيرا حتى اعتقد موجوده على الهيدروكسي كت !! رغم انه حارق دهون لكن مثل ماتفضلت ( كمصدر وحيد )

ما أنصحك تاخذ الانيمال كت لاني استخدمته قبل
وحسيت بألاام ف الكلى ، خطير جداً ويمكن يختلف من شخص إلى اخر الله أعلم
اما الليبو 6 الكل يمدحه وماخذ المركز الاول في منتجات التنشيف عالمياً

بالنسبة لليبو 6 هو الأفضل ولكن فيه شغلة وحده حبيت أقولها وهي بأنك تبدأ بالليبو 6 وإذا ما جاب نتيجة فجرب ليبو 6 x وإذا ما ضبط معاك جرب ليبو 6 بلاك ... وإذا قفلت معاك ولا حسيت بنتيجة إيجابية أركب سيارتك وأدخل بأقرب شاحنة ؟؟ أمزح ،،، تحــــــــــــــــــياتي.