استفسار بخصوص نيترو تيك و بحاجة استشارة فنية من الخبراء

السلام عليكم ورحمة الله

هذي اول مشاركة لي بالمنتدى والحقيقة سجلت عشان المشاركة في هذا القسم تحديدا


انا قريت في الموضوع المثبت عن انواع البروتينات والكرياتين والامينو
عن عدة انواع واستخدامات من ناس ما شاء الله شكلها لها فترة في الحديد وفاهمينه كويس واحسن مني

استنتجت في الأخير واتمنى تصححون لي لو انا غلطان

ان افضل بروتين او مكمل غذائي هو النيترو تيك
وان افضل امينو هو الامينو 2500
وفيه نوعيات للفات برنر من ضمنها lubo 6


طبعا قبل ما اخذ استشارة منكم اخواني لازم اعطيكم وصف لجسمي وقد ايش لي امارس الحديد

انا بديت اول بداية للحديد من سنة وكانت بشكل متقطع وبعدين دخلت في الجو وصرت مواصل

الهدف الأساسي اللي أطمح له مش التضخيم انا ما يهمني ولا احب اصير مثل كمال الأجسام
كل اللي افكر اوصل له هو تقسيم جسمي وتحديد العضلات مع بروز متوسط للعضلات نوعا ما

لذلك انا لما بديت في الحديد بديت شهرين على الأجهزة وبعدها دخلت للأوزان الحرة
ووقتها ما كنت استخدم اي شي
استمريت من شهرين تقريبا الى ثلاثة شهور بعدين استخدم اول بروتين
واي بروتين وكانت كمية البروتين 23 قرام لكل سكوب

وخلصت العلبة والحين افكر اشتري بعد قراءتي للموضوع
النيترو تيك
واستخدم معاه برضو في نفس الفترة بروتين البيض من واي بروتين

فما ادري وش رايكم !!؟؟ يعني لو استخدمت سكوب واحد من بروتين البيض صباحا او مساءا
واكتفيت بالنيترو تيك سكوب قبل التمرين و سكوب بعد التمرين

ووش رايكم هل استخدم امينو او ما يحتاج استخدمه ؟؟
ونفس الشي بخصوص الفات برنر هل استخدمه او لا ؟؟

علما ان وزني وجسمي مناسب جدا يعني ما اطمح لا للزيادة ولا للنقصان ولله الحمد
فقط زيادة عضل هذا اللي ابيه لكن عنده بقايا كرشة خفيفة وبعض الجوانب

عشان كذا فكرت بالفات برنر

برضو سؤال
لو جا احد الاخوان وقالي مثلا ما فيه مشكلة استخدم بروتين البيض + والنيترو تيك + الامينو + الفات برنر

ما فيه مشكلة لو استخدمتها كلها في نفس الفترة ؟؟

والسؤال الأخير اخواني
الامينو 2500
النيترو تيك

ما حصلتها في الgnc
وين ممكن احصلها وهل في موقع في الانترنت ممكن اطلبها ويشحنونها لي من برا السعودية ؟؟

-------

عشان اخلي الاخوان اللي ودهم يجاوبوني في الصورة

انا اروح الجم واقعد في الكارديو تقريبا ساعه وربع
تريدمل و الجهاز الثاني حق الرجول واركز على الثاني لأنه يحرق لي سعرات اكثر

وبعدين اروح على الحديد واتمرن عضلتين عضلتين يوميا مقسمه على اربع ايام وارتاح يومين
يعني الاجمالي 6 ايام كدورة طبيعية في الحديد بالنسبة لي

بعدين اروح المسبح واسبح لمدة 20 دقيقة تقريبا

يعني اتوقع اتوقع اني احرق 800 كالوريز تقريبا يمكن تزيد قليلا خلال كل يوم اتمرن فيه

الوزن الحالي يتراوح ما بين 79 الى 82 كجم
طولي 179

الفات عندي ولله الحمد اخر مرة قسته كان 14 % واطمح انزله تحت العشرة

يا اخوان انا ما افهم في موضوع التضخيم والتنشيف ولا عندي سياسة معينة امشي عليها
انا مثل ما قلتلكم من بداية ما قررت اضبط جسمي امشي على الطريقة اللي ذكرتها فوق

والنتائج معاي فوق الممتازة ولله الحمد يعني وصلت لاكثر من 50 % من الشكل اللي ابيه
واحس اني ماشي تمام الا اذا احد الخبراء يشوف اني لازم اغير اشياء معينه

علما اني ما اتبع حمية ولا دايت ولا شي
لكن اهتم بتنظيم غذائي يعني لو زودت العيار في الغداء او العشاء اركز اني احرقه نفس اليوم
ولا اشرب المشروبات الغازية ويعني من النوع من المراقبة الذاتية

-----------

اتمنى يا خبراء اللي وده يسهب في الشرح ويعطيني اساسيات امشي عليها
عشان اوصل للمرحلة اللي ذكرتها في البداية

التقسيم وتكبير العضلة بشكل بسيط والسكس باكس

وليس التضخيم مثل لاعبين الكمال اجسام

اهلا اخوي الحمدلله انك كتبت كل شي

شوف يا غالي استخدم النيترو تك فقط لا تستخدم بروتين اخر معه لانك ما بتحتاج شيء معه حتى الامينو اتركه والفات برونر اتركه حاليا

ركزلي على النيتروتك وشوف طريقه الاستخدام

سكوب واحد 3 مرات باليوم اول اسبوع وبعدين زيد الكمية سكوبين 3 مرات باليوم لحد ما تخلص العلبه

وشوف النتائج لان العلبه ما بتستمر معاك اكثر من شهر

بالنسبة وين تحصله والله ما عندي خلفيه انا من الكويت ومتوافر عندنا

بالنسبة لجدولك اجعله جدول منظم اكثر مثال

اول يوم صدر + تراي
ثاني يوم تمارين معده فقط وخواصر
ثالث يوم اكتاف + مثلثات ( ترابيس )
رابع يوم راحه
خامس يوم ظهر + باي
سادس يوم تمارين معده فقط وخواصر
سابع يوم ارجل كامله + سواعد

وعيد الجدول مره اخرى ولا تنسا ان اايام اللي تلعب فيها معده وخواصر تعتبر ايام راحه لانك تقدر في المنزل تلعب هالتمارين بالاضافه الى الهروله على جهاز الجري خلها قبل التمارين لكن بالاسبع 3 مرات كحد اقصى

وان شاء الله بتشوف فرق

بالنسبة لاستخدام اكثر من منتج بوقت واحد لا تعمل هالامر ولا تفكر فيه ابدا لانك بترجع كل اللي اخذته بضرف ربع ساعه واسال واحد مجرب هالامر

موفق وان شاء الله ما نسيت اي سؤال اخر

مشاء الله عليك موضوع طول بعرض

وما قصر الوحش جاوب عليك


لكن فية نقطة النيترو فية الي مثلة الي هو الوي بروتين افضل منة اقتصاديا ومثلة بالنتائج

لان النيترو يخلص بسرعة

والامينو مو شرو امينو 2500 هو الافضل فية منتجات كثيرة

ولا يحتاج تاخذ امينو مع نيترو او الوي بروتني كلها فيها احماض امينية قوية جدا مثل ما قالك مشكلجي

واي سوال حنا حاضرين

بالتوفيق يا وحش

يعطيكم العافية يا اخوان ما قصرتوا

بس ما زال عندي سوء فهم

الاخ القدير مشكلجي
انت قلتلي 3 مرات الكارديو في الاسبوع فقط

ليش مو اكثر من 3 مرات
مثل ما ذكرت لك عندي بقايا كرش خفيف وجوانب


طيب بالنسبة للنيترو تيك ما حصلته في السعودية ولا في البحرين
حاليا عندي egg protin من واي بروتين

قاعد استخدمه هل استخدم معاه اضافات اخرى امينو او شي ثاني الين القى النيترو تيك

الاخ الرسمي

هل فيه مكان احصل فيه النيترو تيك في الرياض او الشرقية ؟

ووش النوع اللي تتكلم عنه نفس نتائج النيترو تيك لأني شفت اغلب الناس تمدح في النيترو تيك بشكل كبير


سؤال يا اخوان المسبح وش رايكم فيه ؟
كم يوم في الاسبوع وهل نتايجة مثالية ؟

حبيت اشاركك اخوي أرستقراطي بتجربتي مع النيترو تك

حقيقة من افضل المنتجات الي استعملتها بالذات لما استخدمته في المرحلة الي بعد التضخيم .. استفدت منه بشكل كامل من ناحية تنوع مكوناته
ولا ازيد على كلام اخواني .. الا اني اتمم على كلامهم انه من اكبر عيوب النيترو انه يخلص اسرع من كل الانواع الي جربتها .. وفي الفترة الاخيرة احس ان GNC ماراح يجيبون منه لانه تقريبا ( انقرض ) من السوق

بالتوفيق اخوي

تحياتي

بس ما زال عندي سوء فهم

الاخ القدير مشكلجي
انت قلتلي 3 مرات الكارديو في الاسبوع فقط

ليش مو اكثر من 3 مرات
مثل ما ذكرت لك عندي بقايا كرش خفيف وجوانب

لان ببساطه اخوي انت زايد كيلوين الى 3 فقط وتبي تبني عضل بجسمك ما تحتاج يوميا تتعب نفسك بالكارديو وتحرق كل الدهون في عضلاتك مثل الباي والظهر والصدر ولا تنسا انك تبي تظهر عضلات المعده عندك وكل عضله في جسم الانسان تحتاج راحه على الاقل يوم كامل قبل تمرينها من جديد


طيب بالنسبة للنيترو تيك ما حصلته في السعودية ولا في البحرين
حاليا عندي egg protin من واي بروتين

قاعد استخدمه هل استخدم معاه اضافات اخرى امينو او شي ثاني الين القى النيترو تيك

اخوي تحسب كمية البروتين الي تحتاجها يوميا + اضافات البروتين الموجود بالتغذيه فمن المعروف ان الجسم يحتاج بروتين مقداره 1 ونص الى 2 جرام لكل كيلوجرام من جسم الانسان يعني ادبل القيمه بوزنك تطلع بحدود 160 جرام بروتين نقول لو تاخذ سكوبين 3 مرات باليوم يكون قيمتهم الاجماليه بحال كان السكوب يعطيك 23 بحسبه بسيطه (23×2=46) و(46×3= 138) يعني المكمل عطاك 136 جرام بروتين لكن لاتنسا ان بروتين البيض اقل نوعيه من الواي بروتين قولد ستاندر اللي كنت تستخدمه قبل ويعتبر هذا البروتين خاص للمبتدأين !

المهم نرجع للحسبه 136 نقصها من احتياجك يبقى بحدود 24 جرام بروتين وهذي توفرها مع اكلك الطبيعي اليومي وبعض المكملات يكون بها نسبه بروتين يعني هذا على هذا بيغطي الحاجه للبروتين

طيب انا ليش قلت لك النيترو تك ؟ لان فيه كرياتين ايظا ومجموعه من الفيتامينات والاحماض الامينية ونسبه جلوتامين يعني شغل 100% وللاسف انك ماحصلته لكن مو مشكلة استخدم مع البروتين كرياتين وايظا ملتي فيتامين وايظا جلوتامين لما بعد التمرين



سؤال يا اخوان المسبح وش رايكم فيه ؟
كم يوم في الاسبوع وهل نتايجة مثالية ؟

نعم السباحة مهمه وتقوي عضلات الجسم وتشد الجلد اكيد ممتازه وانصح بها وبشده وتقدر تسبح مرتين الى مره انت اللي يريحك لانها رياضه قويه حتى الرسول الكريم صلى الله عليه وسلم نصح بها

موفق

اقتباس:

---

المشاركة الأصلية كتبت بواسطة R A M

حبيت اشاركك اخوي أرستقراطي بتجربتي مع النيترو تك

حقيقة من افضل المنتجات الي استعملتها بالذات لما استخدمته في المرحلة الي بعد التضخيم .. استفدت منه بشكل كامل من ناحية تنوع مكوناته
ولا ازيد على كلام اخواني .. الا اني اتمم على كلامهم انه من اكبر عيوب النيترو انه يخلص اسرع من كل الانواع الي جربتها .. وفي الفترة الاخيرة احس ان GNC ماراح يجيبون منه لانه تقريبا ( انقرض ) من السوق

بالتوفيق اخوي

تحياتي

---

ياليت اخوي الحبيب تكتب لنا تجربتك مع هالمنتج لان كل اضافه للمنتجات مفيده رغم ان البعض يشوفها بسيطه والموضوع مثبت بالقسم ماراح اتعبك واقولك دور عليه ننتظرك يا غالي

ما قصر الوحش

وتقدر تستعمل النيترو تك او الوي بروتين كلهم حلوين لكن النيسترو يخلص بسرعة ما يكمل 3 اسابيع بس

وبالرياض تقدر تشترية من جي ان سي او من الموردين والشرقية من يت الطاقة بالاحساء او الموردين

بالتوفيق

يعطيكم العافية جميعا

خصوصا الأخ مشكلجي ما قصرت يا بطل

إذا ما خانتني الذاكرهـ
قبل شهر تقرريباً حصلت المنتج عند
Gnc طبعاً في جدهـ فرع التحليهـ
---------------------
بالتوفيق لكـ