عرض للطباعة
السلام عليكم
اولا انا معجب بهذا القسم ومواضيعه الرائعه والاعضاء المتفاعلين جزاهم الله خير
ياخوان انا لي اتمرن حديد من شهرين والحمد لله ملاحظ تحسن في تكوين العضل لكن عندي استفسار بسيط ياليت تساعدوني.
كم اسوي تمرين لعضلة الباي والتراي؟ لإن المدرب يعطيني 6 تمارين لكل عضله واربع جلسات لكل تمرين 15-12-10-8 . هل التمارين هذه في اجهاد للعضلة ؟ وهل العدات اكثر من الازم ؟
مع العلم اني في مرحلة التضخيم
بدايتا تدريبك غلط للتضخيم
لكن عطنا وزنك وطولك علشان نشوف فلسفة مدربك وكيف تفكيرة ..؟!
أخي العزيز ...
غلط كبير تلعب هذه العدات وانت في مرحلة التضخيم ... مرحلة التضخيم تلعب بأوزان فوق وتكرار قليل يعني 6 8 10 كحد أقصى ... لكن انت تلعب 15 12 ما تقدر تلعب بهذا التكرار ووزن فوق اصبح هكذا انت تنشف العضلة أخوي غلط كبير... ونعم هذه التكرارات مجهدة للعضلة .. حتى لو تبغى تلعب اربع عدات تلعب 10 8 6 6 فقط .... أرجو اني اكون قد افدتك ... تحياتي ... اللورد الأحمر ...
أخوي الرسمي شكلنا ردينا في نفس الوقت 2:26 وانا 2:26 .....
ماقصرو الشباب
لكن اخوي انت يعني من كلامك 6 تمارين كامله لعضله الباي ؟؟ والتراي كذلك
شلون يعني بيلعبك هالكابتن تضخيم ؟ وكم يعني معطيك صدر 15 تمرين ؟؟؟؟؟؟؟؟؟
قول لمدربك صح النوم مايصير هالكلام ابدا
المفروض على الاكثر 4 تمارين لعضله الباي و4 تمارين لعضله التراي بالاضافة الى التكرار 12 ثم 10 ثم 8 والاوزان تزيد زياده واضحه يعني تلعب مثلا اول 12 عده بوزن 12 كيلو وبعدين تدخل بال 10 عدات وزن 17 كيلو وبعدين تدخل بال 8 عدات 22 كيلو ويكون احد يساعدك باخر عدتين لان بتكون عضلاتك خلاص هلكت
وياليت تعطينا جدولك بالاضافة لطولك ووزنك وشنو المكملات اللي تستعملها ؟
افاااااااااا كله غلط :wow:
بالنسبة للجدول
السبت:باي وتراي
عدد التمارين : مابين خمس او ست تمارين لكل عضلة
الاحد : ارجل
عدد التمارين: مابين 4 و 6 تمارين
الاثنين: صدر
عدد التمارين: خمس او ست تمارين على حسب مزاج المدرب:D
الثلاثاء:ضهر
عدد التمارين : خمس تمارين
الاربعاء: راحه
الخميس: كتوف
عدد التمارين:ست تمارين
الجمعه :راحه
بالنسبة للمكملات انا اخذ كرياتين قبل التمرين بنص ساعه
و واي بروتين قولد بعد التمرين وبعض الايام اخذه الصبح وبعد التمرين
والمدرب يقول لازم تستعمل علو هذا كله امينو اسيد باور 3000 مع العلم انه يدري اني استعمل واي بروتين الي يحتوي على امينوا اسيد>>>>اظن انه طفراااان وعشان كذا يقولي اشتري :D
بالنسبة للطول انا طولي 165 والوزن اول مادخلت النادي 57 والحين بعد شهر 62
ومعاي خويي الي يتمرن معي وماشي على نفس الجدول والمكملات طول 170 ووزنه اول مادخل 72 والحين 73
هذا انا الي ماشي عليه من شهر فما ادري صح ولا لا:28::33:
بالنسبة للجدول أخوي أنا أشوف لا بأس به زين ... لكن المشكلة ما في تمارين للبطن
اما المكملات لا بأس بالواي بروتين ...
طيب تمارين البطن كل يوم ولا اخليها اربع ايام افضل واجري بعد التمرين ولا لا؟
ماتركو لي الشباب م اقول ولاكن اخي العب تكرارات قليلة وباوزان كبيرة كما قال الاخ مشكلجي و كدلك الجدول يلزم تعديل و اكتر من البروتين والكربوهدرات
هلا اخوي تمارين البطن اربع ايام في الأسبوع كحد أقصى لا تلعب كل يوم لازم تعطي العضلة وقت ترتاح وتتعافى ...
مشكور ياللورد ماقصرت ولا ننسى مشكلجي والرسمي و safitop
العفو أخي العزيز ...