عقدتي مع البلاك كوفي~ كيف الطريقة

السلام عليكم ورحمة الله وبركاته .,.
كيفكم ان شاء الله طيبين .,.
عندي مشكلة مع القهوة السوداء (تركية). جبت انواع من القهوة السودا وسويتها (حاولت بطريقتين).
Round 1
افوور الموية على النار بعدين اصبها على القهوة الي في كوب (ملعقة او اثنين صغيرة من القهوة) واحرك بالملعقة. بس القهوة اشوفها مفصولة عن الموية.. يعني اذا اخذت من القهوة بالملعقة اشوف القهوة في وسط الملعقة صفيت عن الموية.,.
Round 2 go
فورت موية على النار بعدين صبيتها في الي اسوي فيه الحليب (ركوة ثنقي) اعتقد يسموها. المهم طبعاً حطيت ملعقتين من القهوة قبل مااصب الموية الفايرة. وخليتها على النار شوي مع التقليب/ات. الين بدأت تفور بعدين صبيتها من بعيد في كوب (مسوي حركات عشان تتلخبط مع بعض ويصير لها رغوة) والله ماغير انا تلخوطت وحتى رغوة مافيه. نفس الطريقة الأولى القهوة مفصولة عن الموية (غير ممزوجة) .,.
انا قلت بجيب لي الكوفي مشين في اقرب وقت ان شاء الله لأنه نفسي في قهوة من زمان .,.
اذا احد عنده حل او اذا انا مسوي الطريقة غلط او في شي ناسيه, تيل مي. لأني طفشت وانا اطالع في كيس القهوة الي حاطه جنبي (ريحت القهوة تفتح النفس) .,.
مع التحية ...

وعليكم السلام ورحمه الله وبركاته

خيو حسيت بمعاناتك لما قرأت الموضوع ولكن مافهمت انت طريقتك ايش بالضبط !!
القهوة التركيه اكيد طريقتها تختلف العربية والفرنسية

وفي مطبخ المنتدى مواضيع كثيرة ممكن تفيدك هذا واحد عن طرق القهوة :D

الطرق العديدة لعمل القهوة الفريدة

وبالعافية مقدماً

تسلمي ماندي. والله دوبي اشوف المنتدى من زمان. بعد ماكتبت الموضوع استنيت كم يوم ماشفت رد فكتبت في منتدى ثاني وبعد دقائق ماشاء الله افادوني بطرق عمل القهوة. بس الموضوع حلو الي حطيتيه. يديك العافية .,.
مع التحية ...

وعليكم السلام ورحمه الله وبركاته
طريقه عمل القهوة التركية
1: من دون رغوة على كل فنجال ملعقه ونص صغيرة من القهوة وتفورين الماء وتحطيه المقدار من نفس الفنجال
يعني ثلاث فناجيل قهوةاربع ونص من القهوة واما بنسبة الماء في نفس الفنجال القهوة تصبين الماء وتحطية في اللي يحطونها فيه نسيت اسمها وتقلبين اللين تغلي وبعدين تشيلها وانتظري شوي وصبي القهوة في الفناجيل القهوة.
2:اذا تبيها برغوة نفس الطريقه بس الماء بارد

وعلمني ويش صار معك