استفسار عن GNC Weight Gainer 2200

السلام عليكم ورحمة الله وبركاتة
حبيت استفسر عن المكمل هذا وانا بالفعل شريته
مشكلته ثقيل
http://www.gnc.com/product/index.jsp?productId=2776078

ابغى رايكم فيه وهل اكمل عليه او احول لسيرياس ماس او برو كومبلكس قاينر
بالعلم اني ما العب حديد حاليا
لاني تشتت ناس نصحوني بالبروكومبلكس قاينر وناس نصحوني بالسيرس ماس وقالوا الفيتامينات الي فيه فل وتشتت زيادة بعد موضوع ابوقحط
هدفي زيادة وزن حاليا لان وزني غير متناسب مع طولي 188 - 57ونص
وناس نصحوني بالجي ان سي قينر
مع العلم اني استخدمته مده 10 ايام وزاد وزني 2 كيلو ونص
لكن عيبه ثقيل جدا جدا على النفس
بخبارتكم تشوفون اكمل عليه او تنصحوني بمكمل ثاني


دمتم بود

اخوي دام انك استعملته وشفت منه نتائج مرضيه كمل عليه

اما بالنسبة للطعم الثقيل فانت ما حددت طريقه استخدامك كيف له وكم مره باليوم ؟ حتى نشوف هل متعارض ولا متوافق مع المنتج

مشكوراخوي مشكلجي على التفاعل وجزاك الله خير
جدولي كذا

اخذ سكوب واحد من المكمل مع 200 مل حليب كامل الدسم الساعه 8 ونص
والساعه 12 ونص اخذ السكوب الثاني مع 200 مل حليب كامل الدسم
والسكوب الاخير قبل النوم وعادة يكون الساعه 9 ونص بالليل مع 200 حليب كامل الدسم


هذي طريقة استعمالي له
طبعا السكوب كبيير ولو احط سكوب كامل مع 200 مل حليب صار كانه جريش
وللاسف السكوب مو مكتوب عليه عداد الغرامات
المكتوب على السكوب oz و milliliter

تصدق وتأمن بالله كل ما اكتب يعلق المنتدى او الانترنت :)

المهم

شغلك تمام لانك ماشي على الجرعات الموصى بها لكن تحتاج تزيد كمية الحليب في كل سكوب الى 230 على الاقل حتى يتغير الطعم شوي عليك

والسبب بثقل الطعم انك تزيد حليب كامل الدسم لان ممكن تزيد حليب خالي الدسم او ماء وانت براحتك

والكارب مرتفع في هالمنتج يعطيك 400 جرام كارب بالاضافة الى السعرات الحراريه 1800 يعني هالمنتج مناسب لك وللي يدور زياده وزن

وبالنسبة للبروتين قليل فيه لكن عادي تقدر تعوض بتغذيتك خاصه ان وزنك خفيف وما تلعب حديد يعني عضل مختفي

لكن ليش ماتلعب ؟

تسلم يامشكلجي وبيض الله وجهك

خلاص انا بستمر عليه ان شاء الله اجل
بالنسبه للحديد انا انتظر ازيد وزني شوي وابدا اتمرن

استخدمته بالسابق .. طعمه سيء جداً ..

لاتنتظر وزنك يزيد وبعدها تلعب حديد .. خلها مع بعض علشان الزيادة تكون عضلات ، لان بهالطريقة بتزيد دهون بتتلعوز معاها لاحقاً .. فلو بنيت جسمك بشكل منظم بتعجبك النتائج .

بالتوفيق .

اقتباس:

---

المشاركة الأصلية كتبت بواسطة FinalFantasy9

استخدمته بالسابق .. طعمه سيء جداً ..

لاتنتظر وزنك يزيد وبعدها تلعب حديد .. خلها مع بعض علشان الزيادة تكون عضلات ، لان بهالطريقة بتزيد دهون بتتلعوز معاها لاحقاً .. فلو بنيت جسمك بشكل منظم بتعجبك النتائج .

بالتوفيق .

---

شورك وهداية الله
يوم السبت الجاي بسجل بالنادي
طيب وش تنصحني باي مكمل ؟
ومشكور اخوي
ومشكور كابتن مشكلجي

هلا بك وما قصر فاينل اجابك عن تجربه

واذا بتعرف شنو استعمل اخونا فاينل ادخل الموضوع المثبت وشوف تجاربنا مع المكملات بتستفيد اكثر

موفق

اقتباس:

---

المشاركة الأصلية كتبت بواسطة mashkaljey

هلا بك وما قصر فاينل اجابك عن تجربه

واذا بتعرف شنو استعمل اخونا فاينل ادخل الموضوع المثبت وشوف تجاربنا مع المكملات بتستفيد اكثر

موفق

---

يطولي عمرك
وتسلم ياكابتن على التفاعل