بعض تفاصيل الجزء القادم من Fallout: New Vegas

http://www.cinemablend.com/images/se...6985/16985.jpg

Fallout: New Vegas هو جزء قادم من Fallout راح يتم تطويره عن طريق فريق Obsidian Entertainment ويتم نشره كالعادة بواسطة Bethesda Softworks. هالجزء ماراح يكون جزء رئيسي ومباشر للسلسلة لكنه راح يستخدم نفس محرك وستايل فول اوت 3, والتطوير راح يتم عن طريق العديد من الاشخاص اللي اشتغلوا على الجزء اللي طاف مع استديو Black Isle. راح تدور احداث اللعبة في فترة دمار فيجاس بعد الحرب النووية اللي حصلت, طبعا اللعبة اعلنوا انها بتنزل عام 2010 وراح تكون على البي سي والاكس بوكس360 والبلاي ستيشن 3. والقصة ماراح تكون مرتبطة بالجزء الثالث.

اللعبة مثل ما قلت بتدور في فترة دمار العالم بسبب الحرب العظيمة اللي حصلت الولايات المتحدة والصين واللي استخدم فيها الاسلحة النووية وكان هذا بتاريخ 23 اكتوبر 2077 ( عمري 89 حزتها:09: ) وهالحرب النووية استمرت لساعتين فقط!! بحيث انحلت المملكة المتحدة وانتشرت الاوبئة في الولايات المتحدة مما ادى الى حالة ذعر بالدولة وتبعها كذلك كندا.

http://website.theusualsuspex.com/as...ut%20vegas.png



http://img101.herosh.com/2010/01/12/579456995.jpg


الــمــصــدر

بأنتظار اللعبة على احر من الجمر

شكرا جزيلا

يعطيك العافية على الخبر وواصل مواضيعك الرائعه يا VICTOR :)

يعطيكم العافية على المرور وان شاء الله بتعجبكم اللعبة
شخصيا اعتبرها من التوب 5 مع الن ويك وهيفي رين وبايوشوك وفيبل

لوول اول ما قريت العنوان طق براسي DLC يديد ! .. Xd
تمام يعني ما يحتاج نشتري الجزء الي طاف عشان نلعب في هذا مو؟ بما انه مافي ارتباط بالقصه
احتمال اشتري هالجزء عيل :D

عشآنـك حآط موٍضـوٍع للعبـه .. رٍآح آشتـرٍيهآ طبعـآ ..!

يعطيـك آلعآفيـه يآلغلآ ..!

هلا فارس وفهد نورتو الموضوع بحضوركم
فارس العب هالجزء وتطمن ماله علاقة باللي طاف
بس هم انصحك تجرب الثالث صج انه شوي ثقيل بالاول بس من تطلع من الفولت بتشوف حلاوة الشريط

وفهد انصحك باللعبة انا اعتبرها من اروع الار بي جي الامريكي ولعبة غير قابلة للتطويف ( محسسكم اني اشتغل حق بيثسيدا ههههه )