طلب :الطريقة المثلى لـالتخلص من النحف عن طريق (الحديد)/جدول غذائي او مكمل!

بالبداية اعتذر عن الموضوع اللي قبل هذا اللي كتبت فيه العنوان
مخالف واعتذر للمراقب بعدم قرائة القوانين
__________________________

السلام عليكم انا اعاني من النحف

وزني 49 وطولي 172 احس اني عمود كهربا :D
والعمر :21
المهم شفت واحد من الربع كان نحيف وزاد بالحديد
فاقررت ادخل حديد

ممكن احد ينصحني بجدول معيّن ؟ غذاء او مكملات؟

وكم المدة اللي يتغير بها جسمي يعني كم شهر أحتاج لجل ألاحظ الفرق

ويعطيكم العافية مقدما

اول شي اشكرك على الاهتمام والله انت من القله القليله ولا قصور في البقية اللي التزمت واراحتنا من مهمه مراقبه كل موضوع واكرر شكري لك

بالنسبة لسؤالك

انت لحد الان لم تدخل حديد وهذه الرياضه تحتاج استيعاب لمفهومها فهي ليست شيل حديد وبس لازم عندك اساسيات

الاساسيات

1- التغذيه
2- الراحه
3- التمرين

ندخل الى اول امر وهو التغذيه

لاعب كمال الاجسام يحتاج الى مالا يقل عن 3 لتر ماء باليوم ومالا يقل عن 5 الى 6 وجبات باليوم وتقدر تراجع مواضيع قسم المواضيع المميزة لترى بعض المواضيع المهمه عن التغذيه وكيفية كسب والاستفادة منها اهم شي حط في بالك انك تاكل 3 مرات باليوم وجبات اساسيه و 3 بينهم تكون وجبات خفيفه ومفيده كربوهيدرات على فيتامينات على بروتينات وبما ان وزنك نحيف عليك بالكربوهيدرات مثل البطاطس والخبز والقمح بالانواعه مثل البسكوت واهم شيئين بسيطين بالحجم مليئين بالكربوهيدرات الموز والشوفان

بالنسبة لرقم 2 الراحه

تحتاج تنظم نومك مافي سهر ومافي نوم متقطع لانك بتحتاج كل وقت ما قبل وبعد التمرين لتناول الوجبات والاستفادة منها وايظا لاعب كمال الاجسام يحتاج على الاقل 8 ساعات نوم لبناء العضل لان مفهوم الحديد انك بالراحه تكسب عضل وليس خلال اللعب ولا اقصد الراحه الاوفر بل الراحه مابين الجدول

التمرين

راح تبدأ اول اسبوعين او شهر على الكثير تلعب تمارين شامله لجميع عضلات جسمك لتشدها وتبدأ في تكوينها وبعد ذلك تلعب بجدول منظم وتبدأ باستعمال المكملات يعني لاتفكر بمكملات من الان وانا راح اعطيك نبذه بسيطه عن المكملات والجداول

المكملات هي

1- بروتين ويكون فيه كربوهيدرات عاليه لانك تحتاج للضخامه
2- كرياتين
3- جلوتامين
4- ملتي فيتامين

الجدول بعد ماتنتهي شامل يكون مثل موضوع اخوي الرسمي ( ابو راشد ) وتحصله في توقيعه او بقسم المواضيع المميزة تحت اسم جدول ضخامه

وبالنسبة للملاحظة لو تلعب صح وجدول منظم راح تشوف الفرق في اول 3 اشهر باذن الله لكن صبرا جميلا هذي لعبه بناء عضل تشابه البناء للابنية يعني اصبر ولا تستعجل بالنتائج

موفق خير

اشكرك عالرد عالموضوع
______________

الحين الماء اشربة مع التمرين ولا غلط؟

الوجبات السريعة أبتعد عنها؟ مثل كودو وماكدونالدز ؟

البطاطس تكون مقلية بالزيت؟

ويعطيك العافية

الحين الماء اشربة مع التمرين ولا غلط؟

بالعكس عادي شنو المشكلة ؟ انت تتمرن وتعرق وينشف جسمك وتحتاج ماء اشرب ماء ما المانع !! لكن تجنب البارد جدا لان جسمك بيكون حار ويمكن تصاب بمرض في البلعوم

الوجبات السريعة أبتعد عنها؟ مثل كودو وماكدونالدز ؟

شوف اخوي انت تبي تصعد عظل ولا تبي تزيد وزنك ؟ تقدر تاكل هالوجبات باليوم مره فقط لكن التركيز على الوجبات اللي فيها بروتين وكربوهيدرات اكثر من نسبه الدهون لان الدهون بتزيدك وزن لكن ما بتزيدك عضل وانت داخل حديد فالعب صح واكل صح

البطاطس تكون مقلية بالزيت؟

مشويه اخوي افضل من مقليه

أكيد بطلع عضل :)


ويعطيك الف عافية يالغالي ماقصرت
________________________

ولو تكتب لي جدول غذائي استعمله

يعني من اول ما اصحى لين ما انام
وش اكل قبل التمرين وبعد التمرين

وتكون كفيّت ووفيت :)

انت كسول طلعت :) لو مار على قسم المواضيع المميزة بتستفيد اكثر من ردودي عليك فقط

بالاضافة للمنتدى صاير بيطء الحين

عالعموم لاجل التزامك تفضل

http://montada.com/showthread.php?t=639380

وهذا موضوع ثاني

http://montada.com/showthread.php?t=656628

وهذا موضوع ثالث

http://montada.com/showthread.php?t=656621

وهذا موضوع رابع

http://montada.com/showthread.php?t=638967

وهذا موضوع خامس

http://montada.com/showthread.php?t=636860


وياليت تدخل وتشوف المواضيع لانهم 3 صفحات بس كلهم مواضيع مفيده مابتاخذ من وقتك ربع ساعه تتصفح العناوين وتنتقي المفيد لك

وبالتوفيق