ابي نصحيتكم متى اخذ التنشيف

بسم الله الرحمن الرحيم




السلام عليكم ورحمه الله وبركاته

انا عضوو يديد وبالحديد بعد يديد



انا عمري : 17 سنه جم شهر وبصير 18 وبشهر 7 نشالله

طولي : 164 سم

وزني : 66 كيلو



وأنا صارلي شهر تقريباا وقطعت لمن صارلي 3 أسابيع علشان الامتحانات والحين رديت وصارلي 10 ايام وسويت اشتراكي 3 شهور
ورفيجي نصحني بـ مكملات غذائية الي اهوا بروتين برو كومبلكس جنير ومعاه امينوو حبوب 2222 واهوا مجربه وصارله 7 شهور بالحديد وجسمه تمام


واناا ابي نصحيتكم متى اخذ التنشيف لان وزني اكيد بيزيد وانا مابي هالشي بس بعد ما اسوي تضخيم واخذ كفايتي ورفيجي نصحني انه لمن يصير وزني 77 كيلو ادش على التنشيف


ابي كل المجربين هالشي وصار معاهم نتايج

وعليكم السلام ورحمة الله وبركاته ...

في البداية عزيزي موضوعك مخالف ... لعدم كتابة موضوع يدل على اسفسارك .....

وأنصحك انك تقرأ قوانين القسم ... لأنه موضوعك احتمال يحذف ............

المهم بالنسبة لموضوعك ....

أنصحك أنك تتمرن وتكسب عضلات الأن بالتغذية الطبيعية وتنظيم نومك وغذائك وتمارين لحد ما يصير عمرك 18 سنة

لأنه عزيزي البروكومبلكس لا ينصح باستخدامه الى للذين أعمارهم 18 سنة وفوق ...

يعني لازم تنظم وجباتك الى ست وجبات يومية غنية بالبروتين والكربوهيدرات وان شاء الله خير ...

تحياتي .. اللورد الأحمر ..

مشكور اخوي على مرورك
بس شلون مخالف يعني احذفه وسوي واحد ثاني وشلون الثاني ؟

اقتباس:

---

المشاركة الأصلية كتبت بواسطة SupeR َ maN

مشكور اخوي على مرورك
بس شلون مخالف يعني احذفه وسوي واحد ثاني وشلون الثاني ؟

---

عدل عنوان الموضوع اكتب مثلا : سؤال عن المكملات + التنشيف
لأنه جذي مخالف ، ولو تقرى القوانين احسن بعد..

مثل ما قال الأخ الكريم ؟؟؟؟؟؟؟

لكن عزيزي كلف على نفسك واقرأ قوانين القسم ... وشكرا ...

مممم مو لاقي مالت التعديل او حتى الحذف !!

تلقا تحت على اليسار بآخر شي تحت التوقيع .. ونتمنى مره ثانيه قبل لا تبدأ تقرى القوانين عشان ما تصيرلك هالمشاكل وتحرج نفسك .. وبالتوفيج

اعرف مكانه بس مو لاقيه قبل كان موجود اول ما سويت الموضوع

تم تعديل العنوان

بالنسبة للخاصيه تختفي بعد مرور فتره من كتابه الموضوع

بالتوفيق

كمال الاجسام عزيزي له كثير من القواعد اما بالنسبة لبناء جسم قوي وعضلات مفتوله نوعا ما فا الاغلبيه يبدأون تضخيم ومن ثم تنشيف

الامينو 2222 يحتوي على مادة الكرنتين وهي ماده للتنشيف يعني ماتنفعك بالتضخيم

وبالاساس ماتحتاج امينو ولا ملتي فيتامين لو بتاخذ البروكومبلكي لانه يحتوي على نسبة امينو ممتازه وايظا يحتوي على ملتي فيتامين ( فيتامينات متعدده )

ومو شرط تطلع 10 كيلو بالتحديد فا الاغلبيه يطلعون على موجل نظرهم لجسمهم ومدى الضخامه المراد الوصول اليها ومن ثم التنشيف

الضخامه = دهون + كتلة عضليه ووزن زائد

بالتوفيق عزيزي