تشغيل أجهزة ألعاب قديمة على شاشات HD LCD

السلام عليكم يا اخوان
عندي استفسار، هل بالإمكان تشغيل اجهزة الألعاب القديمة
سوني 1
سوني 2
سيجا
صخر
3DO

اي جهاز قديم، على شاشة HD LCD؟
لاني جربت، وطلع لي الصورة فيها خطوط تجي مع الألوان والصورة بتكون اوضح لو شغلتها على تلفيزيونات قديمة. مالسبب؟ ولماذا؟ وكيف اعالج هذه المشكلة؟ اريد ان اشغل هذه الاجهزة على شاشات حديثة لاني احب الالعاب القديمة والاجهزة القديمة.
هل هناك set up خاص من خلال الشاشة لتشغيل هذه الاجهزة؟

طبعاً عندي xbox360 لكن اشتاق للألعاب القديمة كثيرا خصوصاً العاب الـRPG.

بانتظار الإفادة وشكراً.

اخوكم عمر

ملاحظة: عذراً إن كان الموضوع في قسم غير صحيح. بصراحة المنتدى ماشاء الله تبارك الله كبير ولا أعرف اين اكتب استفساري.

هل من إجابة يا اخوان؟

السلام عليكم.. مازلت بانتظار الإجابة.

اخوي ما اعتقد تقدر لان الاجهزة القديمة مافيها فتحة HD

بس تقدر تلعب العاب بلي ستيشن2 على السوني 3
وتقدر تشنري العاب قديمة على الاجهزة القديمه من خلال ستور السوني3
وتنزلها على السوني 3 وتلعب
وجذي تقدر تلعب على HD

لا طبعا ما يصير .. لأنها تقنيه جديده وتعتمد على الـ wide screen
والالعاب لازم نفسها تتعدل مو قطعه الي بتعدل لك الرسوم
حتى الالعاب الكلاسيكيه الي تشتريها من الستور لا تتوقع ان رسمها
بيكون معدل مره .. تعديل بسيط وما زال فيه مربعات .. ما لك الا انك
تلعب على الشاشات القديمه ..

اقتباس:

---

بس تقدر تلعب العاب بلي ستيشن2 على السوني 3

---

خبرك عتيج اخوي هذه بس لأول دفعه من الجهاز وبعدين كنسلوها ..
وحتى لو لعبت بالبلاي 3 العاب بلاي 2 ما بتفرق ..

اقتباس:

---

المشاركة الأصلية كتبت بواسطة dely10

اخوي ما اعتقد تقدر لان الاجهزة القديمة مافيها فتحة HD

بس تقدر تلعب العاب بلي ستيشن2 على السوني 3
وتقدر تشنري العاب قديمة على الاجهزة القديمه من خلال ستور السوني3
وتنزلها على السوني 3 وتلعب
وجذي تقدر تلعب على HD

---

أثلجت صدري بردك اخوي.
الله يعطيك العافية.

طيب، مارأيك لو شغلت الالعاب والاجهزة القديمة على شاشات بلازما وليس LCD؟

هل من إجابة يا اخوان؟

البلازما تقدر تشغل عليها بس مثل ما ذكرت بدون فتحة hdmi
والبلازما شاشة قويه واكيد افضل من الاجهزة العاديه بالالوان والوضوح

حاليا من افضل الاجهزة التلفزيونيه :
1-شاشة led
2-شاشة lcd
3-شاشة البلازما

طبعا للاجهزة الحديثه

اقتباس:

---

المشاركة الأصلية كتبت بواسطة Nintendo RevO

لا طبعا ما يصير .. لأنها تقنيه جديده وتعتمد على الـ wide screen
والالعاب لازم نفسها تتعدل مو قطعه الي بتعدل لك الرسوم
حتى الالعاب الكلاسيكيه الي تشتريها من الستور لا تتوقع ان رسمها
بيكون معدل مره .. تعديل بسيط وما زال فيه مربعات .. ما لك الا انك
تلعب على الشاشات القديمه ..

خبرك عتيج اخوي هذه بس لأول دفعه من الجهاز وبعدين كنسلوها ..
وحتى لو لعبت بالبلاي 3 العاب بلاي 2 ما بتفرق ..

---

بارك الله فيك اخوي.
طيب اذا ما ارغب العب على شاشات قديمة وش الحل برأيك؟