جدول غذائي خالي الدسم بسيط جداً وغير مكلف

السلام عليكم

طبعن في جداول كثير تغذية كثير بالمنتدى والشباب وكبار البدي بلدنق ماقصرو ماشالله

<<طب ليش مسوي موضوعك


اها سؤال جميل:D

هذا الجدول الغذائي الصراحة انا مسويه
وميزته انه سهل جداً للعزابية ولغير العزابية يعني مايبيله طبخ وسلق وتعب بسيط جداً
وكمان من ميزته انه تقريبن 8 وجبات واي احد يقدر عليها حتى لو واحد ماعنده شهية أبد :D
وأيضاً من ميزته ان الي يحس ان الوجبة ماكفته يقدر يزيد الكمية
وايضاً من ميزته انه في وجبه وحدة كبيرة يعني ماحتحس بانك محروم من الاكل
وايضاً الفترات بين الوجبات مناسبة وتضمن هضم الطعام :D
وايضاً انشالله مايكون مكلف بالنسبة للجداول الاخرى بس انتو قضو من مكان رخيص

وانشالله يعجبكم

طبعن الجدول خالي الدسم ويفيد للي بيضخم والي بينشف



الوجبة الاولى الساعة السابعة صباح :

علبة تونة بماء وملح أو بيض مسلوق + مشروب بروتين

ملاحظة: علبة التونة وعدد البيضات تتحد حسب احتياج الشخص يعني الي تكفيه علبة ياخذها والي تكفيه علبتين ونفس الشي للبيض وهكذا

الوجبة الثانية الساعة 11 صباح :

لبن زبادي منزوع الدسم + شوفان

(برضو اعيد واكرر ان الزبادي كميته حسب احتياج الشخص)

الوجبة الثالثة الساعة 2 ظهر :

بالنسبة للي بيضخم ياكل الي يبيه في هذي الوجبة عشان يكسب نسبة دهون الا اذا كان البروتين الي بياخذه فيه فات كثير فيقدر يمشي على نظام الي بينشف

بالنسبة للي بينشف ياخذ صدر دجاج مشوي مع رز مسلوق <<عاد هذي من المطعم:D


الحين وقت التمرين بالعصر :D وهو افضل وقت عشان يتنظم الجدول الغذائي

الوجبة الرابعة بعد التمرين مباشرة :

هنا تكتفي بمشروب البروتين لانه بعد التمرين مباشرة حتكون مصدودة نفسك عن الاكل من الكرف الي كرفته + كم حبة موز

الوجبة الخامسة الساعة 6 المغرب :

كورن فليكس ( فيتنس ) <<مافيه دهون كثيرة وبه فيتامينات + حليب منزوع الدسم


الوجبة السادسة الساعة 9 :

مرتديلا دجاج أو لحم أو ديك رومي + خبز بر (أسمر)


الوجبة السابعة قبل النوم بساعة :

زبادي منزوع الدسم + مشروب البروتين




================================

وهذا الجدول :)
طبعن الجدول من تأليفي :D
وبه كميات كويسة من البروتينات
وقليل الدهون
والكاربز في الشوفان والموز

الجدول زي ماقلت أي احد يقدر يمشي عليه
من الحين انشالله محد يجي يقول مالي نفس
لان الي ماله نفس يبدأ بعلبة تونة وحدة وماعتقد ماحيقدر يخلصها حتى لو ماله نفس

-----

ملاحظة : كلمة أو تفيد بأنه تختار بين هذا وهذا :D وال + يعني تاخذه معه بنفس الوقت :D

----


واتقبل اضافاتكم واقتراحاتكم وآرآئكم وانتقاداتكم خصوصن من المحترفين الي معانا ماشالله:biggthump





وسبت خاصية عدم النسخ عشان الكل يستفيد من الجدول وينسخه اذا عجبكم طبعاً:09:

دعواتكم بس بالتوفيق :D

يعطيك الف عافيه والله شكله يشهي لوول وخفيف :)

كفيت ووفيت يا بطل

مشكور اخوي على هذا النظام بس احسه كثير يعني الوجبات اعتقد كافي 3 وجبات والواحد يصبر نفسه للي يبي ينشف

الف شكر اخوي د عمرو على الموضوع المفيد

سيتم النقل الى قسم المواضيع المميزه

GoOjey


تسلم عالمرور نورتني



-----

مناداة الليل

تسلم اخوي اتشرف بمرورك

---------

الاخر1

أفا :D لايسمعوك شباب البدي بلدنق :D

لاعب كمال الاجسام يحتاج عدد كبير من الوجبات الغذائية عشان يغذي العضلة بشكل مستمر

يقولك افضل شي 8 وجبات او 6

صحيح صعبة زي ماتقول

بس هنا تكمن ميزة هذا الجدول انه اي احد يقدر يمشي عليه انشالله لان الوجبات الي فيه خفيفة عالمعدة وكبيرة الفائدة

وحتى اصحاب التنشيف يحتاجو وجبات بهالعدد بس اعتقد انهم مايستخدمو الملح أبد والدهون ينسو فكرتها


انت لو تدري ببعض كبار اللاعبين الي بالبطولات يصحى بالليل الساعة 3 ياخذله مشروب بروتين ويرجع يكمل نوم عشان يضمن انه جسمه بيتغذى 24 ساعة

بس في حل لتجنب هذي الحركة انه تاخذ منتج بروتين كاسين او برو كمبلكس بالليل وهو يقوم بالمهمة


----------------------


اخوي مشكلجي

ليا كل الشرف انه ينال الموضوع اعجابك :)
وكله من نصايحكم :)

يعطيك العافية عالمرور

ألف شكر لك د/ عمرو

جدول غذائي حلو وخفيف ومنظم ( ومفيد)

يعطيك العافية اخوي

ممتــــــــــــــــــــاز
وايد حلو

يعطيك العافيه د/ عمرو

على الموضوع المميز والمفيد جدا وان شاء الله اجربه


تقبل مروري ..

يعطيك العافية اخوي

جدول مرتب ويناسب الي تمرينه العصر :)
واتمم على كلامك من ناحية الـ كاسين فهو مناسب جدا

تحياتي لك

يعطيك العافيه ماقصرت د\عمرو

ان شاءالله الكل يستفيد

بارك الله فيك د/عمرو

يسلم الجميع عالردود ويعطيكم العافية :)

عطاك الله العافية عزيزي عمرو لكن المشكلة في التونة ما أقدر على ريحتها وطعمها جربت اخذت علبتين مرة لكن للأسف ما قدرت أكله ...

لكن عزيزي انت تاكل التونة لوحده أو تخلطه مع شىء أو اضافات اذا عندك خلطة حقه لا تبخل عزيزي ...

وشكرا لك ..