مطلوب خبير تغذيه لعمل برنامج عذائي

السلام عليكم

الوزن : 92

الطول : 173

العمر : 18


بالبدايه احب اشكر جميع القائمين على هالمنتدى الرائع ويجزاهم الف خير خصوصا مشرفين هالقسم

انا كنت اعاني من السمنه وكان وزني 108 .. وشديت حيلي بالبدايه ونزلته الى 92 .. لكن للآسف موب

بطريقه سليمه على حسب ما قالوا لأن كنت اعتمد على حميه ( آتكنز) الي تعتمد على الدهون والبروتينات فقط بدون الكارب

صحيح اني كنت انزل لكن ظهرت اعراض جانبيه الي هي ضعف النظر والدوخه

نظامها انك تاكل الي تبي الى حد الشبع يعني دهون وبروتينات ومقالي وكل شي بس تبتعد عن السكر

لان الجسم لمن مراح يلقى السكر راح يلف على الدهون الي مخزنه بجسمك ويحرقها عشان الطاقه


الخلاصه : انا نويت اوقف ان شاء الله وابي برنامج غذائي متوازن امشي عليه لين اوصل للوزن المثالي .. لاني حاط ببالي لمن اخس ببدأ في رياضه كمال الأجسام وان شاء الله عندي الاراده والقوه


يعطيكم ألف عافيه وما ننحرم من ردودكم

حبيت اضيف ان عندي ترهل بمنطقه البطن وترهل خفيف بالصدر

وعليكم السلام ورحمة الله وبركاته

هلا فيك اخوي .. في البدايه احب اهنيك على الوزن اللي تخلصت منه

والحمد لله انك تداركت الموضوع لأن هذا النوع من الرجيمات خطير ويضر بالصحه العامه للجسم ..
لازم الواحد يوفر لجسمه جميع الاحتياجات اليوميه من كاربوهيدرات وبروتينات ودهون وفيتامينات مهمه
والأهم من ذالك كله انه يختار نوعية الاكل المناسبه والصحيه اللي تساعده على التخلص من الوزن الزائد ..

عموما عزيزي لا اعتقد انك بتحصل خبير تغذيه موجود في القسم .. انصحك بزيارة اخصائي تغذيه اذا كنت تحتاج الى برنامج غذائي جيد ومناسب لأن الأخصائي بيكون قريب منك وبيعرف نوعية الاطعمه المحببه لك ويدرجها في البرنامج .. وايضا ربما يقوم بتحاليل عشان يعرف نوعية الطعام اللي تسبب لك زياده في الوزن ويبعدك عنها ..

وايضا بإمكانك زيارة المنتديات الطبيه وتطلب منهم البرنامج الغذائي .. ولكن من وجهة نظري انك تزور طبيب افضل :)

بالنسبه للترهل الموجود في بطنك هذا شي طبيعي اخوي نتيجه لفقدان الوزن .. وانصحك بعد ماتحصل على برنامج غذائي انك تتبع البرنامج الغذائي بالإضافه الى تمارين الحديد بأوزان خفيفه وتكرارات عاليه لشد الترهلات بالأضافه الى تمارين الكارديو والسويدي

وبالتوفيق ان شاء الله

هلا وغلا بولد عمي .. حيا الله اهل الحسا

يعطيك الف عافيه اخوي متقصر .. ولكن استغرب انك تقول ابدأ في الحديد .. هل يفيدني الآن ؟

وبالنسبه لخبير التغذيه ان شاء الله ازوره في اقرب فرصه

مشكور متقصر

هلا فيك اخوي :) الله يحييك ويبقيك ..

اخوي اكيد بيفيدك الحديد الأن ولكن ( في شد الترهلات فقط) وليس لإظهار كتله عضليه

يعني انت لو استمريت في التخسيس بدون حديد راح تضيف ترهلات لجسمك .. مثلا اذا وصلت لوزنك المناسب راح تلاحظ ان جسمك مافيه دهون او سمنه بس فيه ترهلات وبيكون شكله غير مقبول بالنسبه لك فـ راح تلجأ للحديد عشان تشد الترهلات وراح ياخذ معاك وقت طويل عشان تشد ترهلات ..

انا اختصرت عليك الموضوع وقلت لك بعد ماتحصل على برنامجك الغذائي اللي عطاك اياه الأخصائي تستمر في تمارين السويدي ( التخسيس ) بالإضافه الى الكارديو ( السيكل - الجري على السير - السباحه .. الخ ) بالإضافه الى الحديد

وانا طلبت منك تبدأ حديد في هذي المرحله افضل من انك تبدأ بعد ماتوصل لوزنك الطبيعي لأن الطريقه السليمه لمعالجة الترهلات والحد من ظهورها هو انك بعد ماتفقد من 5-7 كيلو تبدأ في شد الترهلات عن طريق تمارين الحديد بأوزان خفيفه وتكرارات عاليه

وخلاصة الكلام انك توفـّـق بين هذي التمارين الثلاث مثلا تتمرن يومياً سويدي وكارديو وتخصص لك 3 ايام بالأسبوع تتمرن فيهم حديد ( بأوزان خفيفه وتكرارات كبيره ) عشان تحدّ من زيادة الترهلات , ولاتنسى تخصص لك من يوم الى يومين في الأسبوع للراحه

اتمنى وصلت الفكره

وبالتوفيق

ماقصر عشق البطوله وحش ويعطيك العافيه

بالتوفيق عزيزي ابو ناشي

الله يعافيك حبيب قلبي امتي .. :)

اقتباس:

---

المشاركة الأصلية كتبت بواسطة عشــق البطــوله

هلا فيك اخوي :) الله يحييك ويبقيك ..

اخوي اكيد بيفيدك الحديد الأن ولكن ( في شد الترهلات فقط) وليس لإظهار كتله عضليه

يعني انت لو استمريت في التخسيس بدون حديد راح تضيف ترهلات لجسمك .. مثلا اذا وصلت لوزنك المناسب راح تلاحظ ان جسمك مافيه دهون او سمنه بس فيه ترهلات وبيكون شكله غير مقبول بالنسبه لك فـ راح تلجأ للحديد عشان تشد الترهلات وراح ياخذ معاك وقت طويل عشان تشد ترهلات ..

انا اختصرت عليك الموضوع وقلت لك بعد ماتحصل على برنامجك الغذائي اللي عطاك اياه الأخصائي تستمر في تمارين السويدي ( التخسيس ) بالإضافه الى الكارديو ( السيكل - الجري على السير - السباحه .. الخ ) بالإضافه الى الحديد

وانا طلبت منك تبدأ حديد في هذي المرحله افضل من انك تبدأ بعد ماتوصل لوزنك الطبيعي لأن الطريقه السليمه لمعالجة الترهلات والحد من ظهورها هو انك بعد ماتفقد من 5-7 كيلو تبدأ في شد الترهلات عن طريق تمارين الحديد بأوزان خفيفه وتكرارات عاليه

وخلاصة الكلام انك توفـّـق بين هذي التمارين الثلاث مثلا تتمرن يومياً سويدي وكارديو وتخصص لك 3 ايام بالأسبوع تتمرن فيهم حديد ( بأوزان خفيفه وتكرارات كبيره ) عشان تحدّ من زيادة الترهلات , ولاتنسى تخصص لك من يوم الى يومين في الأسبوع للراحه

اتمنى وصلت الفكره

وبالتوفيق

---

مشكوور يا غالي ، الله يكتب اجرك ان شاء الله

جآآري التطبيق .. وبالنسبه للأوزان الخفيفه .. يعني كم تكون ؟

وهل ينفع اني اتدرب خفيف وثقيل .. منها شد ومنها بناء عضل ؟

مع العلم اني بأتدرب بالبيت .. وناوي اشتري الدامبلز

يعطيك العافيه اخوي وآسفين اذا تعبناك

هذا البرنامج أنا أستخدمه حالياً

طبعاَ من الأخ كوفي الله يعطيه العافية

اقتباس:

---

البرنامج هذا جيد لشخص يلعب حديد له فترة طويله وناوي ينشف الدهون
اما بالنسبة لك اقترح عليك اولا ان تترك الحديد مادامك جديد عليه وتتفرغ للدهون في لعب الكارديو بما لايقل عن ساعه ونصف في اليوم حتي تختفي الدهون تماما وثم تبني عضل صافي
طبعا طريقة نومك والسهر ليست جيده ايضا لشخص يرغب بجسم مشدود العضلات وقوام جميل
طبعا اعطيك نظام تغذية جيد
طبعا ابغاك تنسي فطور غداء عشاء عندي نظام وجبات قليلة السعرات
وايضا المشروبات الغازية ممنوعه منعا باتا في البرنامج والسكر ايضا الا ان لم تستطيع فالقليل منه فقط
الوجبة الاولي 3 بياض بيض مع حليب خالي الدسم وليس قليل الدسم وقطعة صغيرة خبز اسمر
200 سعرة حرارية
الوجبة الثانية
جبنة قريش مع قطعة خبز اسمر + عصير برتقال بدون سكر + سلطة
200 سعرة حرارية
الوجبة الثالثة وهي التي قبل التمرين وهي اكبر وجبة
5 ملاعق رز ابيض بزيت الزيتون مع تونة بالماء بعد تصفيتها من الماء + زبادي خالي الدسم
وممكن بدل الزبادي حبة بطاطس مسلوقه من غير ملح
300 سعرة حرارية
الوجبة الرابعه بعد التمرين
7 تمرات مع كأس صغير لبن المراعي خالي الدسم
200 سعرة حرارية
الوجبة الخامسة
خضار مسلوقه مشكل صافية من غير مرق + تفاحة + برتقاله
200 سعرة حرارية
الوجبةالسادسه قبل النوم بساعتين مهم
تفاحة وبرتقالة ووصلة خبز صغيرة مع قليل من البادي منزوع الدسم
200 سعرة حرارية
استمر علية اسبوعين وتعال قلي النتائج
اذا ظبط معاك علشان اسويلك جدول ثاني اخر
بشرط انك تلتزم بالكميات اللي حطيتها وتلعب كارديو وهروله ماهو حديد
ويكون عندك مجموع السعرات 1300 سعرة حرارية ماتعديها
وان شاء الله النتائج سريعة وبرنامج مخلوط معه كل المكونات الغذائية المهمه
من الفيتامينات اللازمه والبروتين والكربهودرات والدهون المهمه

بالتوفيق

---