عرض للطباعة
السلام عليكم و رحمة الله و بركاته
حبيت إني أسوي موضوع عن كيفية ( أخذ الملاحظات ) أو taking notes و هو أسلوب رائـع لـلطلاب للمذاكرة و اختصار الجهـد ...
أنا ف البداية كنت أسمع عن الموضوع لكن ما كنت متقبلة الفكرة :33: لأني بطبعي ما حب اشخط و أكتب , لكن بعد ما استخدمت ( أخذ الملاحظات ) في الحصص I changed my mind :32:
.
.
.
انتـظـروا البقيــة | أرجـو عـدمـ آلـرد حتـى آلبـآرت الـ1 :biggrin2:
بـآرت 1
أخذ الملاحظات طريقة فعآلة في تلخيص آلدروس
قبل الحصـة الدراسيــة :
تأكد من احضار كل المستلزمات الازمة في الحصة ( إذا حصة رياضيات على سبيل المثال إحضار آلة حاسبة , مسطرة ..إلخ)
تأكد من إحضار دفتر للملاحظات حجمه معقول و أوراقه بيضاء ( غير ملونة أو فيها عبارات أو رسوووم ) أو أوراق عادي..
و أقلام ملونة < عشان ما تنسد نفسيتكم + رصاص و ممحاة
و انا أفضل أن يكون اللون البرتقالي اللون الرئيسي لأنه مثل ما تقول البحوث إنه لون يدفع للتحدي
و الأقلام الملونة عشان تميز إللي تكتبوه .. مثلا تكتب السؤال بالأحمـر , و الجواب بالبرتقالي و عنوانين الدرس بالأزرق و الأشياء المو فاهمنها بالأخضر ( مثلاً)
و لـي عـودة
بـآرت 2 < أطوؤل بـآرت :ponder: لو تحس عمركـ ملآن روح أغسل ويهكـ :biggrin2:
الموهـمـ ...
أثنــآء الحصـة الدراسيــة :
بعد ما جهزت كل شي... انسى كل العالم و اعتبر إنه من لحظة دخول الاستاذ إنته إنسان آخر هدفه هو الاستفادة قدر الامكان من هذا الصرح الشآمخ في آلعلمـ ..
انسى همومك و العالم و كل شي ثاني..
خلوناآ شوي نتكب عن هذي النقطـة :
إحيانا تجوف ناس من عمرنـآآ يقولون والله الدنيا صعبة و تلقاهم حزيينين تقول شي صاير لهم لا سمح الله و يفكرون بأشياء سخيفه مثل الاعجاب و المواضيع شراتها..
بس لييش كل هاا ؟ إنته إنسان و الحمد لله عندك عائلة تحبك و تحرص علييك و عندك نعم كثثيرة أهمها إنك في المدرسة و قاعد تتعلم و الملائكة تحيطك برحمتها , فليش تتعذر بالهموم و مشاكل مراهقين ؟
خل هدفك الأول ( نجآحــي في درآستــي .... ) و اعرف لو إنك مقصر اتجاه دينك أو والديك لن تحس بطعم النجـآح .. بل لن تكون متفوقا أبداً أبداً...
نرجـع لموضوعنـآآ < أنفع معلمـة :bigeyes:
إلحين لما يبدا المعلم ف الشرح انتبه له و بين له إنك مهتم و إنك منتبه < صدقوني هالطريقة تبين للمعلم الشاطر من الكسلآن .....
و لما يسأل سؤال ارفع إيدك ... قول إللي عندك حتى لو كان غلط ...
و يوم تحس في وقت تكتب شي... اكتب ف دفتر النوت أهم الأشياء... ( و لا تستغل وجود الدفتر لتسرح أو تكتب أشياء خارج الدرس ) < أول مرة اسوي هالطريقة كنت جـي :09:
كيــف أكتـب الملاحظـات ؟؟
طبعا مثل ما قلت قبل لازم نكتب بإختصار شديد عسب نلحق ويا الأستاذ ...
جرب تخترع لك علامات تساعدك
أنا اسوي لي هالعلامات ف دفتر ملاحظاتي
؟ < لأي شي ما أفهمه و لازم أدرسه في البيت
! < لأي شيء ما أفهمه و أحسه صعب جدا جدا جداً ( و لله الحمد لم أستخدم هذه العلامة إلا نادراً )
س < يعني سؤال
ج < جواب
.... < كلام غير مهم
( ) < مثآل ..
× < غير مهم
@ < استخدمها لما تطلب منا المعلمة واجب من الإنترنت أو لما أحس إنه لازم أدور عن الموضوع في الإنترنت ( بشكل عام معناها إنترنت @)
و علامات واآآيـد , و طبعا لكل واحد طريقته و تقدرون إنتو تبتكرون طرقكم الخاصـة ..
البـآرت 3 فـي الطريييق .. ~
سلأأمـ :biggthump | أبي أجـوؤف آلتفـآعـل , و الأآرآء ...
والله اختي موضوعك جميل جدا
وفيه صرح شامخ من الافاده افادني كتير وربي
بانتظار الجزء التالت
عسى الله لا يحرمنا منك ومن هيك مواضيع