نظام اعطاني اياه المدرب..ودي اخذ رأي الوحوش فيه

السلام عليكم و رحمة الله و بركاته
اسمحولي ياجماعة الخير احس اني ازعجتكم بكثر اسئلتي...

انا امس كلمت المدرب و قلته له ابي نظام لاني مليت لي شهر اتمرن وزني ثابت((لان نظام اكلي غلط يعني ايام ما اتريق و لا اغدى هشكل يعني))المهم كتب لي نظام و هو
اولا:التمارين----جدول مقسم على ثلاثة ايام

اليوم الاول:
كارديو 20 دقيقه +سويدي+كارديو 45 دقيقه

اليوم الثاني:
كارديو 20 دقيقه+تمارين حديد للجسم العلوي((فوق))شامل
و يشمل
1-صدر مستوي 4جولات 15 عده
2-صدر تفتيح مستوي 4 جولا 15 عده
3-بار عالي 4 جولات 15 عده
4-تجميع سلك تحت 4 جولات 15 عده
5-فراشه 3 جولات 12 عده
6-اكتاف جانبي 3 جولات 15 عده
7-جهاز دفع جانبي 3 جولات 15 عده
8- جهاز خلفي 3 جولات 15 عده
9-بيطان واسع امامي3 جولات 15 عده
10-سحب ضيق 3 جولات 15 عده
11-حصان واسع 3جولات 15 عده
12- دنابل تبادل((باي)) 3جولات 12عده
13جهاز تقويه 3جولات 15 عده
14- سلك تراي 3جولات 15 عده
15-سواعد 4جولات 15 عده
و بعده كارديو 45 دقيقه

اليوم الثالث:
كارديو 20دقيقه
و تمارين حديد تشمل الجزء التحتي من الجسم:
1 -رجلين امامي و خلفي 5 جولات 15 عده
2- الوقوف و الجلوس الحر 4جولات 25 مره
3-جهاز الدفع(واسع) 3جولات 15 عده
4-تمرين اسمه long?? جولات 3 مره15
5-بطات واقف و قاعد 3 جولات 20 عده
و كارديو 45 دقيقه

الحين نظام الغذاء:
الافطار:كورن فليكس الي خالي من الدهون بنسبة 98% و حليب خالي الدسم و قالي اكل معاها 5 بيضات بس ما طبقت البيض
بعدها بثلاث ساعات 200 مل خالي دسم
الغدا:صدر+سلطه خضرا
الساعه 3 العصر عصير برتقال
اروح للنادي عالساعه 4 الى 8
العشاء تونه ماي+سلطه خضرا+ 2توست اسمر
الساعه 10 حليب خالي الدسم

اعيد البرنامج مرتين بالاسبوع و اليوم السابع راحه

و سوالي توزيعه للحبوب و المكملات الغذائيه
ليبو6 قبل الاكل بعشر دقايق اخذ حبيتين
امينو1000 ثلاث حبات الصباح قبل الاكل و 3حبات بعد التمرين
كرياتين حبه قبل التمرين و حبه بعد التمرين

العمر 19
الوزن 139
الطول 176
الوزن المثالي من 58.8 الى 77.4
وزن الدهون 54.7
ودي اصير نفس الي بالصوره
عطوني التعليمات و انا مستعد اسوي المستحيل:biggthump
واسمحولي اذا طولت عليكم بالكلام

الظاهر الكل يبي يصير نفس اللي بالصورة :) اشوف الصورة متكرره عند الكل

اخوي ما نقدر نحكم على الجدول لان وزنك عالي يمكن المدرب معطيك هالجدول وينتظر نتائج مو شرط انه يكون الجدول معيطك اياه على طول لهذا شوف النتائج شهر وان شاء الله تستفيد وخلك متابع مع المدرب لان لكل مدرب فلسفته في التدريب اكيد ما عطاك هالجدول عبث

موفق خير

مشكور و ماقصرت

ننتظرك بعد مده وان شاءالله يكون في فرق ايجابي بس عزيزي الحليب يقولون انه حتى لو منزوع الدسم تتكون به بعض الدهون اقترح عليك تستبدله بالماء خصوصا الي بالليل اخر وجبه

البض طبعا بياض البيض وليس مع الصفار انتبه من هالنقطه

بعدين ياعزيزي ماتلاحظ ان جدول تمارينك خالي من تماري البطن والخواصر !!

عموما فلسفة المدرب اعتقد انها راح تكون ايجابيه واصل بمجهود قوي وننتظرك بعد مده توافينا بالنتائج

بالتوفيق

صح كلامك
بس لان انا مشكلتي البطن
فصعب حاليا اسوي تمارين معده
خواصر اوكي عالجهاز اسويها بس بطن حر صعب على جهاز يمشي الحال

الله يوفقك اهم شي الاستمراريه وانا اخوك

جزاك الله خير