السلام عليكم
ممكن جدول غدائي للتنشيف
الطول 170
الوزن 65
العمر 17
شكرا
عرض للطباعة
السلام عليكم
ممكن جدول غدائي للتنشيف
الطول 170
الوزن 65
العمر 17
شكرا
اهلا اخي الكريم انت لا تحتاج الى جدول غذائي بل لتعرف ما هو المفيد من غير المفيد وهناك مواضيع عن التغذيه في قسم المواضيع المميزة ستستفيد منها باذن الله
بالتوفيق
لكن اخي عندي دهون فوق العضل كيف اتخلص منها ؟؟
اخوي ما هو جدولك الرياضي ؟
العب كل يوم عضلة و اوزان ثابة
4 مرات ف السبوع مشي سريع لمدة 20 دقيقة
البطن 3 مرات ف الاسبوع
شوف اخوي 4 ايام وعضله واحده كيف ياليت تشرح
الجسم فيه اكتاف وصدر وارجل وباي وتراي وظهر فياليت تكتب الجدول شنو تلعب اول يوم الى رابع يوم
بالنسبه للمشي السريع 20 دقيقه هذا ما يفيد لازم ما يقل عن 30 دقيقه في حال تبي تنشف جسمك من الدهون
البطن ممتاز لكن كم عدد تكرار التمرين وماهي التمارين هل تلعب خواصر ايظا ؟
اخوي يا ليت تجاوب بدقه اكثر لان انا ما اشوفك الي تكتبه احكم فيه عليك
انتظر رد
3 ايام و يوم راحة بعدين يومين و يوم راحة
البطن : يوم للعلوي ويوم للسفلي و يوم خواصر 3 تمرينات كل واحد 25x4
اخوي ماهو اول يوم شنو تلعب ؟ ثاني يوم شنو تلعب ثالث يوم شنو تلعب بعد الراحه شنو تلعب ؟ ياليت توضح !!
بعدين ليش تلعب يوم بطن علوي ويوم ثاني تلعب سفلي ؟ اجعلهم كلهم بيوم واحد علوي وسفلي مع الخواصر
اكيد ما بتحصل نتيجه اذا انت تلعب على مهلك لازم الحديد يحتاج لعب شديد واقصد بالشده انك اذا دخلت النادي تخرج منه وانت هلكان تعب جدا وتبحث عن الراحه اما يوم بطن علو ويوم سفلي مابتشوف نتيجه ويبيلك سنه كامله حتى تشوف نتائج
وسؤال هل المدرب عطاك هذا الجدول ؟
الجدول من المنتدى
اول يوم صدر
الثاني ظهر
الثالث اكتاف
راحة
الخامس باي و تراي و سواعد
السادس ريول
راحة
ياليت تعطينا رابط الموضوع اللي خذيت منه هالجدول !!
عضلتين باليوم انسب شي
اخوي لو قريت اخر شي بكلام الاخ صاحب الموضوع كان فهمت ان الجدول لا يمشي مع كل شخص
وعلى فكرة هذا الجدول للتضخيم وانت تبي تنشف الدهون يعني لازم تعرف الفرق بين التنشيف والتضخيم وان في الضخامه تزيد نسبه الدهون
على كل حال هذا جدول اخر يناسبك
اول يوم صدر + باي + معده ( علوي وسفلي وجوانب )
ثاني يوم ظهر + تراي + تمارين هرولة على الاجهزة لاتقل عن 30 دقيقه
ثالث يوم راحه
رابع يوم اكتاف + مثلثات + معده ( علوي وسفلي وجوانب )
خامس يوم ارجل كامله + سواعد + تمارين هرولة على الاجهزة لاتقل عن 30 دقيقه
سادس يوم راحه
سابع يوم تقدر ترجع للجدول مره اخرى او انك تخليه يوم لياقه بالكامل ( تمارين سويدي مع تمارين المعده والجوانب والهرولة )
التكرار باوزان معتدله ولا اقول خفيفه تبلغ العدات كمثال 20 ثم 16 ثم 14 كل جوله الوزن يزيد لكن ليس وزن ثقيل جدا لاتستطيع اداء التمرين واهم شي التركيز وانت تلعب ركز بالوزن مثال ارفع الدامبلز بالباي عادي وانزل ببطئ
وان شاء الله تشوف نتائج ترضيك
بالنسبة للتغذيه ابتعد عن الكربوهيدرات ومشتقاتها في الليل وركز عليها في الافطار فقط وما قبل التمرين وزيد نسبه البروتين بتغذيتك اجعلها ضعف السابق
وموفق خير
ولله عسل شكرا اخي الله يبارك فيك